ເດັກນ້ອຍເກີດອອກມາ ແຕ່ລຳໄສ້ອອກມາທາງນອກ !

14 ກຸມພາ 2016 ແອນ້ອຍ ລູກຂອງ ທ.ເສີຍ ກັບ ນ.ຄຳຫຼ້າ ຢູ່ທີ່ ມ.ນານ ແຂວງຫຼວງພະບາງ ເກີດວັນທີ່ 11 ກຸມພາ 2016 ໂດຍການຮ່ວມແຮງຮ່ວມໃຈຂອງຄູ່ຮ່ວມງານບັນດາເພຈ໌ໃນໜ່ວຍງານ ALO (ອະໂຫຼ) ແລະ ໄດ້ຮັບການຊ່ວຍເຫຼືອເບື້ອງຕົ້ນຈາກກຸ່ມໃວຫວານ & ກຸ່ມທີມງານ Allstar FC ແລະ ພ/ງ ການເງິນ ມະຫາວິທະຍາໄລແຫ່ງຊາດຫຼວງພະບາງ, ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ 1623, ທ່ານໝໍທຸກທ່ານ ຝ່າຍຜ່າຕັດປະຈຳໂຮງໝໍມະໂຫສົດ ແລະ ທຸກທ່ານໃນສັງຄົມອອນລາຍ ທີ່ຊ່ວຍແອນ້ອຍທີ່ເກີດມາແລ້ວລຳໃສ້ອອກມາຢູ່ຂ້າງນອກຖ້າບໍ່ໄດ້ຮັບການຜ່າຕັດໂດຍໃວອາດມີຄວາມສ່ຽງເຖິງຂັ້ນເສຍຊີວິດໄດ້.

 

ນ້ອງແຟນຕ້າ ຜູ້ປະສານງານເລື່ອງແອນ້ອຍສົ່ງຂ່າວຫາໜ່ວຍງານ ALO (ອະໂຫຼ) ດັ່ງຂໍ້ຄວາມລຸ່ມນີ້

 

ສະບາຍດີອ້າຍກູ້ ນ້ອງຊື່ ແຟນຕ້າ ເຮັດວຽກຢູ່ອາຫານແລະຢາແຂວງຫລວງພະບາງນ້ອງມີເລື່ອງຢາກໃຫ້ອ້າຍຊ່ວຍເຫລືອແດ່ ເພາະເຫັນອ້າຍໄດ້ລົງຊ່ວຍເຫລືອຫລາຍໆຄົນເນາະທາງເຟສບູກອ້າຍ ນ້ອງມີເຄດນຶ່ງ ທີ່ຢາກໃຫ້ອ້າຍເບິ່ງ ເປັນເດັກນ້ອຍລຳໄສ້ອອກມາທາງນອກ ເກີດທີ່ສຸກສາລາບ້ານທົ່ງຈະເລີນ ເມືອງນານ ແຂວງຫລວງພະບາງ ພໍ່ແມ່ເດັກ ທຸກຍາກຫລາຍ ແພດຫມໍເພິ່ນແນະນຳຕ້ອງໄດ້ໄປປິ່ນປົວຢູ່ບ່ອນທີ່ມີເງື່ອນໄຂ ແຕ່ພໍ່ແມ່ເດັກບໍ່ມີແມ້ແຕ່ເງິນຈ້າງຄ່າລົດມາເມືອງຫລວງພະບາງເປັນຕາດູຕົນເຂົາເຈົ້າຫລາຍ ຄັນໄປຮອດວຽງຈັນ ຄ່າໃຊ້ຈ່າຍມີຫລາຍ ຄືຊິເປັນໄປບໍ່ໄດ້ສຳລັບພໍ່ແມ່ເດັກຕອນນີ້ເດັກກິນນົມໄດ້ແດ່ເລັກນ້ອຍ ສະແດງວ່າເດັກຍັງແຂງແຮງຫລາຍ ຄົງຈະຍັງຢາກມີຊີວິດເພື່ອເຕີບໃຫ່ຍໃນວັນຂ້າງຫນ້າຢູ່ວອນອ້າຍຊ່ວຍພິຈາລະນາ ແກ້ໄຂເຄດນີ້ໃຫ້ນ້ອງແດ່!

 

ປະຈຸບັນ ແອນ້ອຍໄດ້ຮັບການຜ່າຕັດເປັນທີ່ຮຽບຮ້ອຍແລ້ວ ແຕ່ກະຍັງຕ້ອງຢູ່ຫ້ອງຟັກຟື້ນເພື່ອເບິ່ງອາການຕໍ່ໄປທີ່ຫ້ອງພັັກຟື້ນໂຮງໝໍມະໂຫສົດ.

ລ່າສຸດມື້ນີ້ ວັນທີ 19/02/2016 ໄປຢ້ຽມແອນ້ອຍ ແລະ ເອົາເຄື່ອງໄປໃຫ້ພໍ່ແມ່ແອນ້ອຍແຕ່ປະຈຸບັນອາການດີຂຶ້ນແລ້ວທ່ານໝໍໃຫ້ຖອດອົກຊີ່ຊ່ວຍຫາຍໃຈ ເພາະແອນ້ອຍເລີ້ມຫາຍໃຈດ້ວຍຕົນເອງໄດ້ແລ້ວຕ້ອງຂໍຂອບໃຈທຸກທ່ານແທນພໍ່ແມ່ແອນ້ອຍໃນສັງຄົມທີ່ໃຫ້ການຊ່ວຍເຫຼືອຄອບຄົວນີ້ນະທີ່ນີ້ດ້ວຍ!

 

Photo: Kou Laostar