ເຊື່ອ ຫລື ບໍ່? ຊາ​ຂຽວ​ຮ້ອນŒເຢັນ ມີ​ປະ­ໂຫຍດ ແລະ ໂທດ​ຕ່າງ​ກັນ

 

ຊາ​ຂຽວ​ຮ້ອນ​ໃຫ້​ຄຸນ, ຊາ​ຂຽວ​ເຢັນ​ໃຫ້​ໂທດທ່ານ​ເຊື່ອ​ ຫລື ​ບໍ່? ເຖິງ​ວ່າ­ການ​ດື່ມ​ຊາ​ຈະ​ບໍ່​ແມ່ນ​ວັດ­ທະ­ນະ­ທຳ​ຂອງ​ບ້ານ​ເຮົາ ແຕ່​ໄລ­ຍະ​ຫລັງໆ​ມາ​ນີ້​ຄົນ​ເຮົາ​ກໍ່​ນິ­ຍົມ​ດື່ມ­ນ້ຳ​ຊາ​ກັນ​ຫລາຍ​ຂຶ້ນ ໂດຍ​ສະ­ເພາະແມ່ນ​ຊາ​ຂຽວ​ທີ່​ຂຶ້ນ​ຊື່​ເລື່ອງ​ສັບ­ພະ​ຄຸນ​ທີ່​ມີ​ປະ­ໂຫຍດ​ຕໍ່ ​ສຸ­ຂະ­ພາບ ເພາະ​ມີ​ຄຸນ­ສົມ­ບັດ​ຊ່ວຍ​ຫລຸດ ແລະ ຕ້ານອະ­ນຸ​ມູນ​ອິດ­ສະ­ຫລະ​ທີ່​ເປັນ​ພິດ​ໃນ​ຮ່າງ­ກາຍ​ຂອງ​ຄົນ ໂດຍ​ຈະ​ຂັບ​ຖ່າຍ​ອອກ​ມາ​ທາງ​ການ​ຖ່າຍ­ຫນັກ ແລະ ໄຂ­ມັນ​ສ່ວນ​ເກີນ ແຕ່​ທັງ​ຫມົດ​ນີ້​ແມ່ນ​ເປັນ​ຄຸນສົມ­ບັດ​ຂອງ​ຊາ​ຂຽວ​ຮ້ອນ​ທີ່​ຄົນ​ຍີ່­ປຸ່ນ​ ນິ­ຍົມ​ດື່ມ​ກັນ​ຕັ້ງ­ແຕ່​ເດັກ­ນ້ອຍ​ຈົນ​ເຖິງ​ຜູ້​ເຖົ້າ ແຕ່​ສຳ­ລັບ​ຄົນ​ບ້ານ​ເຮົາ​ສ່ວນ​ຫລາຍ​ດ້ວຍ​ຄວາມ​ທີ່​ບໍ່​ຮູ້­ຈັກ​ຄຸນ­ສົມ­ບັດ ​ທີ່­ແທ້​ຈິງ​ຂອງ​ຊາ​ຂຽວເລີຍ​ເຮັດ​ໃຫ້​ຄິດ​ເອົາ​ເອງ​ວ່າ: ພຽງ​ແຕ່​ດື່ມ​ຊາ​ຂຽວ​ກໍ່​ໄດ້​ປະ­ໂຫຍດ​ແລ້ວ ບໍ່​ວ່າ​ຈະເປັນ​ຮ້ອນ ຫລື ເຢັນ​ກໍ່​ຕາມ ເພາະ­ສະ­ນັ້ນ​ມາ​ເທື່ອ​ນີ້ພວກ​ເຮົາ​ຄົງ​ຕ້ອງ​ກັບ​ໄປ​ຄິດ​ກັນ​ໃຫມ່​ສາ​ແລ້ວ.

ຊາ​ຂຽວ​ເຖິງ​ຈະ​ມີ​ປະ­ໂຫຍດ​ຫລາຍ​ພຽງ​ໃດ​ກໍ່​ຍ່ອມ​ມີ​ໂທດ​ເຊັ່ນ​ກັນ ເນື່ອງ​ຈາກ​ຊາ​ຂຽວ​ມີ​ປະ­ໂຫຍດ​ຕໍ່​ຮ່າງ­ກາຍ​ໃນ​ຂະ­ນະ​ທີ່​ມັນ​ຮ້ອນໆ​ຢູ່​ ເທົ່າ​ນັ້ນ ໃນ​ທາງ​ກັບ​ກັນ​ຫາກ​ດື່ມ​ຊາ​ຂຽວ​ໃນ​ຕອນ​ທີ່​ມັນ​ເຢັນ​ແລ້ວ​ຈະ​ເຮັດ​ໃຫ້​ເກີດ ​ໂທດ ເນື່ອງ​ຈາກ​ຊາຂຽວ​ເຢັນ​ບໍ່​ໄດ້​ຊ່ວຍ​ໃນ​ການ​ຫລຸດ​ອະ­ນຸ​ມູນ​ອິດ​ສະຫລະ ແລະ ສານ­ພິດ​ອອກ​ຈາກ​ຮ່າງ­ກາຍ ແຖມຍັງ​ເຮັດ​ໃຫ້​ສານ­ພິດ​ກໍ່​ຕົວ​ກັນ​ແຫນ້ນ​ອັນ​ເປັນ​ສາເຫດ​ຂອງ​ມະ​ເຮັງ​ອີກ ​ຕ່າງ­ຫາກ ອີກ​ຢ່າງ​ຫນຶ່ງ​ຊາຂຽວ​ເຢັນ​ຍັງ​ໄດ້​ສົ່ງ​ຜົນ​ໃຫ້​ໄຂ­ມັນ​ໃນ​ຮ່າງ­ກາຍ​ກໍ່​ ຕົວຫລາຍ​ຂຶ້ນ​ຕາມ​ພື້ນ​ຜິວ​ຂອງ​ຫລອດ​ເລືອດ ແລະ ໄປອຸດ​ຕັນ​ຕາມ​ພື້ນ​ຜິວ​ຂອງ​ລຳ​ໄສ້ ເຊິ່ງ​ທ່ານ​ສາ­ມາດທົດ​ລອງ​ເບິ່ງ​ໄດ້​ດ້ວຍ​ການ​ນຳ​ເອົາ​ຊາ​ຂຽວ​ແຊ່​ເຢັນ​ຖອກ​ ໃສ່​ຖ້ວຍ ຄາວ­ຫນຶ່ງ​ທ່ານ​ຈະ​ເຫັນ​ຄາບ​ໄຂ­ມັນລອຍ​ຢູ່​ເທິງ​ຫນ້າ­ນ້ຳ ຫລື ຕິດ​ເກາະ​ເປັນ​ຄາບ​ມັນໆ​ຢູ່​ໃນ​ຖ້ວຍ​ນັ້ນ​ເອງ.

 

----------------------------------------------------------------------------------------------------------------------------------------------