ເຈ໋ງ!!ບີຢາຊິວເອັມວີພີເມເຈີລີກ 2016

 

ດາວິດ ບີຢາ ຫົວຫອກດາວດັງຂອງ ນິວຢອກ ຊີຕີ ເອຟຊີ ຂຶ້ນຄວ້າລາງວັນ ເອັມວີພີ ຂອງ ເມເຈີລີກ ຊັອກເກີີ ປະຈຳປີ 2016 ມານອນກອດຮຽບຮ້ອຍ ໂດຍໄດ້ຮັບສຽງໂຫວດເໜືອ 2 ນັກເຕະດັງຈາກຄ້າຍ ນິວຢອກ ເຣດບູ.

 

ດາວິດ ບີຢາ ກອງໜ້າຂອງ ນິວຢອກ ຊີຕີ ເອຟຊີ ໄດ້ຮັບເລືອກໃຫ້ຮັບລາງວັນນັກເຕະຊົງຄຸນຄ່າ ຫຼື ເອັມວີພີ ຂອງເສິກ ເມເຈີລີກ ຊັອກເກີ ອາເມຣິກາປະຈຳປີ 2016 ເມື່ອວັນອັງຄານທີ່ຜ່ານມາຫຼັງຈາກທີ່ເຂົາຊ່ວຍຕົ້ນສັງກັດຜ່ານເຂົ້າຮອບເພລອອຟໄດ້ເປັນຄັ້ງທຳອິດໃນປະຫວັດສາດສະໂມສອນດ້ວຍຜົນງານຍິງ 23 ເມັດ.

 

ນິວຢອກ ຊີຕີ ເອຟຊີ ເຂົ້າຮ່ວມລີກເມື່ອປີ 2015 ແລະ ຫຼັງຈາກທີ່ພາດຕົ໋ວເພລອອຟໃນລະດູການທຳອິດ ບີຢາ ກໍສາມາດພາທີມຜ່ານເຂົ້າສູ່ຮອບເພລອອຟໄດ້ສຳເລັດໃນປີນີ້ເຖິງວ່າສຸດທ້າຍເສຍ ໂຕຣອນໂຕ ເອຟຊີ ໃນຮອບຄອນເຟີເຣັນ ເຊມິໄຟນໍ ດ້ວຍສະກໍ 2 ນັດ 0-7 ເມື່ອຊ່ວງຕົ້ນເດືອນທີ່ແລ້ວກໍຕາມ.

 

ທັງນີ້ ບີຢາ ຄວ້າລາງວັນ ເອັມວີພີ ຂອງລີກມາຄອງໄດ້ຢ່າງຍິ່ງໃຫຍ່ຫຼັງຈາກໄດ້ຮັບສຽງໂຫວດຈາກນັກເຕະ, ສື່ ແລະ ກຸນຊືຂອງແຕ່ລະສະໂມສອນເປັນອັນດັບ 1 ທີ່ 25.9% ຂະນະທີ່ອັນດັບ 2 ຕົກເປັນຂອງ ແບຣດລີ ໄຣ-ຟີລິບ ຫົວຫອກຂອງ ນິວຢອກ ເຣດບູ ທີ່ໄດ້ຮັບສຽງໂຫວດ 19.3% ສ່ວນອັນດັບ 3 ເປັນ ຊາຊາ ເຄີເຍສຕານ ອີກໜຶ່ງນັກເຕະຈາກ ນິວຢອກ ເຣດບູ ໄດ້ຮັບສຽງໂຫວດໄປ 17.6%.

 

ບົດຄວາມໃຫມ່ໆ