ເຄັດ​ລັບ​ໜ້າ​ເດັ້ງ​ງາມໃສ ດ້ວຍ​ໄຂ່​ຂາວ​

ໄຂ່​ຂາວ​ ມີ​ປະໂຫຍດ​ຫຼາຍ​ຢ່າງ​ ທັງ​ທາງ​ໂພຊະ​ນາ​ການ​ແລະ​ທາງ​ຄວາມ​ງາມ​ ເພາະ​ໄຂ່​ຂາວ​ປະກອບ​ໄປ​ດ້ວຍ​ສານ​ອາ ຫານ​ທີ່​ມີ​ປະ ໂຫຍດ​ຫຼາຍ​ຢ່າງ​ ເຊັ່ນ​ ນ້ຳ​ ໂປຣ​ຕິນ​ ເກືອ​ແຮ່ ອັນ​ບູ​ມິນ​ ວິ​ຕາ​ມິນ​ບີ​ ວິ​ຕາ​ມິນ​ຊີ​ ວິ​ຕາ​ມິນ​ດີ​ ວິ​ຕາ​ມິນ​ອີ​ແລະ​ວິ​ຕາ​ມິນ​ເຄ​ ຊຶ່ງ​ວິ​ຕາ​ມິນ​ຕ່າງ​ໆ​ ເຫຼົ່າ​ນີ້​ ທີ່​ມີ​ປະໂຫຍດ​ຕໍ່​ຜິວ​ຢ່າງ​ມະຫາ​ສານ​ ບ່ອນນີ້​ເຮົາ​ມາ​ເບິ່ງ​ກັນ​ດີກວ່າ​​ ວ່າ​ເຮົາ​ຈະ​ນຳ​ໄຂ່​ຂາວ​ມາ​ບຳ​ລຸງ​ໃຫ້​ຜິວ​ ເດັ້ງ​ ເຕັ່ງ​ ຕຶງ​ ໄດ້​ດ້ວຍ​ວິທີ​ໃດ

1.ໄຂ່​ຂາວ​ຊ່ວຍ​ເພີ່ມ​ຄວາມ​ຂາວ​ໃສ​ໃຫ້​ກັບ​ຜິວ​

ພຽງ​ນຳ​ໄຂ່​ຂາວ​ປະສົມ​ກັບ​ນ້ຳ​ໝາກນາວ​ນ້ອຍໆ​ ແລ້ວ​ພອກ​ໜ້າ​ຖິ້ມ​ໄວ້​ 15-30 ນາ​ທີ​ ກໍ​ຈະ​ຊ່ວຍ​ໃຫ້​ໜ້າ​ຂາວ​ໃສ​ໄດ້​ແລ້ວ​ ທີ່​ເປັນ​ເຊັ່ນ​ນີ້​ເພາະ​ໃນ​ໄຂ່​ຂາວ​ມີ​ໂປຣ​ຕິນ​ສູງ​ ໂປຣ​ຕິນ​ຈະ​ຊ່ວຍ​ຊ້ອມແຊມ​ແລະ​ສ້າງ​ເຊວ​ຜິວ​ໃໝ່​ໃຫ້​ຜິວ​ໄດ້​

2. ໄຂ່​ຂາວ​ເຮັດໃຫ້​ໜ້າ​ເຕັ່ງ​ຕຶງ​ ບໍ່​ຕ້ອງ​ພຶງ​ໂບ​ທັອກ​

ນຳ​ໄຂ່​ຂາວ​​ ມາພອກ​ໜ້າ​ຖິ້ມ​ໄວ້​ 30 ນາ​ທີ​ ໂດຍ​ເຮັດ​ຕິດ​ຕໍ່​ກັນ​ເປັນ​ເວລາ​ 1 ອາທິດ​ ພຽງເທົ່ານີ້​ກໍ​ຈະ​ຮູ້ສຶກ​ໄດ້​ເຖິງ​ໃບ​ຫນ້າທີ່​ກະ​ຊັບ​ຂຶ້ນ​ ຮິ້ວ​ຮອຍ​ຫຼຸດລົງ​ ຢ່າງ​ຊັດເຈນ​

3. ໄຂ່​ຂາວ​ລອກ​ສິວ​ສ້ຽນ​

ວິທີ​ງ່າຍໆ​ ບໍ່​ຕ້ອງ​ໄປ​ເສຍ​ເງີນ​ຊື້​ແຜ່ນ​ລອກ​ສິວ​ສ້ຽນ​ອີກ​ຕໍ່ໄປ​ ໃຫ້​​ນຳ​ໄຂ່​ຂາວ​ປະສົມ​ນ້ຳໝາກ​ນາວ​ ຈາກ​ນັ້ນ​ນຳ​ສຳ​ລີ​ບາງ​ໆ​ ຊຸບ​ໄຂ່​ຂາວ​ໃຫ້​ຊຸ່ມ​ ແລ້ວ​ແປະ​ໃຫ້​ທົ່ວ​ບໍລິເວນ​ທີ່​ຕ້ອງ​ການ​ລອກ​ສິວ​ສ້ຽນ​ ຖິ້ມ​ໄວ້​ໃຫ້​ສຳ​ລີ​ແຫ້ງ​ແລະ​ແຂງ​ຕົວ​ຈຶ່ງ​ຄ່ອຍ​ໆ​ ລອກ​ສຳ​ລີ​ອອກ​ ແລະ​ສຸດ​ທ້າຍ​ຢ່າ​ລືມ​ລ້າງ​ໜ້າ​ດ້ວຍ​ນ້ຳ​ເຢັນ​ເພື່ອກ​ະ​ຊັບ​ຮູ​ຂຸມ​ຂົນ​

4. ໄຂ່​ຂາວ​ຊ່ວຍ​ຫຼຸດ​ໜ້າ​ມັນ​ ກະ​ຊັບຮູ​ຂຸມ​ຂົນ​

ການ​ພອກ​ໜ້າ​ດ້ວຍ​ໄຂ່​ຂາວ​ເປັນ​ປະຈຳ​ ເຊົ້າ​-ແລງ ຈະ​ຊ່ວຍ​ຫຼຸດ​ຄວາມ​ມັນ​ຂອງ​ໃບ​ໜ້າ​ໃຫ້​ຫຼຸດລົງ​ໄດ້​ເປັນ​ຢ່າງ​ດີ​ ​ສາວ​ໆ​ບາງ​ຄົນ​ອາດຈະເຊົາຈາກ​ອາການ​ໜ້າ​ມັນ​​ ນອກ​ຈາກ​ນີ້​ຍັງ​ຊ່ວຍ​ກະ​ຊັບ​ຮູ​ຂຸມ​ຂົນ​ທີ່ກ​ວ້າງ​ໃຫ້​ນ້ອຍ​ລົງ​ອີກ​ດ້ວຍ​

5. ໄຂ່​ຂາວ​ຊ່ວຍ​ດີ​ທັອກ​​ລ້າງ​ສານ​ພິດ​ຕົກ​ຄ້າງ​

ສຳລັບ​ຄົນແພ້​ງ່າຍ ​ເພາະ​ສານ​ເຄ​ມີ​ ໃຫ້​ລອງ​ດີ​ທັອກ​ຜິວ​ດ້ວຍ​ໄຂ່​ຂາວ​ເບິ່ງ ໂດຍ​ໃຫ້​ນຳ​ໄຂ່​ຂາວ​ມາພອກໃຫ້​ທົ່ວ​ໃບ​ໜ້າ​ ທາ​ຖິ້ມ​ໄວ້​ປະ​ມານ​ 30 ນາ​ທີ​ ຈາກ​ນັ້ນ​ລ້າງ​ໜ້າ​ໃຫ້​ສະ​ອາດ​ ໂດຍ​ໃຫ້​ເຮັດ​ແບບ​ນີ້​ເປັນ​ປະຈຳ​ ຢ່າງ​ນ້ອຍ​ອາທິດ​ລະ​ 1 ເທື່ອ​ ຜິວ​ໜ້າ​ຂອງ​ເຈົ້າ​ຈະ​ກັບ​ມາ​ມີ​ສຸຂະພາບ​ດີ​ ສະ​ອາດ​ທົ່ວໃບໜ້າ​ ອີກ​ທັງ​ຜິວ​ຍັງ​ຈະ​ດູດ​ຊັບ​ຄຮີມ​ບຳ​ລຸງ​ຜິວ​ໄດ້​ດີ​ຫຼາຍ​ຂຶ້ນ​ດ້ວຍ​