ເຕືອນ! ຢ່າໃຊ້ແຂ້ວເປີດຝາກວດ ອາດມີຜົນຕໍ່ຂາກັນໄກ

ຈາກ​ກໍລະນີ​ປູ່​ໄວ​ 71 ປີ​ ໃຊ້​ແຂ້ວ​ເປີດ​ຝາ​ຈີບ​ນ້ຳ​ອັດ​ລົມ​, ໂຊ​ດາ​ ມາ​ຕັ້ງ​ແຕ່ໄ​ວ​ລຸ້ນ​ຈົນ​ເຖິງ​ປະຈຸບັນ​  ຍັງ​ລະ​ບຸ​ອີກ​ວ່າ​ແຂ້ວ​ຍັງ​ຢູ່​ຄົບ​ບໍ່​ຫັກ​ແມ່ນແຕ່​ເຫຼັ້ມດຽວ​ບໍ່​ໂຢກ​ບໍ່​ຄອນ​ ໃຊ້​ຂີ້​ເຖົ້າ​ແປງ​ແຂ້ວ​ຫຍ້ຳ​ແລະ​ອົມ​ເກືອ​ເມັດ​ມື້​ລະ​ 2 ເທື່ອ​ ບໍ່​ເຄີຍ​ປ່ວຍ​ ຮັບປະທານ​ຜັກ​ປາ​ ລ້ຽງ​ຈຳ​ພວກ​ສັດ​ໃຫຍ່​ແລະ​ເຕືອນ​ວ່າ​ເປັນ​ຄວາມ​ສາມາດ​ສະເພາະ​ຕົວ.​
ທັນ​ຕະ​ແພດ​ສຸ​ທາ​ ຈຽນ​ມະ​ນີ​ໂຊ​ຕິ​ໄຊ​ ຜູ້​ອຳ​ນວຍ​ການ​ສຳ​ນັກ​​ສາທາລະນະສຸກ​ ກົມ​ອະນາ ໄມ​  ກ່າວວ່າ​ ຈາກ​ກໍລະນີ​ດັ່ງ​ກ່າວ​ອາດ​ເປັນ​ຄວາມ​ສາມາດ​ສະເພາະ​ຕົວ​ຂອງ​​ປູ່​ດັ່ງ​ກ່າວ​ ບໍ່​ຄວນ​ລອກ​ລຽນ​ແບບຫຼືເຮັດຕາມ​ ຂໍ້​ແທ້​ຈິງ​ແລ້ວ​ແຂ້ວ​ແທ້​ຂອງ​ມະນຸດ​ເຮົາ​ນັ້ນ​ຈະ​ຢູ່​ຈົນ​ສິ້ນ​ອາ​ຍຸໄ​ຂ​ບໍ່​ຫຼຸດ​ງ່າຍ​ ເນື່ອງ​ຈາກ​ແຂ້ວ​ແທ້​ມີ​ລັກສະນະ​ຄ້າຍ​ແທ່ງ​ຄຣິດ​ຕັນ​ ເນື້ອ​ແຂ້ວ​ ແລະ​ຜິວ​ແຂ້ວ​ຂ້າງ​ນອກ​ເຄືອບ​ດ້ວຍ​ແຄວ​ຊຽມ​ ມີ​ຄວາມ​ແຂງ​ແຮງ​ໃກ້​ຄຽງ​ກັບ​ເພັດ​ ແຕ່​ຈະ​ມີ​ໂອ​ກາດ​ຫັກ​ໄດ້​ສະເພາະ​ໃນ​ແນວ​ສະລຽງ​.
ໂດຍ​ສະເພາະ​ການ​ໃຊ້​ແຂ້ວ​ຜິດ​ຫນ້າທີ່​ໃນ​ຕຳແໜ່ງ​ນັ້ນ​ຫລາຍ​ເທື່ອ​ ແທນ​ທີ່​ຈະ​ໃຊ້​ບົດ​ຫຍ້ຳ​ອາຫານ​ ຫາກ​ກັບ​ນຳ​ໄປ​ໃຊ້​ເຮັດ​ຢ່າງ​ອື່ນ​ເຊັ່ນ​ ໃຊ້​ແຂ້ວ​ເປີດ​ຝາ​ຈີບ​ແກ້ວນ້ຳ​ອັດ​ລົມ​, ແກ້ວ​ໂຊ​ດາ​, ຊ່າງ​ທີ່ກໍ່​ສ້າງ​ໃຊ້​ແຂ້ວ​ຄາບ​ຕະ​ປູ​, ຊ່າງ​ເຮັດ​ຜົມ​​ໃຊ້​ແຂ້ວຄາບ​ກິ໊ບ​ທີ່​ເປັນ​ໂລ​ຫະ​ໜີບ​ຜົມ​ ຫລື​ການ​ໃຊ້​ແຂ້ວ​ຫຍ້ຳເມັດໝາກຂາມ​ຄົ່ວ​ເປັນ​ຕົ້ນ​ ພຶດຕິກຳ​ດັ່ງ​ກ່າວມີ​ອັນຕະລາຍ​ຕໍ່​ແຂ້ວ​ແທ້​ ຈະ​ມີ​ໂອ​ກາດ​ເຮັດໃຫ້​ແຂ້ວ​ບິ່ນ,​ ແຂ້ວ​ແຕກ,​ ແຂ້ວ​ຫັກຫລື​ແຂ້ວເສຍໄດ້​ ແລະ​ເມື່ອ​ແຂ້ວ​ແຕກ​ ແລ້ວ​ເຮັດໃຫ້​ສຽວ​ແຂ້ວ​ແລະ​ປວດ​ຫລາຍ​ ໂດຍ​ຫາກ​ຮອຍ​ແຕກ​ບິ່ນ​ເຖິງ​ຊັ້ນເນື້ອ​ແຂ້ວ​ຫລື​ໂພງ​ປະສາດ​ແຂ້ວ​ ການຮັກສາ​ຈະ​ຫຍຸ້ງ​ຍາກ​ອາດຈະ​ຕ້ອງ​ຖອນ​ແຂ້ວ​ເຫຼັ້ມ​ນັ້ນ​ອອກ​ໄປ.​

"ນອກ​ຈາກ​ນັ້ນ​ການ​ໃຊ້​ແຂ້ວ​ເປີດ​ຝາກ​ວດ​ຫລື​ໃຊ້​ຜິດ​ຫນ້າທີ່​ ຈະ​ມີ​ຜົນ​ຕໍ່​ຂກັນໄກແລະ​ຂໍ້​ຕໍ່​ຂາກັນໄກ ອາດ​ເຮັດໃຫ້​ຫຼວມ​ຫລື​ເກີດ​ອາການ​ຂາກັນໄກ​ຄ້າງ​ ເຮັດໃຫ້​ເກີດ​ບັນຫາ​ໃນ​ການ​ຫຍ້ຳ​ອາຫານ​ໄດ້​ ເພື່ອ​ສຸຂະພາບ​ຂອງ​ແຂ້ວ​ແທ້​ຈະ​ໄດ້​ຢູ່​ກັບ​ເຮົາ​ໄປ​ອີກ​ດົນ​ ຄວນ​ຫຼີກ​ລ້ຽງ​ແລະ​ເລີກ​ນິໄ​ສ​ດັ່ງ​ກ່າວ​ ຫາກຄິດວ່າ​ແຂ້ວ​ຄົນ​ເຮົາ​ມີ​ໄວ້​ບົດ​ຫຍ້ຳ​ອາຫານ​ເທົ່າ​ນັ້ນ​ ບໍ່​ຄວນ​ໃຊ້​ແຂ້ວ​ເຮັດ​ຫນ້າທີ່​ອື່ນ​ຈະ​ສົ່ງ​ຜົນ​ໃຫ້​ມີ​ບັນຫາ​ໃນ​ການ​ຄົບ​ຫຍ້ຳ​ອາຫານ​ແລະ​ການ​ໃຊ້​ຊີວິດ​ປະຈຳ​ວັນ​ ການ​ເປີດກວດ​ຄວນ​ໃຊ້​ທີ່​ເປີດ​ກວດ​ໂດຍ​ສະເພາະ​ຈະ​ດີກວ່າ"

===================================================================================================