ເຊັນກ່ອນ!!ເສືອເຫຼືອດຶງໂທປລັກຈາກຫ້າງຂາຍຢາ

 

ໂອເມີ ໂທປລັກ ກອງຫຼັງຂອງ ໄບເອີ ເລເວີກູເຊັນ ຕົກລົງເຊັນສັນຍາ 4 ປີຍ້າຍໄປ ໂບຣຸສເຊຍ ດອດມຸນ ຊ່ວງຈົບລະດູການນີ້ແລ້ວຫຼັງທັງ 2 ສະໂມສອນຕົກລົງຄ່າຕົວແນວຮັບທີມຊາດຕັວກກີຕາມຄ່າຈີກສັນຍາທີ່ລະບຸໄວ້.

 

ໂບຣຸສເຊຍ ດອດມຸນ ຍັກໃຫຍ່ຂອງ ບຸນເດສລີກາ ປະກາດຢືນຢັນເມື່ອວັນອາທິດທີ່ຜ່ານມາວ່າເຊັນສັນຍາລ່ວງໜ້າດຶງ ໂອເມີ ໂທປລັກ ກອງຫຼັງຂອງ ໄບເອີ ເລເວີກູເຊັນ ມາຮ່ວມທັບຊ່ວງຊຳເມີນີ້ເປັນທີ່ຮຽບຮ້ອຍແລ້ວ.

 

“ເສືອເຫຼືອງ” ເຜີຍວ່າທັງ 2 ສະໂມສອງຕົກລົງຈ່າຍເງິນຕາມຄ່າຈີກສັນຍາຂອງນັກເຕະໂດຍເຊັນເຕີແບັກ 27 ປີຈະມາຢູ່ກັບ ເສືອເຫຼືອງ ດ້ວຍສັນຍາ 4 ປີເຖິງວ່າເຂົາຈະໄດ້ຮັບຄວາມສົນໃຈຈາກ ອາເຊນອນ ຕັ້ງແຕ່ຊຳເມີທີ່ຜ່ານມາກ່ອນທີ່ “ປືນໃຫຍ່” ຈະໄດ້ດຶງ ຊະໂຄດຣານ ມຸສຕາຟີ ມາຈາກ ບາເລັນເຊຍ ໃນທີ່ສຸດ.

 

ມີຊາເອວ ຊອກ ຜູ້ອຳນວຍການກິລາ ດອດມຸນ ກ່າວວ່າ “ໂທປລັກ ຄືກອງຫຼັງທີ່ແຂງແກ່ນພ້ອມກັບມີປະສົບການໃນເກມລະດັບນາໆຊາດ ແລະ ມີຄຸນນະພາບດ້ານຄວາມເປັນຜູ້ນຳສູງ”.

 

ໂທປລັກ ລົງສະໜາມໃນ ບຸນເດສລີກາ ໄປແລ້ວ 181 ເກມນັບຕັ້ງແຕ່ສະໄໝຍັງຢູ່ກັບ ຟາຍບວກ ຈົນມາຮອດ ເລເວີກູເຊັນ ແລະ ຍິງໄປ 5 ປະຕູໂດຍລົງສະໜາມໃຫ້ “ຫ້າງຂາຍຢາ” ໃນທຸກລາຍການ 182 ນັດລວມທັງຕິດທີມຊາດຕັວກກີໄປແລ້ວ 25 ນັດ.

 

ບົດຄວາມໃຫມ່ໆ