ເຄັດ​ລັບ​ໜ້າ​ຂາວ​ໃສ​ດ້ວຍ​ໝາກ​ເຟືອງ​ແລະ​ດິນ​ສໍ​ພອງ​

ເຄັດ​ລັບ​ໜ້າ​ຂາວ​ໃສ​ດ້ວຍ​ໝາກ​ເຟືອງ​ແລະ​ດິນ​ສໍ​ພອງ​ນີ້​ ເປັນ​ເຄັດ​ລັບ​ທີ່​ໃຊ້​ພອກ​ໜ້າ​ ເພື່ອ​ບຳ​ລຸງ​ແລະ​ເບິ່ງ​ແຍງ​ໃຫ້​ຜິວ​ໜ້າກ​ະ​ຊັບ​ ເພາະ​ຈະ​ຊ່ວຍ​ຜັດ​ເຊລ​ຜິວ​ທີ່​ຕາຍ​ແລ້ວ​ໃຫ້​ຫຼຸດ​ລອກ​ອອກ​ໄປ​ໄດ້​ງ່າຍ​ ເພື່ອ​ເຜີຍ​ຜິວ​ຫນ້າທີ່​ຂາວ​ໃສມາ​ແທນ​ ແລະ​ສູດ​ນີ້​ຍັງ​ຊ່ວຍ​ຫຼຸດ​ເລືອນ​ຮອຍ​ດ່າງ​ດຳ​ໝອງ​ຄ້ຳ​ເທິງ​ໃບ​ໜ້າ​ໄດ້​ອີກ​ດ້ວຍ​ ສ່ວນ​ປະສົມ​ກໍ​ງ່າຍ​ມີ​ໝາກ​ເຟືອງ​ນ້ອຍ​ໃຫຍ່ຕາມໃຈ​ 1 ໜ່ວຍ​ ແລະ​ ດິນ​ສໍ​ພອງ​ປະ​ມານ 3-4 ເມັດ​ ໂດຍ​ວິທີ​ເຮັດ​ກໍ​ເລີ່ມ​ຈາກ​ຫັ່ນ​ໝາກ​ເຟືອງ​ເປັນ​ຊິ້ນ​ນ້ອຍ​ໆ​ ແລ້ວ​ບົດ​ໃຫ້​ລະອຽດ​ ໃສ່​ດິນ​ສໍ​ພອງ​ໄປ​ປະສົມ​ກັບ​ໝາກ​ເຟືອງ​ທີ່ບົດ​ລະອຽດ​ດີ​ແລ້ວ​ ແລະ ​ຄົນ​ໃຫ້​ສ່ວນ​ປະສົມ​ເປັນ​ເນື້ອ​ດຽວ​ກັນ​ ນ້ຳ​ໃນ​ໝາກ​ເຟືອງ​ຈະ​ຊ່ວຍ​ໃຫ້​ດິນ​ສໍ​ພອງ​ລະ​ລາຍ​ໄດ້​ດີ​ຂຶ້ນ​ ສຳເລັດ​ແລ້ວ​ນຳ​ມາພອກ​ໃຫ້​ທົ່ວ​ໃບ​ໜ້າທີ່​ລ້າງ​ສະ​ອາດ​ດີ​ແລ້ວ​ ໂດຍ​ເວັ້ນ​ບໍລິເວນ​ອ້ອມ​ດວງ​ຕາ​ແລະສົບ​ ເພາະ​ສອງ​ຈຸດ​ນີ້​ເປັນ​ບໍລິ ເວນ​ທີ່​ຜິວ​ໜັງ​ບອບ​ບາງ​ທີ່ສຸດ​ ຫາກ​ເຜີ​ພອກ​ກົງ​ບໍລິເວນ​ອ້ອມ​ດວງ​ຕາ​ຫຼືສົບ​ ກໍ​ອາດ​ເຮັດໃຫ້​ຜິວ​ໜັງ​ບໍລິເວນ​ດັ່ງ​ກ່າວ​ແຫ້ງ​ແລະ​ລອກ​ໄດ້​ ຫຼັງ​ຈາກ​ພອກ​ໜ້າ​ແລ້ວ​ກໍ​ຖິ້ມ​ໄວ້​ປະ​ມານ​ 20 ນາ​ທີ​ ເຖິງ​ເຄິ່ງຊົ່ວ​ໂມງ​ ຈຶ່ງ​ລ້າງ​ອອກ​ດ້ວຍ​ນ້ຳ​ສະ​ອາດ​ ເຈົ້າ​ຈະ​ຮູ້ສຶກ​ວ່າ​ໜ້າ​ໃສ​ຂຶ້ນ.​