ເດເລ ອາລີ ໄດ້ຮັບລາງນັກເຕະດາວລຸ້ງຂັ້ນເທບຂອງ ພີເອຟເອ

 

ເດເລ ອາລີ ກອງກາງອະນາຄົດໄກຂອງ ສະເປີ ໄດ້ລາງວັນນັກເຕະດາວລຸ້ງດີເດັ່ນແຫ່ງປີຂອງ ພີເອຟເອ ໃນລະດູການນີ້ ແລະ ນັບເປັນນັກເຕະ “ໄກ່ເດືອຍທອງ” ຄົນທີ່ 4 ຈາກ 5 ລະດູການຫຼັງສຸດທີ່ໄດ້ຮັບລາງວັນອັນມີກຽດນີ້.

 

ເດເລ ອາລີ ກອງກາງ “ໄກ່ເດືອຍທອງ” ທັອດແນັມ ຮັອດສະເປີ ສະໂມສອນດັງຈາກ ພຣີເມຍລີກ ໄດ້ຮັບເລືອກໃຫ້ເປັນເຈົ້າຂອງລາງວັນນັກເຕະດາວລຸ້ງດີເດັ່ນແຫ່ງປີຂອງສະມາຄົມບານເຕະອາຊີບອັງກິດ (ພີເອຟເອ) ປະຈໍາລະດູການ 2015-2016.

ເຖິງວ່າຫາກໍໄດ້ຫຼິ້ນໃນ ພຣີເມຍລີກ ເປັນລະດູການທຳອິດ ແຕ່ເຂົາກໍເຮັດຜົນງານໄດ້ໜ້າປະທັບໃຈເມື່ອຍິງປະຕູໄປ 10 ລູກກັບອີກ 9 ແອສຊິດຈົນຊ່ວຍໃຫ້ທີມເປັນຮອງຈ່າຝູງຢູ່ໃນຕອນນີ້ ແລະ ໄດ້ຕິດທີມຊາດອັງກິດຊຸດໃຫຍ່ໄປແລ້ວ.

 

ນີ້ຖືວ່າເປັນເທື່ອທີ 4 ໃນຮອບ 5 ລະດູການຫຼັງສຸດທີ່ນັກເຕະຈາກ ສະເປີ ໄດ້ຮັບລາງວັນນີ້ໂດຍ ຄາຍ ວອກເກີ, ແກເຣັດ ເບວ ແລະ ແຮຣີ ເຄນ ເຄີຍໄດ້ຮັບລາງວັນອັນຊົງກຽດນີ້ຕອນຢູ່ກັບທີມດັງຈາກ ລອນດອນ ໃນລະດູການ 2011-2012, 2012-2013 ແລະ 2013-2014 ຕາມລໍາດັບ.