ເຕືອນເດັກແວ້ນ!! ກັບຕົວກັບໃຈຍັງທັນບໍ່ດັ່ງນັ້ນອາດເປັນແບບນີ້ (ມີຄລິບ)

ເຫດ​ການ​ດັ່ງກ່າວ​ນີ້ ເກີດຢູ່​ປະ​ເທດ​ເພື່ອນ​ບ້ານ (​ໄທ) ​ໃນ​ເວລາ 14:30 ​ໂມງ​ຂອງ​ວັນ​ທີ 24 ກໍລະກົດ 2016 ທີ່​ຜ່ານ​ມາ ​ໄດ້​ຮັບ​ແຈ້ງ​ເຫດ​ວ່າ​ມີ​ລົດ​ກະບະ​ສວນ​ທາງ​ມາ​ຕຳ​ເອົາ​ກຸ່ມ​ບັນດາ​ເດັກ​ແວ້​ນທີ່​ກຳລັງ​ແວ້ນລົດ​ກັນ​ເປັນ​ກຸ່ມ ​ເຊິ່ງ​ເຮັດ​ໃຫ້​ມີ​ຜູ້​ເສຍ​ຊີວິດ​ເຖິງ 3 ຄົນ ​ແລະ ບາດ​ເຈັບ​ຢ່າງຫຼວງຫຼາຍ. 1 ​ໃນ​ບັນດາ​ຜູ້​ຕາຍ​ນັ້ນມີ​ຜູ້ຍິງຊື່ ນາງ ​ໂບ (ນາມ​ສົມມຸດ) ອາຍຸ 19 ປີ​ທີ່​ຖືພາ​ທ້ອງ​ແກ່​ປະມານ 6 ​ເດືອນ ​ເຊິ່ງ​ທ່ານໝໍກໍ​ໄດ້​ຊ່ວຍ​ເຫຼືອຢ່າງ​ເຕັມທີ່ ​ແຕ່​ກໍ​ບໍ່ສາມາດ​ຊ່ວຍ​ຊີວິດ​ໄວ້​ໄດ້​ຈຶ່ງ​ເສຍ​ຊີວິດ​ໃນ​ເວລາ​ຕໍ່ມາ..

                ​​ເຊິ່ງໜຶ່ງ​ໃນ​ບັນດາ​ສະມາຊິກ​ຢູ່​ໃນ​ກຸ່ມ​ເດັກ​ແວ້​ນນັ້ນ​ໄດ້​ກ່າວ​ວ່າ: ຕົນ​ເອງ​ກັບໝູ່​ເພື່ອ​ປະມານ 20 ຄົນ ​ໄດ້​ຊັກ​ຊວນ​ກັນ​​ໄປຫຼິ້ນນໍ້າຕົກຕາດ ​ໃນ​ຊ່ວງ​ທີ່​ຂັບ​ລົດ​ກັບ​ບ້ານ​ກໍ​ພົບ​ກຸ່ມ​ເດັກ​ແວ້​ນຂັບ​ນໍາໜ້າປະມານ 30 ຄັນ​ ຕົນ​ເອງ​ຈຶ່ງ​ໄດ້​ຂັບ​ຕາມຫຼັງ​ໄປ, ພໍ​ໄປ​ຮອດ​ສະຖານ​ທີ່​ເກີດ​ເຫດມີ​ລົດຈັກ​ຄັນໜຶ່ງ​ໄດ້​ຍົກ​ລໍ້ໜ້າຂຶ້ນ ກ່ອນ​ທີ່​ຈະ​ເສຍຫຼັກ​ໄປ​ເກາະ​ກັ​ບໝູ່​ແລ້ວຫຼົ້ມຂ້າມ​ໄປ​ທາງ​ເລນ​ທີ່​ມີ​ລົດ​ກະບະ​ສວນ​ທາງ​ມາ​ຈຶ່ງ​ໄດ້​ປະ​ທະ​ກັນ. ໄປເບິ່ງຄລິບພ້ອມກັນ

 ​ເຖິງ​ແມ່ນ​ວ່າ​ເຫດການ​ນີ້​ຈະ​ເກີດ​ຂຶ້ນຢູ່​ປະ​ເທດ​ເພື່ອນ​ບ້ານ​ກໍ​ຕາມ ​ແຕ່​ບ້ານ​ເຮົາ​ກໍ​ມີ​ກຸ່ມ​ຄົນ​ເດັກ​ແວ້​ນນີ້​ຄື​ກັນ ຄວນ​ຈະ​ເບິ່ງ​ໃຫ້​ເປັນ​ອຸທາຫອນ, ຖ້າ​ຫາກ​ເກີດ​ເຫດ​ສະຫຼົດ​ໃຈຂຶ້ນ​ແບບ​ນີ້, ຄວາມ​ເສຍ​ຫາ​ຍກໍ​ຈະ​ເກີດ​ຂຶ້ນຢ່າງ​ມະຫາສານ ​ແລະ ຄົນ​ທີ່​ເສຍ​ໃຈ​ທີ່​ສຸດ​ກໍ​ຄື​ພໍ່​ ​ແລະ ​ແມ່ທີ່​ເປັນ​ທຸກ​ໃຈ. ສະນັ້ນ​ແລ້ວ, ຄວນ​ທີ່​ຈະ​ກັບ​ຕົວ​ກັບ​ໃຈ​ຕອນ​ນີ້​ກໍ​ຍັງ​ທັນ ກ່ອນ​ທີ່​ຈະ​ຊ້າ​ເກີດ​ໄປ ດ້ວຍ​ຄວາມ​ປາຖະໜາດີ​ຈາກ​ທີ​ມຂ່າວ ຄິດ​ອອກ.ຄອມ.

ທີ່​ມາ​ຂ່າວ​ຕົ້ນສະບັບ: http://www.thairath.co.th/content/671589