ເຄັດ​ລັບ​ຈອດ​ລົດ​ເຂົ້າ​ຊ່ອງ​ແບບເທບ​ ຮັບຮອງ​ບໍ່​ມີພາດ​ ໃຜ​ກໍ​ເຮັດ​ໄດ້​

ເຄັດ​ລັບ​ຈອດ​ລົດ​ເຂົ້າ​ຊ່ອງ​ແບບເທບ​ ຮັບຮອງ​ບໍ່​ມີພາດ​ ໃຜ​ກໍ​ເຮັດ​ໄດ້​

    ຫຼາຍ​ຄົນ​ຈະພົບກັບ​ບັນຫາ​ຊ່ອງ​ແຄບ​ລະຫວ່າງ​ການ​ຈອດ​ລົດ​ຊຶ່ງ​ມັນ​ເປັນ​ເລື່ອງ​ປົກກະຕິ​ສຳລັບ​ຄົນ​ເມືອງ​ ເພາະ​ພື້ນ​ທີ່​ໃນ​ການ​ໃຊ້​ສອຍ​ຄ່ອນ​ຂ້າງ​ຈຳ​ກັດ​ການ​ຈອດ​ລົດ​ກໍ​ຈຳ​ກັດ​ດ້ວຍ​ເຊັ່ນ​ກັນ​ ດັ່ງ​ນັ້ນ​ເຮົາ​ຈະ​ຈອດລົດ​ແບບ​ປົກກະຕິ​ ກໍ​ຈະ​ຍາກ​ຂຶ້ນ​ມາ​ ຫລື​ ເຄາະ​ບໍ່​ດີ​ອາດຈະ​ບໍ່​ມີ​ບ່ອນຈອດ​ດ້ວຍ​ຊ້ຳ​
 ການ​ຖອຍ​ລົດ​ເຂົ້າ​ຊ່ອງ​ຈຶ່ງ​ເປັນ​ອີກ​ຕົວ​ເລືອກ​ເພື່ອ​ໃຫ້​ເຮົາ​ມີ​ທີ່​ໃນ​ການ​ຈອດ​ລົດ​ຄັນ​ເທ່​ໆ​ຂອງ​ເຮົາ​ແລະ ​ຍັງ​ເປັນ​ການ​ໃຊ້​ເທັກ​ນິກ​ພິເສດ​ ເພາະ​ການ​ຖອຍ​ລົດ​ເຂົ້າ​ຊ່ອງ​ ເປັນ​ການ​ຝຶກ​ຄວາມ​ແນ່ນອນ​ໃນ​ການ​ຂັບ​ຂີ່​ດ້ວຍ​ເຊັ່ນ​ກັນ​

1. ຂັບ​ລົດ​ຂຶ້ນ​ມາເຊີງ​ກັບ​ລົດ​ຄັນ​ທີ່​​ຢູ​ດ້ານ​ຫນ້າບ່ອນຈອດ​ (ສີ​ນ້ຳ​ເງີນ​) ໂດຍ​ໃຫ້​ທ້າຍ​ລົດ​ຢູ່​ ໃນ​ລະດັບ​ດຽວ​ກັນ​ດັ່ງ​ຮູບ​ໂດຍ​ໃຫ້​ດ້ານ​ຂ້າງ​ຫ່າງ​ຈາກ​ຄັນ​ສີ​ນ້ຳ​ເງີນ​ປະ​ມານ​ 2 ຟຸດ​

2. ໃຫ້​ຫັກ​ພວງ​ມະໄລລົດ​ເຂົ້າ​ຫາລົດຄັນ​ສີ​ນ້ຳ​ເງີນ​(ໝຸນ​ເຂົ້າ​ຫາ​ຟຸດ​ບາດ​)ເອົາ​ໃຫ້​ສຸດ​ວົງ​ແລະ​ຂະນະ​ດຽວ​ກັນ​ກໍ​ຄ່ອຍ​ໆ​ຖອຍ​ລົດ​ໄປ​ດ້ວຍ​ນ້ອຍໆ​ ຈະ​ເຮັດໃຫ້​ລົດ​ຂອງ​ເຮົາ​ເຮັດ​ມຸມ​ 45 ອົງ​ສາພໍດີ​ ເຖິງ​ຕອນ​ນີ້​ເຮົາ​ຈະ​ເບິ່ງ​ເຫັນ​ປ້າຍທະ​ບຽນ​ຂອງລົດ​ຄັນ​ທີ່​​ຢູ່​ຫຼັງ​ທີ່ຈອດ​(ຄັນ​ສີ​ແດງ​)ແລ້ວ

3. ຕັ້ງ​ພວງ​ມະໄລໃຫ້​ກົງ​ແລ້ວ​ຖອຍ​ຍາວ​

4. ເມື່ອດຖອຍ​ລົດ​ຈົນ​ໜ້າລົດ​ຂອງ​ເຮົາ​ພົ້ນ​ຈາກ​ທ້າຍ​ລົດ​ຄັນ​ຂ້າງ​ໜ້າ​(ສີ​ນ້ຳ​ເງີນ​) ເບິ່ງ​ຄັນ​ຂ້າງ​ຫຼັງ​ໄປ​ດ້ວຍ​ ລະ​ວັງ​ຕຳ​

5. ໝຸນ​ພວງ​ມະໄລອອກ​ໄປ​ທາງ​ກົງກັນຂ້າມ​ກັບ​ຟຸດ​ບາດ​ໃຫ້​ສຸດ​​ແລ້ວ​ຄ່ອຍ​ໆ​ຖອຍ​ລົດ​ເບົາ​ໆ​ ຈະ​ຊ່ວຍ​ ໃຫ້​ໝຸນ​ພວງ​ມະໄລ​ໄດ້​ງ່າຍ​ຂຶ້ນ​ ລົດ​ຈະ​ຄ່ອຍ​ໆ​ເຄື່ອນ​ເຂົ້າ​ຂະໜານກັບ​ຟຸດ​ບາດ​ແລ້ວ​

6. ເມື່ອ​ເຂົ້າ​ບ່ອນແລ້ວ​ກໍ​ຈັດການ​ຄືນ​ລໍ້ໃຫ້​ກົງ​ກໍ​ເປັນ​ອັນ​ຮຽບຮ້ອຍ​ແລ້ວ​ ຂະ​ຢັບ​ໃຫ້​ມີ​ຊ່ອງ​ວ່າງ​ໃຫ້​ພໍ​ດີ​ກັບ​ລົດ​ທັງ​ຂ້າງ​ໜ້າ​ຂ້າງ​ຫຼັງ​ ເພື່ອບໍ່​ໃຫ້​ມັນແໜ້ນ​ດ້ານ​ໃດ​ດ້ານ​ໜຶ່ງ​ຈົນ​ເກີນ​ໄປ