ເຄັດ​ລັບ​ຄືນ​ຄວາມ​ຂາວ​ສະຫວ່າງ​ໃຫ້​ກັບ​ຊຸດ​ຊັ້ນ​ໃນ​ຂອງ​ເຈົ້າ

ຊຸດ​ຊັ້ນ​ໃນ​ເປັນ​ຊຸດ​ທີ່​​ຜູ້ຍິງ​ທຸກ​ຄົນ​ຕ້ອງ​ໃສ່​ຕິດ​ກາຍ​ ເຖິງ​ ເຖິງວ່າ​ຈະ​ບໍ່​ມີ​ໃຜ​ເຫັນ​ເວລາ​ໃສ່​ ແຕ່​ຊຸດ​ຊັ້ນ​ໃນ​ກໍ່​ມີ​ຄວາມ​ສຳຄັນ​ເປັນ​ຢ່າງ​ຍິ່ງ​ ທັງ​ຊ່ວຍ​ເພີ່ມ​ຄວາມຫມັ້ນ​ໃຈ​ ຊ່ວຍ​ໂອບ​ອຸ້ມ​ໃຫ້​ໜ້າ​ເອີກ​ບໍ່​ຢ່ອນ​ຄ້ອຍ​ ຊຸດ​ຊັ້ນ​ໃນ​ຫາກ​ດູແລຮັກສາ​ບໍ່​ດີ​ກໍ່​ຈະ​ເສຍ​ຊົງ​ໄດ້​ງ່າຍໆ​ແລະ​ຍິ່ງ​ຖ້າ​ເປັນ​ຊຸດ​ຊັ້ນ​ໃນ​ສີ​ຂາວ​ດ້ວຍ​ແລ້ວ​ຕ້ອງ​ເບິ່ງ​ແຍງ​ເປັນ​ພິເສດ​ ເພາະ​ຫາກ​ບໍ່​ລະ​ວັງ​ເວລາ​ຊັກ​ອາດ​ເຮັດໃຫ້​ສີ​ອື່ນ​ຕົກ​ໃສ່​ໄດ້​ ອີກ​ທັງ​​ໝອງ​ຄ້ຳບໍ່​ຂາວ​​ໄດ້​ເຊັ່ນ​ກັນ​ ​ເຮົາ​ມາ​ເບິ່ງ​ວິທີ​ການ​ຊັກ​ຊຸດ​ຊັ້ນ​ໃນ​ໃນ​ຂາວ​ສະຫວ່າງ​ມາ​ຝາກ​ກັນ​.​

ການ​ຊັກ​ຊຸດ​ຊັ້ນ​ໃນ​ສີ​ຂາວ​

• ແຍກ​ຊຸດ​ຊັ້ນ​ໃນ​ສີ​ຂາວ​ຫລື​ສີ​ອ່ອນ​ອອກຈາກ​ຜ້າ​ສີ​ເຂັ້ມ.​

• ກ່ອນ​ນຳ​ຊຸດ​ຊັ້ນ​ໃນ​ໄປ​ຊັກ​ ຫາ​ຈຸດ​ທີ່​ມີກ​າບ​ສົກກະປົກ​ເກາະ​ແໜ້ນ​ເຊັ່ນ​ ຊ່ວງ​ໂຄງ​ຍົກ​ຊົງ​ຫລື​ສາຍ​ຍົກ​ຊົງ​ທີ່​ອາດ​ມີ​ຮອຍ​ດຳ​ຈາກ​ຄາບ​ເຫື່ອ​ ເຈົ້າ​ຄວນ​ເຮັດ​ຄວາມ​ສະ​ອາດ​ກົງ​ຈຸດ​ນັ້ນ​ກ່ອນ​ ໂດຍ​ໃຊ້​ນ້ຳ​ຢາ​ທາ​ຄາບ​ຫລື​ນ້ຳ​ຢາ​ຊັກ​ຜ້າ​ປະສົມ​ກັບ​ນ້ຳ​ແລະ​ໃຊ້​ແປງ​ສີ​ແຂ້ວ​ຂົນ​ນຸ່ມ​ໃນ​ການ​ ຊ່ວຍ​ກຳຈັດ​ຮອຍ​ເປື້ອນ​ໂດຍ​ຂັດ​ໃຫ້​ຄາບ​ຫຼຸດ​ອອກ​ເບົາ​ໆ​ ກ່ອນທີ່ຈະ​ນຳ​ໄປ​ຊັກ​ ເພື່ອ​ໃຫ້​ຊຸດ​ຊັ້ນ​ໃນ​ຂອງ​ເຈົ້າ​ໄດ້ຮັບ​ການເຮັດ​ຄວາມ​ສະ​ອາດ​ຢ່າງ​ທົ່ວ​ເຖິງ​ແລະ​ບໍ່​ຕ້ອງ​ນຳ​ມາ​ຊັກ​ ອີກ​ເທື່ອ.​

• ເຈົ້າ​ບໍ່​ຄວນ​ໃຊ້​ສານ​ຟອກ​ຂາວ​ໃນ​ການ​ຊັກ​ຊຸດ​ຊັ້ນ​ໃນ​ສີ​ຂາວ​ ສານ​ຟອກ​ຂາວ​ມີ​ລິດ​ກັດສູງ​ຊຶ່ງ​ສາມາດ​ເຮັດໃຫ້​ການ​ຢືດ​ຢຸ່ນ​ຂອງ​ໃຍ​ຜ້າ​ເສຍ​ແລະ​ເຮັດ​ໃຫ້​ຊຸດ​ຊັ້ນ​ໃນ​ຂອງ​ເຈົ້າ​ເຊື່ອມ​ສະພາບ​ ທີ່​ສຳຄັນ​ສານ​ຟອກ​ຂາວ​ຍັງ​ສາມາດ​ເຮັດໃຫ້​ຊຸດ​ຊັ້ນ​ໃນ​ສີ​ຂາວ​ກາຍ​ເປັນ​ສີ​ເຫຼືອງ​ໄດ້​ອີກ​ດ້ວຍ​.

• ການ​ຊັກ​ຊຸດ​ຊັ້ນ​ໂດຍ​ການ​ຊັກ​ມື​ ເຈົ້າ​ບໍ່​ຄວນ​ໃຊ້​ແປງ​ຊັກ​ຜ້າ​ຂັດ​ຊຸດ​ຊັ້ນ​ໃນ​ ໂດຍ​ສະ ເພາະ​ຊຸດ​ຊັ້ນ​ໃນ​​ຜູ້​ຊາຍ​ຫລື​ຊຸດ​ຊັ້ນ​ໃນ​ທີ່​ເຮັດ​ຈາກ​ຜ້າ​ຄັດ​ຕ໋ອນ​ຫລື​ຜ້າ​ໄຫມ​ ເພາະ​ຈະ​ເຮັດໃຫ້​ຜ້າ​ເປັນ​ຂຸຍ​ແລະ​ເຊື່ອມ​ຄຸນນະພາບ​ ​ຄວນ​ໃຊ້ຊັກ​ມີເບົາ​ໆ​ໃນ​ການ​ຊັກ​ເຮັດ​ຄວາມ​ສະ​ອາດ​ແລະ​ຄວນ​ຊັກ​ດ້ວຍ​ນ້ຳ​ເຢັນ.​

• ລ້າງ​ຊຸດ​ຊັ້ນ​ໃນ​ດ້ວຍ​ນ້ຳ​ສະ​ອາດ​ 2-3 ນ້ຳ​ ເພື່ອ​ບໍ່​ໃຫ້​ສິ່ງ​ຕົກ​ຄ້າງ​ຢູ່​ເທິງ​ຊຸດ​ຊັ້ນ​ໃນ​ຊຶ່ງ​ເປັນ​ສາ​ເຫດ​ເຮັດໃຫ້​ເກີດ​ກິ່ນ​ທີ່​ບໍ່​ພຶງ​ປະສົງ​ແລະ​ປ້ອງ​ກັນ​ການ​ເກີດ​ເຊື້ອ​ລາ.​

• ໃນ​ການ​ບິດ​ແຫ້ງ​ນັ້ນ​ຫາກ​ເປັນ​ເສື້ອ​ຊັ້ນ​ໃນ​​ບໍ່​ຄວນ​ໃຊ້​ມື​ບິດ​ແຮງ​ໆ​ ແຕ່​ຄວນ​ບີບ​ນ້ຳ​ອອກຈາກ​ເສື້ອ​ຊັ້ນ​ໃນ​ໃຫ້​ໄດ້​ຫລາຍ​ທີ່ສຸດ​ເພື່ອ​ຫຼີກ​ລ້ຽງ​ບໍ່​ໃຫ້​ໂຄງ​ ເສື້ອ​ຊັ້ນ​ໃນ​ເສຍ.​

• ໃນ​ກໍລະນີ​ທີ່​ຕ້ອງ​ການ​ຊັກ​ຊຸດ​ຊັ້ນ​ໃນ​ດ້ວຍ​ເຄື່ອງ​ຊັກ​ຜ້າ​ ​ຄວນ​ຕິດ​​ຂໍ​ເສື້ອ​ຊັ້ນ​ໃນ​ເຂົ້າ​ນຳກັນ​ກ່ອນ​ ເພື່ອ​ປ້ອງ​ກັນ​ບໍ່​ໃຫ້​​ຂໍ​ເສື້ອ​ໄປ​ກ່ຽວກັບ​ຜ້າ​.

• ໃສ່​ຊຸດ​ຊັ້ນ​ໃນ​ໄວ້​ໃນ​ຖົງ​ຖະນ​ອມ​ຜ້າ​ສຳລັບ​ເສື້ອ​ຊັ້ນ​ໃນ​ກ່ອນ​ນຳ​ໄປ​ຊັກ​ເຄື່ອງ.​

• ຕັ້ງ​ໂປຼຣ​ແກຣມ​ການ​ຊັກ​ໃຫ້​ຢູ່​ທີ່​ການ​ຊັກ​ຜ້າ​ລະອຽດ​ (Delicate Wash) ເພື່ອ​ຊ່ວຍ​ຮັກສາ​ຄຸນນະພາບ​ຂອງ​​ຜ້າ​ແລະ​ຊ່ວຍ​ປ້ອງ​ກັນ​ບໍ່​ໃຫ້​ສີ​ຂາວ​ໝອງ​ລົງ.​

• ໃສ່​ນ້ຳ​ຢາ​ປັບ​ຜ້າ​ນຸ່ມ​ທຸກ​ເທື່ອ​ຫຼັງ​ຊັກ​ ເພື່ອ​ຊ່ວຍ​ເພີ່ມ​ຄວາມ​ນຸ່ມ​ໃຫ້​ຊຸດ​ຊັ້ນ​ໃນ​ແລະ​ມອບ​ຄວາມ​ສະບາຍ​ເມື່ອໃສ່.​

• ເມື່ອກຂະ​ບວນ​ການ​ຊັກ​ສຳເລັດ​ສິ້ນ​ ນຳ​ຍົກ​ຊົງ​ມາ​ສະ​ບັດ​ນ້ຳ​ອອກ​ເບົາ​ໆ​ແລະ​ຈັດ​ຊົງ​ໃຫ້​ເຂົ້າ​ຮູບ​ກ່ອນ​ນຳ​ໄປ​ຕາກ.​

ການ​ຕາກ​ຊຸດ​ຊັ້ນ​ໃນ​

ຄວນ​ຕາກ​ຊຸດ​ຊັ້ນ​ໃນ​ໄວ້​ໃນ​ທີ່​ຮົ່ມ​ຫລື​ສະຖານ​ທີ່​ທີ່​ມີ​ແດດ​ອ່ອນ​ໆ​ ມີລົມແລະ​ມີ​ອາ​ກາດ​ຖ່າຍ​ເທ​ໄດ້​ສະ​ດວກ​ ເພື່ອ​ຊ່ວຍ​ປ້ອງ​ກັນ​ກິ່ນ​ອັບ​ຊື້ນ​ແລະ​ຊ່ວຍ​ເພີ່ມ​ຄວາມ​ສົດ​ຊື່ນ​ໃຫ້​ກັບ​ຊຸດ​ຊັ້ນ​ໃນ​ຂອງ​ເຈົ້າ​ ທັງ​ນີ້​ເຈົ້າ​ບໍ່​ຄວນ​ຕາກ​ຊຸດ​ຊັ້ນ​ໃນ​ກັບ​ແສງ​ແດດ​ຈ້າ​ເພາະ​ອາດ​ເຮັດໃຫ້​ຊຸດ​ຊັ້ນ​ໃນ​ສີ​ຂາວ​ຂອງ​ເຈົ້າ​ກາຍ​ເປັນ​ສີ​ເຫຼືອງ​ໄດ້.​

ວິທີ​ຕາກ​ເສື້ອ​ຊັ້ນ​ໃນ​ທີ່​ຖືກ​ຕ້ອງ​ນັ້ນ​ເຈົ້າ​ຄວນ​ແກະ​​ຂໍ​ເສື້ອ​ຊັ້ນ​ໃນ​ອອກ​ກ່ອນ​ແລ້ວ​ ເ​ເຂວນ​ເສື້ອ​ຊັ້ນ​ໃນ​ໄວ້​ກັບ​ໄມ້​ແຂວນ​ເສື້ອ​ໃຫ້​ສາຍ​ເສື້ອ​ຊັ້ນ​ໃນ​ບາ​ລານ​ກັນ​ທັງ​ສອງ​ຂ້າງ​ຫລື​ສາມາດ​ເຮັດ​ວິທີ​ດຽວ​ກັນ​ນີ້​ດ້ວຍ​ການ​ຕາກ​ເທິງ​ຮ້າວ​ຕາກຜ້າ​ກັບ​ໄມ້​ໜີບ​ຜ້າ.​

ພຽງ​ເ​ເຕ່​ເຈົ້າ​ເຮັດ​ຕາມ​ຂັ້ນ​ຕອນ​ເຫຼົ່າ​ນີ້​ ຮັບຮອງ​ວ່າ​ຊຸດ​ຊັ້ນ​ໃນ​ສີ​ຂາວ​ຂອງ​ເຈົ້າ​ນັ້ນ​ຈະ​ຂາວ​ເໝືອນ​ໃໝ່​ທຸກ​ເທື່ອ​ທີ່​ຊັກ​ແລະ​ຊ່ວຍ​ຄົງ​ຄຸນນະພາບ​ຊຸດ​ຊັ້ນ​ໃນ​ຂອງ​ເຈົ້າ​ໃຫ້​ຢູ່​ຄູ່​ກັບ​ເຈົ້າ​ໄປ​ໄດ້​ດົນ​ໆ​!

=====================================================================================================