ເຄັບລັບເຮັດໃຫ້ຜິວໜ້າສົດໃສ ດ້ວຍໝາກສີດາ

ໝາກສີດາເປັນໝາກໄມ້ທີ່ໄດ້ຮັບຄວາມນິຍົມໃນການນຳມາໃຊ້ເປັນເຄື່ອງສຳອາງທາຜິວໜ້າເປັນຈຳນວນຫຼາຍໃນໝູ່ເກາະມະຫາສະໝຸດປາຊີຟິກ ເນື່ອງຈາກວ່ານວນຂອງໝາກສີດາມີໂພແທສຊ້ຽມ, ນ້ຳຕານ ແລະ ກົດອະມິໂນ ທີ່ສາມາດດຶງເອົານ້ຳໃຫ້ມາຢູ່ໃນຜິວໜັງຊັ້ນນອກເພື່ອໃຫ້ຜິວພັນມີຄວາມຊຸ່ມຊື່ນ.

ນອກຈາກນີ້, ໝາກສີດາຍັງມີວິຕາມິນສູງ ແລະ ສິ່ງສຳຄັນຄືມີວິຕາມິນ B2 ທີ່ຊ່ວຍປົວແປງ ແລະ ຊ່ວຍໃນການຈະເລີນເຕີບໂຕຂອງເຊລໃຫ້ແຂງແຮງ ພ້ອມກັນນັ້ນຍັງມີວິຕາມິນ B5 ທີ່ຊ່ວຍປ້ອງກັນຜິວໜ້າບໍ່ໃຫ້ຖືກທຳລາຍຈາກອະນຸມູນອິດສະຫຼະດ້ວຍ.

ສິ່ງທີ່ຕ້ອງກຽມ:

  • ເລືອກເອົາໝາກສີດາທີ່ສົດ ແລະ ບໍ່ສຸກຈົນເກີນໄປແລ້ວນຳມາລ້າງໃຫ້ສະອາດ. ຈາກນັ້ນ, ຊອຍເອົາແຕ່ນວນໂດຍບໍ່ເອົາແກ່ນແລ້ວຊອຍເປັນຕ່ອນນ້ອຍໆກ່ອນປັ່ນ ແລະ ຕ້ອງຕື່ມນ້ຳສະອາດລົງໄປເທື່ອລະໜ້ອຍທຸກຄັ້ງໃນການປັ່ນເພາະໝາກສີດາມີນ້ຳໜ້ອຍ.

ວິທີການໃຊ້:

  • ເອົານວນໝາກສີດາມີຊອຍເປັນຕ່ອນນ້ອຍໆ 1 ຖ້ວຍນ້ອຍ, ນ້ຳ 1/2 ຖ້ວຍນ້ອຍ ແລະ ນ້ຳເຜິ້ງ 2 ບ່ວງແກງ ລົງໃນເຄື່ອງປັ່ນໆໃຫ້ລະອຽດຈົນເປັນເນື້ອດຽວກັນ ຫຼື ຈົນເປັນຄຣີມ. ຈາກນັ້ນ, ກໍ່ນຳມາພອກໜ້າໄວ້ປະມານ 10-20 ນາທີ ແລ້ວລ້າງອອກດ້ວຍນ້ຳສະອາດ ໂດຍປະຕິບັດທຸກມື້ກ່ອນເຂົ້ານອນຜິວໜ້າຈະສົດໃສລຽບນຽນ ແລະ ນຸ້ມນວນຂຶ້ນ.