ເຕະ​ບານໂລກນັດເປີດສະໜາມ

ເຕະບານໂລກ 2018 ມີການ​ແຂ່ງຂັນກັນມື້ນີ້ເປັນມື້ທໍາອິດໂດຍເກມນັດເປີດສະໜາມນັ້ນຈະເປັນການພົບກັນລະຫວ່າງ ລັດເຊຍ​ເຊິ່ງເປັນຊາດເຈົ້າພາບພົບ ກັບ ຊາອຸດິອາລາ​ເບຍ ເພື່ອນຮ່ວມສາຍຕົວແທນຈາກເອເຊຍ.

ສໍາລັບ​ເຕະບານໂລກ 2018 ກໍຕ້ອງຖືວ່າມີທີມໃຫຍ່ໆ ຫຼຸດເຂົ້າມາຫຼິ້ນໃນຮອບສຸດທ້າຍກັນເກືອບຄົບ ຖ້ານັບຊາດມະຫາອໍານາດລູກຫນັງ​ແທ້ໆ ທີ່​ພາດທົວນາເມນນີ້ກໍຄົງຈະຕ້ອງຊີ້ໄປທີ່ ຮອນແລນ ກັບ ອິດຕາລີ ທີ່ພາດທ່າຕົກຮອບຄັດເລືອກໄປ ແຕ່​ເຖິງຈັ່ງໃດກໍຕາມທີມໃຫຍ່ໆ ລາຍອື່ນຍັງມາເຊັກຊື່ກັນຄົບ​ຖ້ວນ ບໍ່ວ່າຈະເປັນແຊ້ມເກົ່າຈາກເມື່ອ 4 ປີກ່ອນຢ່າງຍິ່ງໃຫຍ່ ຫຼື ວ່າທີມຊາດອັງກິດ, ສາຍອາເມລິກາໃຕ້​ເຊັ່ນ: ບຣາຊິວ ຫຼືວ່າ ອາ​ເຈນຕິນາກໍມາກັນຄົບ.

ກ່ອນທີ່ເກມການແຂ່ງຂັນຄູ່ທໍາອິດ ລະຫວ່າງລັດເຊຍ ກັບ ຊາອຸດິອາລະເບຍ ຈະພົບກັນນັ້ນມີໃຜສົງ​​ໄສແດ່ວ່າເປັນຫຍັງດຽວນີ້ເກມນັດເປີດສະໜາມເຖິງບໍ່ເອົາແຊ້ມເກົ່າຈາກເມື່ອ 4 ປີກ່ອນມາເປັນຄູ່ເປີດເກມຄືຢ່າງເກົ່າແຕ່ກັບເອົາຊາດເຈົ້າພາບມາເປັນຄູ່ເປີດສະໜາມນັ້ນເປັນເພາະວ່າ: ຖ້າເອົາຊາດເຈົ້າພາບມາລົງຫຼິ້ນເກມທໍາອິດນັ້ນກໍຈະຖືວ່າເປັນການເປີດສະໜາມທີ່ສົມບູນແບບເພາະວ່າແຟນບານຂອງຊາດເຈົ້າພາບກໍຈະແຫ່ກັນເຂົ້າມາຊົມເກມຢ່າງເນືອງແໜ້ນນັ້ນເອງ ແລະ ຈະເຮັດໃຫ້ພາບຂອງເກມນັດເປີດສະໜາມນັ້ນອອກສູ່ສາຍຕາຂອງຊາວໂລກໄດ້ຢ່າງສວຍງາມ.

ແຕ່ຫາກຍ້ອນກັບໄປໃນທົວນາເມນຫຼ້າສຸດທີ່ການແຂ່ງຂັນ​ເຕະບານໂລກເອົາຊາດແຊ້ມເກົ່າມາຫຼິ້ນເປັນຄູ່ເປີດສະໜາມນັ້ນກໍຄືໃນ​ເຕະບານໂລກປີ 2002 ທີ່ຍີ່ປຸ່ນເປັນເຈົ້າພາບຮ່ວມກັບເກົາຫຼີໃຕ້ນັ້ນເອງໂດຍເກມທໍາອິດນັດເປີດສະໜາມເປັນການ ພົບກັບຂອງຝຣັ່ງເສດແຊ້ມເກົ່າຈາກຟຣອງ 98 ພົບ ເຊເນກັລແຕ່ເກມນີ້ຝຣັ່ງເສດເປັນຝ່າຍພ່າຍແພ້ ແຖມຍັງຕົກຮອບແບ່ງກຸ່ມໝົດລາຍແຊ້ມເກົ່າອີກ ແລະ ປີ 2002 ນີ້ບາຊິວເປັນແຊ້ມໂລກ.

ຕໍ່ມາໃນ​ເຕະບານໂລກ 2006 ທີ່ເຢຍລະມັນເປັນເຈົ້າພາບ. ຄັ້ງນີ້ເອງທີ່ເປັນຄັ້ງທໍາອິດກັບການເອົາຊາດເຈົ້າພາບມາລົງຫຼິ້ນເປັນຄູ່ເປີດສະໜາມເພື່ອຕ້ອງການເອີ້ນຄົນເບິ່ງໃຫ້ເຂົ້າມາເຕັມຄວາມຈຸສະໜາມໃຫ້ໄດ້ຫຼາຍທີ່ສຸດ ແລະ ໃນຄັ້ງນີ້ບາຊິວ ແຊ້ມເກົ່າກໍບໍ່ສາມາດປ້ອງກັນແຊ້ມໄດ້ສ່ວນທີມທີ່ເປັນແຊ້ມໂລກໃນຄັ້ງນີ້ຄືອິຕາລີນັ້ນເອງ.

ຈາກນັ້ນໃນ​ເຕະບານໂລກ 2010 ທີ່ ອາ​ຟຣິກາໃຕ້ເປັນເຈົ້າພາບແນ່ນອນວ່າຄັ້ງນີ້ເຈົ້າພາບກໍໄດ້ລົງສະໜາມເປັນຄູ່ເປີດເຊັ່ນດຽວກັນ​ເຊິ່ງການທີ່ເອົາເຈົ້າພາບລົງຫຼິ້ນເປັນຄູ່ເປີດນັ້ນຈະເຫັນໄດ້ວ່າມັນໄດ້ຜົນຫຼາຍກັບການເອີ້ນຄົນເບິ່ງເຂົ້າສະຫນາມ ແລະ ຫລັງຈາກທີ່​ເຢຍລະ​ມັນ ເລືອກຈະເຮັດແບບນັ້ນຊາດອື່ນໆກໍເລືອກທີ່ຈະເຮັດເຊັ່ນກັນ ເພາະວ່າມັນມີແຕ່ຜົນບວກຢ່າງເຫັນໄດ້ຊັດ ແລະ ​​ເຕະບານໂລກຄັ້ງນີ້ແຊ້ມເກົ່າຢ່າງອິດຕາ​ລີກໍຕ້ອງຕົກ​ຮອບທໍາອິດອີກແລ້ວສ່ວນແຊ້ມເປັນຂອງສະເປນ.

ຢ່າງ​ໃດກໍຕາມໃນ​ເຕະບານໂລກຄັ້ງຫຼ້າສຸດເມື່ອ 4 ປີກ່ອນທີ່ບາຊິວບໍ່ເຊື່ອກໍຕ້ອງເຊື່ອວ່າທີມແຊ້ມເກົ່າຢ່າງສະເປນນັ້ນກໍຕ້ອງມີອັນຕົກຮອບທໍາອິດໄປອີກແລ້ວນັ້ນຄືໃນ​ເຕະບານໂລກຊ່ວງ 2 ຄັ້ງຫຼັງມານີ້ແຊ້ມເກົ່າຕ່າງພາກັນຕົກ​ຮອບທໍາອິດໄປໝົດ ແລະ ໃນປີ 2014 ທີມທີ່ໄດ້ແຊ້ມຄື ​ເຢຍລະ​ມັນ ​ເຊິ່ງກໍຕ້ອງມາຖ້າເບິ່ງນຳກັນວ່າໃນ​ເຕະບານໂລກ 2018 ນີ້ທີມອິນຊີເຫຼັກຈະເປັນ​ແນວ​ໃດຈະສາມາດລ້າງອາຖັນໄດ້ ຫຼື ບໍ່ ???

ທັງນີ້ລັດເຊຍ ກັບ ຊາອຸດິອາລະເບຍທີ່ຈະລົງຫຼິ້ນເປັນຄູ່ເປີດສະໜາມ​​ເຕະບານໂລກ 2018 ນັ້ນພວກເຂົາເຄີຍເຈີກັນມາແຄ່ຄັ້ງດຽວເມື່ອປີ 1993 ໃນເກມນັດອຸ່ນເຄື່ອງ ແລະ ​ເປັນຊາອຸດິອາລະ​ເບຍທີ່​ເອົານະ ລັດເຊຍໄປໄດ້ 4-2.