ເທບແຮງທີມເຮົາ!! ຖະລົ່ມ ມາດຣິດ ໄດ້ແບບຊິວໆ

ລີໂອເນວ ເມສຊີ ດາວຍິງຟ້າປະທານຂອງ ບາເຊໂລນາ ຍັງຍິ້ມຈົນແຂ້ວສິແຫ້ງຍັງບໍ່ເຊົາ ລ່າສຸດອອກມາສະແດງຄວາມຄິດເຫັນສຸດມີຄວາມສຸກທີ່ເຊົາເຈັບກັບມາລົງສະໜາມໄດ້ອີກຄັ້ງ ພ້ອມທັງຍັງຊ່ວຍຕົ້ນສັງກັດໄລ່ທັບ ເຣອັນ ມາດຣິດ ຕາຍຄາຮັງ 4 ເມັດ ພ້ອມທັງກະຕຸ້ນເພື່ອນຮ່ວມທີມໃຫ້ຮັກສາຟອມການຫຼິ້ນແບບນີ້ຕໍ່ໄປ.

ລີໂອເນວ ເມສຊີ ກອງໜ້າມະນຸດຕ່າງດາວຂອງ ບາເຊໂລນາ ມະຫາອຳນາດລູກໜັງຈາກ ລາ ລີກາ ສະເປນ ອອກມາເຜີຍວ່າ ດີໃຈ ຫຼັງຈາກທີ່ຕົ້ນສັງກັດໄລ່ທັບ ຄູ່ແຂ່ງ ເຣອັນ ມາດຣິດ 4-0 ໃນເກມ “ເອວ ກລາຊິໂກ້” ທີ່ສະໜາມ ຊານ ດິເອໂກ້ ເບີນາເບວ ເມື່ອເສົາທີ 21 ພະຈິກທີ່ຜ່ານມາ.

ເກມນີ້ ເມສຊີ ສົມບູນກັບມາເປັນໜຶ່ງໃນຂຸມກຳລັງຂອງ ບາເຊໂລນາ ໃນເກມບຸກໄປຢາມບ້ານຄູ່ແຂ່ງຕະຫຼອດການ ຫຼັງຈາກທີ່ບໍ່ໄດ້ລົງສະໜາມເກືອບສອງເດືອນເນື່ອງຈາກໄດ້ຮັບອການບາດເຈັບຫົວເຂົ່າໂດຍທີ່ເກມນີ້ ຫົວຫອກທີມຊາດ ອາເຈັນຕິນາ ຖືກສົ່ງລົງສະໜາມເປັນໂຕສຳຮອງໃນເຄິ່ງເວລາທີສອງ ແລະ ມີສ່ວນສຳຄັນໃນການນຳ 3 ແຕ້ມກັບຮັງ.

ເມສຊີ ກ່າວຂອບໃຈເພື່ອນຮ່ວມທີມທີ່ເຮັດໃຫ້ຕົນເອງຮູ້ສຶກດີຫຼາຍໆ ຫຼັງຈາກທີ່ໄດ້ກັບມາລົງສະໜາມອີກຄັ້ງ “ມັນເປັນໄຊຊະນະທີ່ສຸດຍອດໃນເກມ ເອວ ກລາຊິໂກ້ ແລະ ເຮັດໃຫ້ຂ້ອຍຮູ້ສຶກດີ ທີ່ໄດ້ກັບມາລົງສະໜາມອີກຄັ້ງ ເສັ້ນທາງຍັງໄກ ແຕ່ເຮົາຈະພາຍາຍາມສູ້ຕໍ່ໄປເພື່ອເກັບໄຊຊະນະໃນທຸກໆເກມທີ່ເຮົາລົງຫຼິ້ນ”.

..................................................................................................................................................