ເຄັດ​ລັບ​ຮັກສາ​ຕີນ​ແຫ້ງ​ ສົ້ນ​ຕີນ​ແຕກ​ເປັນ​ຂຸຍໆ​ ແບບ​ໄດ້​ຜົນ​ດ້ວຍ​ສູດ​ດ້ວຍ​ນີ້​

ເຄັດ​ລັບ​ຮັກສາ​ຕີນ​ແຫ້ງ​ ສົ້ນ​ຕີນ​ແຕກ​ເປັນ​ຂຸຍໆ​ ແບບ​ໄດ້​ຜົນ​ດ້ວຍ​ສູດ​ດ້ວຍ​ນີ້​

ເມື່ອ​ລະດູ​ໜາວ​ມາຮອດ​ເຈົ້າ​ອາດຈະ​ຕ້ອງ​ເຄີຍ​ພົບ​ກັບ​ເຫດການ​ສົ້ນ​ຕີນ​ແຫ້ງຫຼື​ແຕກ​ມາ​ແລ້ວ​ທຸກ​ຄົນ​ ຈະ​ຫຼາຍຫຼືນ້ອຍ​ແຕກ​ຕ່າງ​ກັນ​ໄປ​ ຈົນ​ເຈົ້າ​ຕ້ອງ​ໃສ່​ຖົງ​ຕີນ​ເພື່ອປົກ​​ປິດ​ຮອຍ​ຕ່າງ​ໆ​ເຫຼົ່າ​ນີ້​ ເຮົາ​ຈຶ່ງ​ໄດ້​ນຳ​ສະເໜີ​ວິທີ​ແກ້​ທີ່​ສົມບູນ​ແບບ​ ໂດຍ​ໃຊ້​ເງີນ​ພຽງ​ນ້ອຍໆ​ເທົ່າ​ນັ້ນ​ ເພື່ອ​ຮັກສາ​ຄວາມ​ງາມ​ທີ່​ສົ້ນ​ຕີນ​ຂອງ​ເຈົ້າ​ໃຫ້​ກັບ​ມາ​ຄືເກົ່າ​ 

ສ່ວນ​ປະສົມ​

ນ້ຳ​ອຸ່ນ​ 4-5 ລີດ​
ເບກ​ກິ້ງ​ໂຊ​ດາ​ 2 ບ່ວງ​ໂຕະ​
ຟອງ​ນ້ຳ​ / ແປງ​ / ຫີນ​ ທີ່​ໄວ້​ໃຊ້​ຂັດ​ຜິວ​
ຄຮີມ​ບຳ​ລຸງ​ຜີວ​
ນ້ຳ​ມັນ​ຫອມ​ລະ​ເຫີຍລາ​ເວນ​ເດີ​ (ບໍ່​ມີ​ໃຊ້​ນ້ຳ​ມັນ​ໝາກກອກ​ແທນ​ໄດ້​) 

ເລີ່ມ​ຕົ້ນ​ໂດຍ​ການ​ປະສົມ​ເບກ​ກິ້ງ​ ໂຊ​ດາ​ ກັບ​ນ້ຳ​ອຸ່ນ​ ຄົນ​ໃຫ້​ເຂົ້າ​ກັນ​ແລະ​ໃສ່​ນ້ຳ​ມັນ​ຫອມ​ລະ​ເຫີຍລາ​ເວນ​ເດີ​ລົ​ງ​ໄປ​ ໂດຍ​ເຮົາ​ຈະ​ໄວ້​ໃຊ້​ແຊ່​ຕີນ​ຫຼັງ​ຈາກ​ທີ່​ເຈົ້າ​ໄປ​ເຮັດວຽກ​ມາ​ຫຼືເຮັດ​ຫຍັງ​ມາ​ກໍ່​ຕາມ​ ແຊ່​ເປັນ​ໄລຍະເວລາ​ 15-20 ນາ​ທີ​ ແລະ​ໃຊ້​ອຸປະກອນ​ໃນ​ການ​ຂັດ​ຜິວ​ກົງ​ບໍລິເວນ​ທີ່​ແຕກຫຼື​ແຫ້ງ​ 

ສຳເລັດ​ແລ້ວ​ທາ​ນ້ຳ​ມັນ​ໝາກ​ພ້າວ​ຫຼືວາສະ​ລີນ​ຕີນ​ຂອງ​ເຈົ້າ​ແລະ​ໃສ່​ຖົງ​ຕີນ​ເພື່ອ​ຈັດ​ເກັບ​ຄວາມ​ຊື້ນ​ ຖ້າ​ເຮັດ​ເປັນ​ປະຈຳ​ກ່ອນ​ນອນ​ ຄວນ​ຈະ​ເຮັດ​ຄວາມ​ສະ​ອາດ​ຖົງ​ຕີນ​ອາທິດ​ລະ​ 2 ເທື່ອ​ເປັນ​ຢ່າງ​ນ້ອຍ​ ແລະ​ເທົ່າ​ນີ້​ກໍ​ຈະ​ເຮັດໃຫ້​ສົ້ນ​ຕີນ​ທີ່​ແຫ້ງ​ຫຼືແຕກ​ຂອງ​ເຈົ້າ​ຈະ​ດີ​ຂຶ້ນ​ກວ່າ​ເກົ່າແນ່ນອນ​