ເຊີນຊວນມວນຊົນເຂົ້າຮ່ວມຜົນສໍາເລັດການບູລະນະປະຕິ ສັງຂອນຫໍພະແກ້ວໄລຍະ I

​ໂຄງການ​ບູລະນະ​ປະຕິ​ສັງຂອນ ​ພິພິທະ​ພັນ​ຫໍພະ​ແກ້ວ​ຄັ້ງ​ທີ III ໄລຍະ I ນັບ​ແຕ່​ຍອດ​ຊໍ່ຟ້າ​ ລົງ​ມາ​ຮອດ​ຖ້ານ​ຕີນ​​ໄດ້​ສໍາ​ເລັດສົມບູນ ​ໂດຍ​ນໍາ​ໃຊ້​ງົບໄປ​​ແລ້​ວຈໍານວນ 6 ຕື້​ກວ່າ​ກີບ. ພາຍຫລັງ​ໄດ້​ດໍາ​ເນີນ​ມາ​​ແຕ່​ຕົ້ນປີ 2015 ​ແລະ ຈະ​ໄດ້​​ສືບ​ຕໍ່ປະຕິສັງຂອນ​ໃນ​ໄລຍະ II ​ແລະ III. ​

ທ່ານ ສາຍທອງ ​ແກ້ວ​ດວງ​ດີ ຮອງ​ເຈົ້າ​ຄອງ​ນະຄອນຫລວງ​ວຽງ​ຈັນ, ທັງ​ເປັນ​ຄະນະ​ຮັບຜິດ ຊອບ​ໂຄງການ ​ເພື່ອ​ບູລະນະ​ປະຕິ​ສັງ​ຂອນພິພິທະ​ພັນ​ຫໍພະ​ແກ້ວ ໄດ້​ຖະ​ແຫ​ລ່ງຂ່າວ​ຕໍ່​ສື່​ມວນ​ຊົນ ​ໃນ​ວັນ​ທີ 16 ກຸມພານີ້​ທີ່​ນະຄອນຫລວງ​ວຽງ​ຈັນ​ນີ້ ວ່າ: ​ໃນ​ຕອນ​ບ່າຍ​ຂອງວັນ​ທີ 21 ກຸມພານີ້ ຈະ​ໄດ້​ມີ​ພິທີ​ສະຫລຸບ​ ຜົນ​ສໍາ​ເລັດ​ການ​ສ້ອມ​ແປງ​ໂຄງການ​ບູລະນະ​ປະຕິ​ສັງ​ຂອນ ພິພິທະພັນຫໍພະ​ແກ້ວ​ຄັ້ງ​ທີ III ​ໄລຍະ​ທີ I, ພ້ອມ​ທັງ​ສືບ​ຕໍ່​ແຜນ​ວຽກ​ໄລຍະ​ທີ II, III ​ແລະ ພິທີ​ທາງ​ພຸດທະ​ສາສະໜາ; ສ່ວນ​ໃນວັນ​ທີ 22 ກຸມພາ ຈະ​ມີ​ພິທີ​ຕັກບາດ​ຖະຫວາຍ​ສັງຂະ​ທານ.

ດັ່ງ​ນັ້ນ,ຈຶ່ງ​ແຈ້ງ​ຂ່າວ​ບຸນ ​ເຊີນ​ຊວນມາ​ຍັງ​ອົງການ​ຈັດ​ຕັ້ງ​ ພັກ-ລັດ​ ຂັ້ນ​ສູນ​ກາງ ​ແລະ ທ້ອງ​ຖິ່ນ​ຕະຫລອດ​ຮອດ​ບັນດາ​ອົງການ​ຈັດ​ຕັ້ງ​ສາກົນ, ບໍລິສັດ, ຫ້າງ​ຮ້ານ​ຫົວໜ່ວຍ​ທຸລະ​ກິດ​ຕ່າງໆ​ທັງ​ພາກ​ລັດ ​ແລະ ​ເອກະ​ຊົນ, ບຸກຄົນ, ນິຕິບຸກຄົນ​ທັງ​ພາຍ​ໃນ ​ແລະ ຕ່າງປະ​ເທດ ມວນ​ຊົນ​ຊາວ​ພຸດ​ທັງຫລາຍ ຈົ່ງ​ຮ່ວມ​ສ້າງ​ບຸນ​ກຸສົນ ​ຕັກບາດຖະຫວາຍ​​ທານ​ຕາມ​ຮີດຄອງ​ປະ​ເພນີ. ພ້ອມ​ນັ້ນ, ກໍ​ເພື່ອ​ຮ່ວມ​ສົມທົບ​ທຶນ​ການ​ປະຕິສັງ​ຂອນ​​ໄລຍະ II ​ແລະ III ສ່ວນການ​ບໍລິຈາກ ​ແມ່ນ​​ເປີດ​ໃຫ້​ພໍ່​ແມ່​ປະຊາຊົນ ຮ່ວມ​ສົມທົບ​ປັດ​ໄຈ ​ໄດ້​ຕະຫລອດ​​ທຸກ​ວັນ ​ຢູ່​ທີພິພິທະ​ພັນ​ຫໍພະ​ແກ້ວ​ ເບີ​ໂທລະ​ສັບ​ຕິດ​ຕໍ່(021 212619 ຫລື 021 212621; ບັນຊີ​ເງິນ​ກີບ ​ເລກ​ບັນຊີ 0300100010002680; ບັນຊີ​ເງິນ​ບາດ ​ເລກ​ບັນຊີ 0300102010000437; ບັນຊີ​ເງິນ​ໂດ​ລາ ​ເລກ​ບັນຊີ 030010101000059

Pathedlao Lao