ເຊີນຮ່ວມປະມູນຊື້ລົດມືສອງ 200 ກວ່າຄັນ 5 ສິງຫາ ນີ້

ຂປລ. ບໍລິສັດ ມະນີຍົມ ກຣຸບ ປະກາດຈະນໍາລົດມືສອງ ຈໍານວນ 200 ກວ່າຄັນ ມາປະມູນຂາຍໃນວັນທີ 5 ສິງຫາ 2017 ນີ້ ຂະນະທີ່ ບໍລິສັດດັ່ງກ່າວຢືນຢັນລົດ ທີ່ຈະນໍາມາຂາຍແມ່ນລົດ ຄຸນນະພາບດີ ແລະ ​ໄດ້​ກໍານົດລາຄາຕໍ່າສຸດເລີ່ມຈາກ 30 ລ້ານກີບຂຶ້ນໄປ.

ທ່ານ ໂສພາໄຊ ຈັນທະນູສອນ ຜູ້ບໍລິຫານ ການຕະຫລາດຂອງບໍລິສັດ ມະນີຍົມກຣຸບ ໄດ້​ໃຫ້ສໍາພາດຕໍ່ສື່ມວນຊົນ ໃນວັນທີ 1 ສິງຫາ 2017 ນີ້ວ່າ: ປີນີ້ພວກຕົນ ຈະນໍາເອົາລົດມືສອງຄຸນນະພາບດີ ມາປະມູນຂາຍແບບເປີດກວ້າງ ຖ້າພໍ່ແມ່ພີ່ນ້ອງ, ພະນັກງານ, ທະຫານ, ລັດຖະກອນ ແລະ ທີ່​ຢູ່ຕ່າງແຂວງ ສາມາດເຂົ້າມາຮ່ວມ ປະມູນນໍາພວກເຮົາໄດ້ ເຊິ່ງຈະເປີດການປະມູນແຕ່ 10:00 ໂມງເຊົ້າ ຫາ 16:00 ໂມງແລງ ຂອງວັນທີ 5 ສິງຫາ 2017 ຢູ່ 4 ແຍກໄຟແດງສີດໍາດວນ ເມືອງຈັນທະບູລີ ນະຄອນຫລວງວຽງຈັນ.  

ລົດທີ່ຈະນໍາມາປະມູນ ທັງໜົດ 200 ກວ່າຄັນ ມີລາຄາເລີ່ມຕົ້ນແຕ່ 30 ລ້ານກີບ-200 ລ້ານກວ່າກີບ ໃນນັ້ນມີ Toyota, Ford, Nissan, Isuzu ແລະ ອື່ນໆ ຄາດວ່າ ຈະມີຄົນເຂົ້າຮ່ວມຫລາຍກວ່າ 500 ຄົນ ພາຍໃນງານ ຍັງຈະມີການຈັບລາງວັນ ຮັບສ່ວນຫລຸດ ມູນຄ່າ 8.000.000 ກີບ ພ້ອມ​ຈັດອາຫານ ແລະ ເຄື່ອງດື່ມ​ ໃຫ້​ບໍລິການ​ແຂກ​ເຂົ້າ​ຮ່ວມ​ໃນ​ງານ.

ສົນ​ໃຈ​ພົວພັນ: ຝ່າຍ​ການ​ຕະຫລາດ ​ຂອງ​ບໍລິສັດ ມະນີ​ຍົມ​ກຣຸບ ​ໂທ: (856)21921888, 921999; ອີ​ເມ​ວ:sophaxay@chevrolet-lao.com.

ຂໍ້ມູນຈາກ: http://kpl.gov.la/detail.aspx?id=26717