ເດມິເຄລິສຍ້າຍກັບມາລາກາຮຽບຮ້ອຍ

 

ມາຕິນ ເດມິເຄລິສ ກອງຫຼັງຈອມເກົ໋າ ກັບໄປຫຼິ້ນໃຫ້ກັບ ມາລາກາ ອີກຮຽບຮ້ອຍແລ້ວ ຫຼັງຈາກທີ່ຫາກໍແຍກທາງກັບ ເອສປານຢອນ ເມື່ອອາທິດກ່ອນ.

 

ມາຕິນ ເດມິເຄລິສ ເຊັນເຕີແບັກປະສົບການສູງລົງລາຍເຊັນຍ້າຍກັບໄປຫຼິ້ນໃຫ້ກັບ ມາລາກາ ສະໂມສອນດັງໃນ ລາ ລີກາ ສະເປນ ຈົນຈົບລະດູການນີ້ເປັນທີ່ຮຽບຮ້ອຍເມື່ອວັນອັງຄານທີ່ຜ່ານມາ.

 

ກອງຫຼັງອາຍຸ 36 ປີຫາກໍຍ້າຍຮ່ວມທີມ ເອສປານຢອນ ແບບບໍ່ມີຄ່າຫົວເມື່ອຊ່ວງຊຳເມີທີ່ຜ່ານມາຫຼັງຈາກທີ່ໝົດສັນຍາກັບ ແມນເຊສເຕີ ຊີຕີ ແຕ່ວ່າເຂົາກໍແຍກທາງກັບ ເອສປານຢອນ ສົດໆຮ້ອນໆເມື່ອອາທິດທີ່ຜ່ານມາ ແລະ ຫຼ້າສຸດເລືອກທີ່ຈະກັບມາຫຼິ້ນໃນຖິ່ນ ລາ ໂຣຊາເລດາ ອີກເທື່ອໜຶ່ງແບບສັນຍາໄລຍະສັ້ນ.

 

ທັງນີ້ ເດມິເຄລິສ ເຄີຍຫຼິ້ນໃຫ້ ມາລາກາ ມາແລ້ວໄລຍະໜຶ່ງລະຫວ່າງປີ 2011-2013 ໂດຍລົງຫຼິ້ນໃຫ້ທີມໄປທັງໝົດ 103 ນັດຍິງໄດ້ 9 ປະຕູ.