ເດ ເຄອາ ໜູນຫຼັງ ເດປາຍ ຈະຄືນຟອມເກັ່ງຊ່ວຍທີມໄດ້

ດາເວິດ ເດ ເຄອາ ນາຍທະວານຂອງ ແມນເຊສເຕີ ຢູໄນເຕັດ ໜູນຫຼັງ ເມມຟິສ ເດປາຍ ປີກທີມຊາດ ໂຮນລັງ ຈະຄືນຟອມເກັ່ງຊ່ວຍທີມເດີນໜ້າເກັບໄຊ ຫຼັງຈາກທີ່ຊ່ວຍທີມຊະນະ ວັດຝອດ 2-1 ເມື່ອວັນເສົາ ກ່ອນທີ່ຈະມີຄິວຟາດແຂ່ງກັບ ພີເອສວີ ໄອໂຮເຟັນ ໃນ ຢາຟາ ວັນພຸດ.

ເດປາຍ ຟອມຕົກຈົນຖືກ ຫຼຸຍ ຟານກາວ ຈັບນັ່ງເປັນໂຕສຳຮອງໄປດົນເຖິງ 7 ອາທິດ ຈົນກັບມາເປັນໂຕຈິງອີກຄັ້ງເກມຢາມ ວັດຝອດ ເພາະທີມບໍ່ມີກອງໜ້າ ແລະ ດາວເຕະເລືອດ ໂຮນລັງ ກໍຍິງໄດ້ ເປັນປະຕູທຳອິດນັບຕັ້ງແຕ່ເດືອນກັນຍາ ເຮັດໃຫ້ ເດ ເຄອາ ເຊື່ອວ່າຈະເຮັດໃຫ້ ເດປາຍ ມີຄວາມໝັ້ນໃຈຫຼາຍຂຶ້ນ.

“ເຂົາຕ້ອງປະສົບກັບເລື່ອງໜັກໆມາຫຼາຍອາທິດ ແລະ ຂ້ອຍໝັ້ນໃຈວ່າອີກບໍ່ດົນເຂົາຈະກັບມາຟອມດີໄດ້ ເຂົາມີຫຍັງໃຫ້ກັບທີມຫຼາຍ ແລະ ຂ້ອຍໝັ້ນໃຈວ່າເຂົາພ້ອມເຕັມທີ່ໃນການພົບກັບທີມເກົ່າ ເຮົາມີໂອກາດຢູ່ ແລະ ບໍ່ໜ້າເສຍ ເກມນີ້ເປັນໂອກາດທີ່ເຮົາຈະໄດ້ພົບເຂົາໃນບ້ານເຮົາເອງ ເຮົາຮູ້ວ່າມັນບໍ່ງ່າຍ ແລະ ເຮົາຕ້ອງການໄຊຊະນະ ແລະ 3 ຄະແນນ ເຮົາເລີ່ມຕົ້ນດ້ວຍການເສຍຕັ້ງແຕ່ນັດທຳອິດ ແຕ່ຈາກນັ້ນເຮົາກໍເກັບແຕ້ມມາໄດ້ສະໝ່ຳສະເໝີ ໄຊຊະນະຈະຊ່ວຍເຮົາເຂົ້າຮອບ ເຮົາຫ່າງຈາກການເຂົ້າຮອບໜ້ອຍດຽວ” ເດ ເຄອາ ກ່າວ.

....................................................................................................................................................