ເຈທີຫວນຮ່ວມງານເຮຍມູ-ແຄ່ງຜີຍິນດີຕ້ອນຮັບ

 

ສືຜູ້ດີຄາດການ ຈອນ ເທຣີ ອະດີດກັບຕັນທີມ ເຊວຊີ ເລີ່ມຍັບເຂົ້າໃກ້ການເປັນສະມາຊິກໃໝ່ຢ່າງສຸດເຊີໄພຣ້ຂອງ ແມນ ຢູໄນເຕັດ ຫຼາຍຂຶ້ນທຸກຂະນະ ແລະ ການຍ້າຍມາທີ່ ໂອນ ທຣາຟເຟິດ ຈະໄດ້ຮັບການຕອບຮັບເປັນຢ່າງດີຈາກບັນດານັກເຕະ “ຜີສາດແດງ”.

 

“ເຈທີ” ປະກາດແຍກທາງກັບເຊວຊີທີ່ເຂົາຮ່ວມທາງມາດົນຫຼາຍສິບປີເປັນທີ່ຮຽບຮ້ອຍ ໂດຍມີລາຍງານວ່າ ບອນມັດ ສົນໃຈທີ່ໃຊ້ບໍລິການ ແລະ ຍັງມີຄວາມເປັນໄປໄດ້ທີ່ເຊັນເຕີແບັກຈອມເກົ໋າຈະຍ້າຍໄປທີ່ອາເມລິກາ.

 

ຢ່າງໃດກໍຕາມຊື່ຂອງ ເທີຣີ ຖືກເຊື່ອມກັບ ແມນ ຢູໄນເຕັດ ຕັ້ງແຕ່ 2-3 ເດືອນກ່ອນແລ້ວ ແລະ ຕອນນີ້ກໍມີໂອກາດຫຼາຍຂຶ້ນທີ່ເຂົາໄດ້ເຂົ້າມາເປັນລູກທີມຂອງ ໂຊເຊ ມູຣິນໂຢ ເນື່ອງຈາກວ່າກຸນຊືປັອກຕຸຍການຕ້ອງການກອງຫຼັງຄົນໃໝ່ມາເພີ່ມຕົວເລືອກ ແລະ ການດຶງອະດີດກັບຕັນທີມຊາດອັງກິດຈະຕອບໂຈດໄດ້ດີເມື່ອ ເອຣິກ ໄບຢີ ກັບ ມາກອສ ໂຣໂຮ ຈະຍັງຄົງເປັນສອງຕົວເລືອກທຳອິດໃນແຜງຫຼັງສ່ວນ ຄຣິສ ສະມອນລິງ ກັບ ຟິວ ໂຈນ ຈະເປັນຕົວເລືອກຖັດມາຮ່ວມກັບ ເທຣີ.

 

ເດິ ຊັນ ລະບຸວ່ານັກເຕະ ແມນ ຢູ ຕາງກໍຍິນດີຕ້ອນຮັບຕຳນານແຄ່ງ ເຊວຊີ ໃຫ້ມາຮ່ວມຫຼິ້ນທີ່ ໂອນ ທຣາຟເຟິດ ຢ່າງບໍ່ມີບັນຫາເຊິ່ງການເຊັນຟຣີກັບ ເທີຣີ ຈະຍັງຊ່ວຍໃຫ້ ມູຣິນໂຢ ສາມາດທຸ່ມງົບຊື້ບັນດານັກເຕະດັງລາຍອື່ນໄດ້ຢ່າງເຕັມທີ່.

 

ບົດຄວາມໃຫມ່ໆ