ເຈົ້າໜ້າທີ່ມອບຂອງກາງທີ່ຍຶດມາໄດ້ຄືນໃຫ້ ບໍ່ຄຳເຊໂປນ

      ປະກົດການຫຍ້ໍທໍ້ຕ່າງໆເກີດ ຂຶ້ນໂດຍໄດ້ປະສານສົມທົບກັບກອງຮ້ອຍ ເອກະລາດປະຈຳບໍ່ຄຳ, ບໍລິສັດລາວເວນຍາມ ແລະ ທາງອຳນາດການປົກຄອງບ້ານຕ່າງໆອ້ອມຂ້າງ ບໍ່ຄຳ-ບໍ່ທອງເຊໂປນ ເຊິ່ງສາມາດເລີກຮື້ເປົ້າ ໝາຍທີ່ມີການເຄື່ອນໄຫວ ແລະສາມາດ ຍຶດຂອງກາງປະເພດຫີນຂຽວ, ແກ້ວຕາ ເສືອ ແລະພາຫະນະນຳໃຊ້ເຂົ້າໃນການ ກະທຳຜິດໄດ້ຫຼາຍລາຍການສົມຄວນ.

    ດັ່ງນັ້ນ ໃນວັນທີ 30 ສິງຫາ 2016 ທີ່ກອງບັນຊາການ ປກສ ເມືອງວິລະບູລີ ແຂວງສະຫວັນນະເຂດ ຈິ່ງໄດ້ຈັດໃຫ້ມີພິ ທີມອບ-ຮັບຂອງກາງລະຫວ່າງກອງບັນ ຊາການ ປກສ ເມືອງ ແລະບໍລິສັດລ້ານ ຊ້າງມີເນໂຣນ ບ່ໍຄຳ-ບໍ່ທອງເຊໂປນ ໂດຍມີທ່ານ ບົວສອນ ມະຫາວົງ ເຈົ້າ ເມືອງໆວິລະບູລີໃຫ້ກຽດເຂົ້າຮ່ວມ.

      ເຄື່ອງທີ່ໄດ້ມອບ-ຮັບກັນໃນຄັ້ງນີ້ ລວມມີຫີນຂຽວຈຳນວນ 13,92 ໂຕນ, ທອງແດງແທ່ງ 2,81 ໂຕນ, ແກ້ວຕາເສືອຈຳນວນ 19 ອັນ, ຄິດໄລ່ເປັນເງິນ 28 ລ້ານກວ່າກີບ ໃນພິທີແມ່ນໄດ້ມີການ ລົງນາມເຊັນບົດບັນທຶກມອບ-ຮັບເຄື່ອງ ຂອງກາງດັ່ງກ່າວລະຫວ່າງທ່ານ ພັທ ບຸນມາ ໄຊຍະລາດ ຫົວໜ້າກອງບັນຊາການ ປກສ ເມືອງວິລະບູລີແລະ ທ່ານ ວິບູນ ສິດທິວໍລະດາ ຫົວໜ້າ ພະແນກພົວພັນທ້ອງຖິ່ນ, ສຸຂະພາບ ແລະ ສິ່ງແວດລ້ອມຂອງບໍລິສັດລ້ານຊ້າງມີເນໂຣນ ໂດຍຊ້ອງໜ້າທ່ານເຈົ້າເມືອງພ້ອມ ດ້ວຍບັນດາທະຫານແຂກທີ່ເຂົ້າຮ່ວມເປັນ ສັກຂີພິຍານນຳ.

ແຫຼ່ງຂ່າວ: ໜັງສືພິມເສດຖະກິດ-ສັງຄົມ