ເຊັນ 2 ປີ!!! ເບັນ ອາຟາຍ້າຍຮ່ວມທັບເປເອັດເຊ

 

ຮາເຕັມ ເບັນ ອາຟາ ກອງກາງເລືອດນ້ຳຫອມປ່ຽນສີເສື້ອໄປຢູ່ກັບ ເປເອັດເຊ ດ້ວຍສັນຍາ 2 ປີແບບຟຣີໆແລ້ວຫຼັງຈາກທີ່ຕັດສິນໃຈບໍ່ຕໍ່ສັນຍາກັບ ນີດ.

 

ປາຣີ ແຊັງ-ແຊັກແມັງ ແຊມ ລີແອັງ ປະກາດຢືນຢັນດຶງໂຕ ຮາເຕັມ ເບັນ ອາຟາ ປີກເທັກນິກສູງມາເສີມທັບແບບບໍ່ມີຄ່າຫົວເມື່ອວັນສຸກທີ່ຜ່ານມາ ໂດຍເຊັນສັນຍາ 2 ປີຫຼັງຈາກທີ່ນັກເຕະຫາກໍໝົດສັນຍາກັບ ນີດ ໃນຊ່ວງປິດລະດູການທີ່ຜ່ານມາ.

ເມື່ອລະດູການທີ່ຜ່ານມາ ເບັນ ອາຟາ ຍິງໄປເຖິງ 18 ລູກໃນເກມລີກແຕ່ຕັດສິນໃຈບໍ່ຕໍ່ສັນຍາສະບັບໃໝ່ກັບ ນີດ ແລະ ມີຫຼາຍສະໂມສອນໃຫ້ຄວາມສົນໃຈໂດຍສະເພາະ ເຊບີຢາ ທີມໃນ ລາ ລີກາ ສະເປນແຕ່ຫຼ້າສຸດເຂົາກໍເລືອກຍ້າຍມາຢູ່ກັບ ເປເອັດເຊ ແລະ ເປັນນັກເຕະຄົນທຳອິດທີ່ ອູໄນ ເອເມຣີ ນາຍໃຫຍ່ຄົນໃໝ່ດຶງມາເສີມທັບໃນຊຳເມີນີ້.

 

ເບັນ ອາຟາ ເຄີຍຜ່ານການຟາດແຄ່ງມາແລ້ວກັບຫຼາຍສະໂມສອນເຊັ່ນ ໂອລິມປິກ ລີຢົງ, ໂອລິມປິກ ມາກແຊ, ນິວຄາສເຊິນ ຢູໄນເຕັດ ແລະ ຮາວ ຊີຕີ ເປັນຕົ້ນ.

 

 

 

 

 

 

 

ບົດຄວາມໃຫມ່ໆ