ເຕືອນ​! ຕິດ​ຢາດົ​ມ​ ອັນຕະລາຍ​ກວ່າ​ທີ່​ຄິດ​…ໃຜ​ມັກ​ໃຊ້​ຢູ່​ ອ່ານ​ດ່ວນ​

ເຕືອນ​! ຕິດ​ຢາດົ​ມ​ ອັນຕະລາຍ​ກວ່າ​ທີ່​ຄິດ​…ໃຜ​ມັກ​ໃຊ້​ຢູ່​ ອ່ານ​ດ່ວນ​

ຢາດົ​ມ​ ເປັນ​ຂອງ​ໃຊ້​ຂ້າງ​ກາຍ​ທີ່​ຂາດ​ບໍ່​ໄດ້​​ເວລາ​ທີ່​ຮູ້ສຶກ​ມຶນ​ຫົວ​ ປວດ​ຫົວ​ ຫາຍ​ໃຈ​ບໍ່​ສະ​ດວກ​ ຫຼື ​ບາງ​ຄົນ​ກໍ່ບໍ່​ໄດ້​ຮູ້ສຶກ​ເຈັບ​ປ່ວຍ​ຫຍັງ ພຽງແຕ່ຢາກ​ດົມ​ເທົ່າ​ນັ້ນ​ນັ້ນ​ຫຼະ​ ແຮງດົມ​ກໍ່ແຮງ​ຕິດ​ ຂາດ​ບໍ່​ໄດ້​ ຈົນ​ບາງເທື່ອ​ອາດ​ກາຍ​ເປັນ​ພາບ​ລັກ​ທີ່​ບໍ່​ດີ​​

ແຕ່​ຖ້າ​ເວົ້າ​ເຖິງ​ໃນ​ເລື່ອງ​ຂອງ​ປະໂຫຍດ​ ແລະ ​ໂທດ​ຕໍ່​ສຸຂະພາບ​ແລ້ວ​ “ການ​ຕິດ​ຢາດົ​ມ​” ມີ​ຜົນ​ເສຍ​ຕໍ່​ຮ່າງກາຍຫຼື​ບໍ​ ຕາມ​ມາ​ຫາ​ຄຳ​ຕອບ​ໄດ້​

 

ຢາດົມ​ ຄື​ ຢາສະໝຸນໄພ​ຮູບ​ແບບ​ແທ່ງ​ຫຼືຕະ​ລັບ​ ຜະລິດ​ຂຶ້ນ​ມາ​ຈາກ​ກາລະ​ບູນ​ ພິມ​ເສນ​ ເມນ​ທອນ ​ແລະ​ ນ້ຳ​ມັນ​ຫອມ​ລະ​ເຫີຍຕ່າງ​ໆ​ ເຊັ່ນ​ ຫອມລາບ ນ້ຳ​ມັນ​ຂຽວ​ ນ້ຳ​ມັນ​ການ​ພູ​ ຫຼື ​ນ້ຳ​ມັນ​ຢູ​ຄາ​ລິບ​ຕັດ​ ຊຶ່ງ​ກະຕຸ້ນ​ໃຫ້​ຮ່າງກາຍ​ຕື່ນ​ຕົວ ​ແລະ​ສົດ​ຊື່ນ​ຂຶ້ນ​

ຢາດົ​ມ​ເຮັດ​ອອກ​ມາ​ເພື່ອ​ຄວາມສະດວກ​ໃຊ້​ ສະ​ດວກ​ພົກ​ພາ​ ຕິດ​ຕົວ​ເອົາ​ໄວ້​ໄດ້​ຕະຫຼອດ​ເວລາ​ ເຜື່ອ​ເວລາ​ໃດ​ທີ່​ຮູ້ສຶກ​ວິງ​ວຽນ​ຫົວ​ ຫຼື ຢາກຮາກ​ກໍຈັບ​ຂຶ້ນ​ມາ​ສູບ​ດົມ​ໄດ້​ຕະຫຼອດ​ ແຕ່​ສຳລັບ​ໃຜ​ທີ່ດົ​ມ​ເລື້ອຍໆ​ຈົນ​ເສບ​ຕິດ​ ມີ​ຂໍ້​ເສຍ​ຕໍ່​ຮ່າງກາຍ​ຫຼາຍຊ້ຳ​ໃດມາເບິ່ງ​?

1. ຢາດົ​ມ​ຈະ​ເຮັດໃຫ້​ຮູ້ສຶກ​ຕື່ນ​ໂຕ​ ເພາະ​ມີ​ສ່ວນ​ປະສົມ​ຂອງ​ມິ້ນ​ ແລະ ​ຈະ​ເຮັດໃຫ້​ມີ​ພະລັງ​ຂຶ້ນ​ມາ​ອີກ​ເທື່ອ​ ແຕ່​ຖ້າ​ບໍ່​ໄດ້​ອອກ​ກຳ​ລັງ​ກາຍ​ເປັນ​ປະຈຳ​ ຫຼື ຮັບປະທານ​ອາຫານ​ເພື່ອ​ສຸຂະພາບ​ສະໝ່ຳ​ສະເໝີ​ ຢາດົ​ມ​ກໍ​ຄົງ​ຈະ​ບໍ່​ໄດ້​ຊ່ວຍ​ຫຍັງ​ຫຼາຍ​ບໍ່​ໄດ້​

2. ການ​ໃຊ້​ຢາດົ​ມ​ຕິດ​ຕໍ່​ກັນ​ເປັນ​ເວລາ​ດົນ​ໆ​ ອາດຈະ​ມີ​ຜົນ​ຕໍ່​ ‘ເຢື່ອ​ຫຸ້ມດັງ​’ ເຮັດໃຫ້​ເກີດ​ການ​ອັກ​ເສບ​ໄດ້​ ຊຶ່ງ​ມີ​ຜົນ​ໃຫ້​ເກີດ​ອາການ​ຈາມ​ ​ແລະ ​ອາການ​ອື່ນ​ໆ​ ສ່ວນ​ກໍລະນີ​ທີ່​ເກີດ​ການ​ອັກ​ເສບ​ຂັ້ນ​ຮຸນແຮງ​ ອາດ​ຮຸນແຮງ​ເຖິງ​ຂັ້ນ​ຮັກສາ​ບໍ່​ຫາຍ​​ກໍ​ໄດ້​

3. ສຳລັບ​ຜູ້​ທີ່​ແພ້​ຢາດົມ​ ມັກ​ຈະ​ມີ​ອາການ​ຈາມ​​

ຂໍ້​ຄວນ​ລະ​ວັງ​ໃນ​ການ​ໃຊ້​ຢາດົ​ມ​
1. ເດັກ​ນ້ອຍ​ແລະ​ເດັກນ້ອຍ​ບໍ່​ຄວນ​ໃຊ້​
ເພາະ​ຢາດົ​ມ​ມີ​ສານ​ເຄ​ມີ​ທີ່​ຄວາມ​ເຂັ້ມ​ຂົ້ນ​ສູງ​ ຈຶ່ງ​ອາດຈະ​ເຮັດໃຫ້​ເປັນ​ອັນຕະລາຍ​ກັບ​ເດັກ​ໄດ້​ຫາກ​ເດັກ​ໃຊ້​ຜິດ​ວິທີ​ ດັ່ງ​ນັ້ນ​ຈຶ່ງ​ຄວນ​ເກັບ​ໄວ້​ໃຫ້​ຫ່າງ​ຈາກ​ມື​ເດັກ​ ນອກ​ຈາກ​ນີ້​ ບໍ່​ຄວນ​ນຳ​ມາ​ໃຊ້​ກັບ​ເດັກ​ເດັກນ້ອຍ​ເດັດ​ຂາດ​ ເພາະ​ອາດຈະ​ເຮັດໃຫ້​ເດັກ​ຫາຍ​ໃຈ​ບໍ່​ອອກ​ໄດ້​

2. ຜູ້​ທີ່​ມີ​ພະຍາດ​ກ່ຽວກັບ​ໂພງ​ດັງ​ຄວນ​ຫຼີກ​ລ້ຽງ​
ຖ້າ​ຫາກ​ເຈົ້າ​ເປັນ​ຜູ້​ທີ່​ມີ​ພະຍາດ​ຫຼືບັນຫາ​ກ່ຽວກັບ​ໂພງ​ດັງ​ ເຊັ່ນ​ ພະຍາດ​ໄຊ​ນັດ​ ຫຼືອາການ​ຕິດ​ເຊື້ອ​ໃນ​ໂພງ​ດັງ​ ຄວນ​ຫຼີກ​ລ້ຽງ​ການ​ໃຊ້​ ເພາະ​ອາດຈະ​ເຮັດໃຫ້​ເກີດ​ຄວາມ​ເສຍ​ຫາຍ​ກັບ​ເນື້ອເຢື່ອ​ໃນ​ໂພງ​ດັງ​ຫຼາຍ​ຂຶ້ນ​ໄດ້​

3. ສູບ​ດົມ​ໃຫ້​ຖືກ​ວິທີ​ ບໍ່​ຄວນ​ສູບດົມປັກ​ຄາດັງ​
ຄວນ​ສູບ​ດົມ​ໃກ້​ໆ​ ແຕ່​ບໍ່​ສຳ​ຜັດ​ໂດຍ​ກົງ​ ແລະ​ ບໍ່​ຄວນ​ໃຫ້​ຫຼອດ​ຢາ​ເຂົ້າໄປ​ຄ້າງ​ໄວ້​ໃນ​ດັງ​ ເພາະ​ສານ​ທຸກ​ຕົວ​ອາດ​ເຮັດໃຫ້​ລະ​ຄາຍ​ເຄືອງ​ເມື່ອສຳຜັດ​

4. ບໍ່​ຄວນ​ໃຊ້​ຮ່ວມ​ກັບ​ຜູ້​ອື່ນ​
ຄວນ​ຫຼີກ​ລ້ຽງ​ການ​ໃຊ້​ຫຼອດ​ຢາດົ​ມ​ທີ່​ສຳ​ຜັດ​ດັງ​ຜູ້​ອື່ນ​ແລ້ວ​ ເພາະ​ອາດ​ເຮັດໃຫ້​ເກີດ​ການ​ຕິດ​ເຊື້ອ​ຈາກ​ຄົນ​ໜຶ່ງ​ສູ່ຄົນ​ໜຶ່ງ​ໄດ້​

5. ຢາດົ​ມ​ແບບ​ທາ​ຕ້ອງ​ໃຊ້​ແນວໃດ​ໃຫ້​ປອດ​ໄພ​
ຢາດົ​ມ​ທີ່​ເປັນ​ລັກສະນະ​ຢາ​ນ້ຳ​ ຫຼື ຢາ​ຂີ້ເ​ຜິ້ງ​ ໃຫ້​ທາ​ສຳ​ລີຫຼື​ຜ້າ​ເຊັດ​ໜ້າ​ ຫຼື ທາ​ບາງ​ໆ​ຢູ່ໜ້າ​ເອິກ​ ແລ້ວ​ສູບ​ໄອ​ລະ​ເຫີຍ ຫຼື ອາດ​ທາ​ດ້ານ​ນອກ​ຂອງ​ດັງ​ ແຕ່​ຕ້ອງ​ໃຊ້​ຢາ​ປະລິມານ​ນ້ອຍ​ໆ​ກໍ​ພຽງ​ພໍ​

ນອກ​ຈາກ​ນີ້​ ກ່ອນ​ຈະ​ໃຊ້​ຢາດົມຫຼື​ຢາ​ອື່ນ​ໆ​ທຸກ​ຊະນິດ​ ກໍ​ຄວນ​ອ່ານ​ລາຍ​ລະອຽດ​ໃຫ້​ດີ​ກ່ອນ​ ທີ່​ສຳຄັນ​ບໍ່​ຄວນ​ໃຊ້​ຕິດ​ຕໍ່​ກັນ​ເປັນ​ເວລາ​ດົນ​ ແລະ​ ຄວນ​ໃຊ້​ໃນ​ປະລິ ມານ​ທີ່​ເໝາະ​ສົມ​ ພຽງ​ເທົ່າ​ນີ້​ເຈົ້າ​ກໍ​ປອດໄ​ພ​ແລ້ວ​