ເຊວຊີ ຜີແດງ ມີສະດຸ້ງເມື່ອ ບາຊາ ສົນດຶງໂຕ ສະໂຕນ ອັດຫຼັງບ້ານ

ສື່ກິລາຈາກເມືອງຜູ້ດີຕີຂ່າວ ບາເຊໂລນາ ຈະຮ່ວມວົງລ່າໂຕ ຈອນ ສະໂຕນ ເຊັນເຕີ້ແບັກຟອມແຮງຂອງ ເອເວີຕັນ ທີ່ເຮັດຜົນງານໄດ້ດີໃຫ້ກັບຕົ້ນສັງກັດມາອັດແນວຮັບ ແລະ ເປັນຄູ່ຂາໄລຍະຍາວຂອງ ເຄຣາດ ປິເກ້ ນາຍທ້າຍຊາດ ສະເປນ.

ເຊວຊີ ຫຼື ແມນຢູ ຕ້ອງສະດຸ້ງຫຼັງຈາກທີ່ມີຂ່າວວ່າ ບາເຊໂລນາ ທີມຍັກໃຫຍ່ຈາກ ລາ ລີກາ ສະເປນ ອອກມາບອກວ່າຈະຮ່ວມວົງສົນທະນາລ່າໂຕ ຈອນ ສະໂຕນ ກຳແພງແຖວຫຼັງຂອງ ເອີເວີຕັນ ທີມດັງຈາກເມືອງຜູ້ດີມາເສີມຄວາມແຂງແກ່ນໃນແນວຮັບທີ່ຍັງມີບັນຫາຊອກຄູ່ທີ່ເໝາະໃຫ້ ປິເກ້ ບໍ່ໄດ້ເທື່ອ.

ຂ່າວລະບຸວ່າ “ອາຊູກລານາ” ສົ່ງແມວມອງໄປຈັບຕາເບິ່ງຟອມການຫຼິ້ນຂອງເລືອດຜູ້ດີ 21 ປີຄົນນີ້ໃນເກມກັບຊັບມິດທີ່ ອັງກິດ ເສຍໃຫ້ກັບ ສະເປນ 0-2 ທີ່ ອາລິກັນເຕ້ ເມື່ອວັນສຸກທີ 13 ພະຈິກ ເພື່ອເບິ່ງຟອມໃຫ້ເຫັນກັບຕາແຕ່ວ່າ ສະໂຕນ ບໍ່ໄດ້ລົງຫຼິ້ນ ຢ່າງໃດກໍຕາມ ສະໂຕນ ໂຊຟອມໄດ້ຢ່າງໂດດເດັ່ນໃນເກມນັດຖັດມາທີ່ຊະນະ ຝຣັ່ງ 2-0 ທີ່ສະໜາມ ເວມບລີ ສະເຕດ້ຽມ ເມື່ອວັນອັງຄານທີ 17 ພະຈິກ ທີ່ຜ່ານມາ.

“ເດິ ເທເລກຣາຟ” ຕີຂ່າວວ່າ ທີມຈາກຖິ່ນ ແຄມນູ ຕ້ອງການທີ່ຈະດຶງ ສະໂຕນ ມາອັດຫຼັງບ້ານເປັນຄູ່ກັບ ປິເກ້ ໄລຍະຍາວທີ່ສົມກັນ ຈາກປັດຈຸບັນທີ່ຕ້ອງໃຊ້ ຮາເວຍ ມາສເຄຣາໂນ ກອງກາງທຳມະຊາດທີ່ມີບັນຫາເລື່ອງຮູບຮ່າງ ສະລີຫຼະ ໂດຍມີ ມາກ ບຣາຕ້າ ກັບ ໂທມັສ ແຟມາເລັ້ນ ເປັນຕົວສຳຮອງ.

..............................................................................................................................................

 

ບົດຄວາມໃຫມ່ໆ