ເຄັດ​ລັບ​ອາ​ຍຸຍືນ​ຂອງ​ພໍ່​ຕູ້​ທີ່​ອາຍຸ​ຍືນ​ທີ່​ສຸດ​ໃນ​​ໂລກ

ທາຍາດໂຮງແຮມນໍ້າພຸຮ້ອນຮຸ່ນທີ່ 4 ເທິງເກາະຮອກໄກໂດ ພໍ່​ຕູ້ ມາຊາໂສະ ໂນນາກະ (Masazo Nonaka) ຄອງຕໍາແໜ່ງຄົນທີ່ອາຍຸຍືນທີ່ສຸດໃນໂລກ ໂດຍກິນເນັດເວີນ ເລຣກຂອດ ເມື່ອຕົ້ນເດືອນເມສາ 2561 ດ້ວຍໄວ 112 ປີ 259 ວັນ​ເຊິ່ງພໍ່ຕູ້ ສະ​ເຫຼີ​ມສະຫຼອງສະຖິຕິໂລກຄັ້ງນີ້ ດ້ວຍການກິນເຄັກກ້ອນ​ໃຫຍ່ທີ່ອັດແໜ້ນໄປດ້ວຍເບີລີ່.

ພໍ່​ຕູ້ເກີດວັນທີ ​25 ເດືອນ7 ປີ 2448 ໃນຄອບຄົວໃຫຍ່ເຈົ້າຂອງກິດຈະການໂຮງແຮມນໍ້າພຸຮ້ອນທີ່ເປີດມາຍາວນານເຖິງ 105 ປີ​ເຊິ່ງເປັນເຄັດລັບຢ່າງໜຶ່ງທີ່ພໍ່ຕູ້ມາຊາໂສະມັກເຮັດຄືການແຊ່ນໍ້າຮ້ອນ ແລະ ຜ່ອນຄາຍໃນບໍ່ນໍ້າພຸຮ້ອນຂອງຄອບຄົວ.

ນອກຈາກນີ້ພໍ່ຕູ້ຍັງເຜີຍວ່າລາວຊອບກິນຂອງຫວານໂດຍສະພາະເຄັກຫຼາຍທີ່ສຸດ ສ່ວນຊີວິດປະຈໍາວັນນັ້ນໃນຕອນເຊົ້າລາວຈະອ່ານໜັງສືພິມຫຼັງຈາກຮັບປະທານອາຫານເຊົ້າ ມັກເບິ່ງການແຂ່ງຂັນຊູໂມ່ ແລະ ໜັງທີ່ກ່ຽວກັບຊາມູໄຮໃນ​ໂທລະ​ພາບ​ເຊິ່ງແມ້ວ່າຕອນນີ້ພໍ່​ເຖົ້າຈະນັ່ງເທິງລົດເຂັນແຕ່ລາວກໍຍັງເຮັດເກືອບທຸກຢ່າງ​ໄດ້ດ້ວຍຕົນເອງເທິງລົດເຂັນນັ້ນ.

ຢ່າງ​ໃດກໍຕາມພໍ່​ເຖົ້າມາຊາໂສະເປັນໜຶ່ງໃນ 67,800 ຄົນໃນປະເທດຍີ່ປຸ່ນທີ່ມີອາຍຸເຖິງ 100 ປີ​ເຊິ່ງຍີ່ປຸ່ນຖືເປັນປະເທດທີ່ມີຄົນສູງອາຍຸເພີ່ມຂຶ້ນໄວທີ່ສຸດໃນໂລກ.