ເຄັດ​ລັບ​ກິນ​ຫຍັງ​ກ່ອນ​ເສັງ ຫ້າມ​ກິນ​ຫຍັງ​ກ່ອນເສັງ​

ອາຫານ​ມື້​ກ່ອນ​ເສັງ​ນັ້ນ​ເປັນ​ມື້​ທີ່​ສຳຄັນ​ຫລາຍ​ໆ​ເລີຍເພາະ​ຈະ​ຊ່ວຍ​ໃຫ້​ເຮົາ​ກຽມ​ພ້ອມ​ໄດ້​ທັງ​ຮ່າງກາຍ​ແລະ​ສະຫມອງ​ຂອງ​ເຮົາ​ດ້ວຍ​ແລະ​ກໍ​ມີ​ອາຫານ​ບາງຢ່າງ​ທີ່​ເຮົາ​ບໍ່​ຄວນກິນ​ໃນ​ມື້​ສອບເສັງ​ ມີ​ຫຍັງ​ດ້ວຍ​ເຮົາ​ໄປ​ເບິ່ງ​ກັນ​.

ກິນ​ຫຍັງ​ກ່ອນ​ສອບເສັງ​

ກິນ​ຫຍັງ​ກ່ອນ​ສອບເສັງ​ 1. ອາຫານ​ຈຳ​ພວກ​ໂປຼຣ​ຕິນ​
ອາຫານ​ຈຳ​ພວກ​ໂປຼຣ​ຕິນ​ຈະ​ເຮັດໃຫ້​ສະຫມອງ​ຕື່ນ​ຕົວ​ເຊັ່ນ​ ໄຂ່,​ ຖັ່ວ,​ ໂຍ​ເ​ກຮິດ​, ຊີສ, ຊີ​ຮຽນ,​ ນົມ​ໂລ​ແຟດ​, ໂອດ​ມີນ,​ ປາ​ ເມັດ​ທານ​ຕະເວັນ​ ເປັນ​ຕົ້ນ.​

ກິນ​ຫຍັງ​ກ່ອນ​ສອບເສັງ​  2. ຜັກ​ຫມາກໄມ້​
ຜັກ​ຫມາກໄມ້​ທີ່​ຊ່ວຍ​ຄວາມ​ຈຳ​ແລະ​ເຮັດໃຫ້​ສະຫມອງ​ແລ່ນ​ເຊັ່ນ​ ແຄນ​ຕາ​ລູກ,​ ໝາກກ້ຽງ, ສະຕໍເບີຮີ, ບູ​ເບີ​ຮີ,​ ກ້ວຍ,​ ກາລົດ,​ ຜັກ​ໂຂມ,​ ບັອກ​ໂຄ​ລີ່​, ແອດ​ພາ​ລາ​ກັດ.

ກິນ​ຫຍັງ​ກ່ອນ​ສອບ​ເສັງ  3. ນ້ຳ​
ຫາກ​ເຮົາ​ຂາດ​ນ້ຳ​ ຈະ​ເຮັດໃຫ້​ເຮົາ​ຂາດ​ສະ​ມາ​ທິ​ ຮູ້ສຶກ​ລ້າ​ ຂາດ​ພະລັງ​ ຢ່າ​ຖ້າ​ໃຫ້​ກະ​ຫາຍ​ຄ່ອຍ​ດື່ມ​ນ້ຳ​ ເພາະ​ເມື່ອ​ຫິວ​ນ້ຳ​ໝາຍ​ຄວາມ​ວ່າ​ຮ່າງກາຍ​ເຮົາ​ໄດ້​ຂາດ​ນ້ຳ​ໄປລ່​ວງ​ໜ້າ​ກ່ອນ​ແລ້ວ​ ທັງ​ນີ້​ຊາ​ເປັນ​ເຄື່ອງ​ດື່ມ​ທີ່ພໍໃຊ້​ໄດ້​ຄືກັນ​ ແຕ່​ຕ້ອງ​ບໍ່​ເຕີ່ມ​ນ້ຳ​ຕານ.​

ກິນ​ຫຍັງ​ກ່ອນ​ສອບເສັງ​ 4. ຂອງ​ວ່າງ​ທີ່​ມີປະໂຫຍດ
ເຮົາ​ອາດຈະ​ພົກ​ຂອງ​ວ່າງ​ນ້ອຍ​ໆ​ທີ່​ໃຫ້​ປະໂຫຍດ​ຕໍ່​ຮ່າງກາຍ​ຕິດ​ຕົວ​ໄວ້​ ເຊັ່ນ​ ຖົ່ວ​ອັນ​ມອນ ຫມາກໄມ້​ແຫ້ງ​ທີ່​ບໍ່​ເຕີ່ມ​ນ້ຳ​ຕານ.
ຫ້າມ​ກິນ​ຫຍັງ​ກ່ອນ​ສອບເສັງ

ຫ້າມ​ກິນ​ຫຍັງ​ກ່ອນ​ສອບເສັງ​ 1. ອາຫານ​ປະ​ເພດ​ແປ້ງ​ໆ​ທັງ​ຫຼາຍ​
ເນື່ອງ​ຈາກ​ເປັນ​ອາຫານ​ ທີ່​ຈະ​ໄປ​ຂັດ​ຂວາງ​ການ​ເຮັດ​ວຽກງານ​ຂອງ​ສະຫມອງ​ ເຊັ່ນ​ ເຂົ້າ​ , ມັນ​, ຄຸ້ກ​ກີ້​, ເຄັກ,​ ມັບ​ຟິນ​ ແລະ​ ພວກ​ທີ່​ນ້ຳ​ຕານ​ສູງ​ ເຊັ່ນ​ ຊັອກ​ໂກ​ແລດ​ ຂອງ​ຫວານ,​ ລູກ​ອົມ​ລູກ​ກວາດ​ແລະ​ໄກ່​ງວງ​ກໍ​ເປັນ​ສິ່ງ​ຕ້ອງ​ຫ້າມ​ເຊັ່ນ​ກັນ​ ເພາະ​ຈະ​ມີ​ L-tryptophan ທີ່​ຈະ​ເຮັດໃຫ້​ເຮົາ​ຢາກນອນ​ໄດ້​ງ່າຍໆ​​ ນອກ​ຈາກ​ນີ້​ອາຫານ​ປະ​ເພດ​ແປ້ງ​ ເຊັ່ນ​ ເຂົ້າ​, ມັນ​​ ອາດຈະ​ຍ່ອຍ​ຍາກ​ ເຮັດໃຫ້​ດຶງ​ອອກ​ຊິ​ເຈນ​ຈາກ​ສະຫມອງ​ມາ​ບາງ​ສ່ວນ​ໃນ​ການ​ຍ່ອຍ​ເຮັດໃຫ້​ສະຫມອງ​ຂອງ​ເຮົາ​ຕື້​ໄດ້​ ຊຶ່ງ​ແທ້ໆ​ແລ້ວ​ ອາຫານ​ປະ​ເພດ​ຄາ​ໂບ​ໄຮ​ເດດ​ ເປັນ​ອາຫານ​ທີ່​ເຮັດໃຫ້​ເຮົາ​ຮູ້ສຶກ​ຜ່ອນ​ຄາຍ​ ເໝາະ​ສຳລັບ​ກິນ​ມື້​ກ່ອນ​ສອບເສັງ​ ແຕ່​ຈຳ​ໄວ້​ວ່າ​ ຕ້ອງ​ບໍ່​ແມ່ນ​ໃນ​ມື້​ສອບເສັງ.​

ຫ້າມ​ກິນ​ຫຍັງ​ກ່ອນ​ສອບເສັງ​ 2. ເຄື່ອງ​ດື່ມ​ທີ່​ປະສົມ​ແອວກໍ​ຮໍ​​
ແທ້ໆ​ກໍ​ຄົງ​ບໍ່​ມີ​ໃຜ​ ຕັ້ງ​ໃຈ​ຈະ​ດື່ມ​ເຄື່ອງ​ດື່ມ​ທີ່​ປະສົມ​ແອວກໍ​ຮໍ​​ໃນ​ມື້​ສອບ​ ແຕ່​ກໍ​ລະ​ມັດ​ລະ​ວັງ​​ແດ່ກໍ​ແລ້ວ​ກັນ​ ນ້ຳ​ຫມາກໄມ້​ຫລື​ເຄື່ອງ​ດື່ມ​ສີ​ງາມ​ທີ່​ເຮົາ​ກຳ​ລັງ​ຈະ​ດື່ມ​ນັ້ນ​ມີ​ແອວ​ກໍ​ຮໍ​​ປະສົມ​ຫລື​ບໍ່​ ເຜີ​ດື່ມ​ເຂົ້າໄປ​ລະ​ກໍ້​ຄົງ​ບໍ່​ຕ້ອງ​ບອກ​ວ່າ​ ມຶນ​ແນ່​ໆ​ ນອກ​ຈາກ​ນີ້​ນ້ຳ​ອັດ​ລົມ​ປະສົມ​ໂຊ​ດາ​ທັງ​ຫຼາຍ​ກໍ​ເປັນ​ສິ່ງ​ທີ່​ຄວນ​ຈະ​ລ້ຽງ​ເຊັ່ນ​ກັນ​ ເພາະ​ມີ​ນ້ຳ​ຕານ​ສູງ​ແຕ່​ຖ້າ​ປົກກະຕິ​ເຮົາ​ດື່ມ​ກາ​ເຟ​ເປັນ​ປະຈຳ​ ກໍ​ໃຫ້​ດື່ມ​ກາ​ເຟ​ແກ້ວ​ນ້ອຍ​ໆ​ຈັກ​ແກ້ວ​ ເພາະ​ການ​ຢຸດ​ດື່ມ​ກະ​ທັນ​ຫັນ​ ອາດຈະ​ເຮັດໃຫ້​ເກີດ​ອາການ​ປວດ​ຫົວ​ (Caffeine Withdrawal) ຂຶ້ນ​ມາ​ໄດ້.​

ຫ້າມ​ກິນ​ຫຍັງ​ກ່ອນ​ສອບ​ເສັງ 3. ອາຫານ​ໜັກ​ໆ​
ກິນ​ອາຫານ​ໃຫ້​ພຽງ​ພໍ​ ແຕ່​ຢ່າ​ໃຫ້​ເຖິງ​ກັບ​ອິ່ມ​ເກີນ​ໄປ​​ ເພາະ​ຖ້າ​ເຮົາກິນ​ອາຫານ​ເຊົ້າ​ຫລື​ອາຫານ​ຕອນທ່ຽງ​ຫລາຍ​ເກີນ​ກ່ອນ​ສອບເສັງ​ ເຮົາ​ຈະ​ຮູ້ສຶກ​ໜັກ​ແລະ​ເຊື່ອງ​ຊຶມ​ ເພາະ​ຮ່າງກາຍ​ເຮົາ​ຈະ​ໄປ​ໂຟ​ກັດ​ກັບ​ລະບົບ​ການ​ຍ່ອຍ​ ແທນ​ທີ່​ຈະ​ຈັດ​ກຽມ​ພະລັງ​ງານ​ໃຫ້​ສະ ຫມອງ​ ຕົວ​ຢ່າງ​ອາຫານ​ເບົາ​ໆ​ກໍ​ເຊັ່ນ​ ສະ​ລັດ​ໄກ່​, ສະ​ລັດ​ໄຂ່,​ ເກົາ​ເຫຼົາ,​ ແຕ່​ກໍ​ຢ່າ​ເບົາ​ໄປ​ ຈຳ​ໄວ້​ວ່າ​ຕ້ອງ​ກິນ​ໃຫ້​ພຽງ​ພໍ​ແຕ່​ກໍ​ຕ້ອງ​ບໍ່​ອິ່ມ​ເກີນ.​

ຫ້າມ​ກິນ​ຫຍັງ​ກ່ອນ​ສອບເສັງ​ 4. ແມ່ນຫຍັງ​ທີ່​ຍັງບໍ່​ເຄີຍ​ກິນ​ມາ​ກ່ອນ​
ແມ່ນຫຍັງ​ທີ່​ຍັງບໍ່​ເຄີຍ​ກິນ​ມາ​ກ່ອນ​ ບໍ່​ຄວນ​ລອງ​ທັງ​ໃນ​ມື້​ກ່ອນ​ສອບເສັງແລະ​ມື້​ສອບ​ເສັງ ເພື່ອ​ຫຼີກ​ລ້ຽງ​ເຫດ​ເຊີ​​ໄພ​ຕ່າງ​ໆ​ທີ່​ຈະ​ເຮັດໃຫ້​ເຮົາ​ໄປ​ສອບ​ເສັງບໍ່​ໄດ້​ ຄວນ​ເລືອກ​ກິນ​ອາ ຫານ​ທີ່​ຮ່າງກາຍ​ເຮົາ​ຄຸ້ນ​ເຄີຍ​ດີ​ທີ່ສຸດ​.

==================================================================================