ເຄັດ​ບໍ່​ລັບ​! ວິທີ​ແກ້ນ​ອນໂ​ກນ​ແບບ​ເຫັນ​ຜົນ​ຊັດເຈນ​ ດ້ວຍ​ 4 ສະ​ຫມຸນ​ໄພ​ ໃກ້​ຕົວ​

 ສຳລັບ​ຄົົນທີ່​ກຳ​ລັງ​ປະ​ສົບ​ບັນຫາ​ການ​ນອນ​ໂກນຫລື​ຄົນ​ອ້ອມ​ຂ້າງ​ບໍ່​ວ່າ​ຈະ​ເປັນ​ ຜົວ​ ເມຍ ນອນ​ໂກນ​ສຽງ​ດັ່ງ​ຈົນ​ຄົນ​ອ້ອມ​ຂ້າງ​ບໍ່​ເປັນ​ອັນ​ຫຼັບ​ອັນ​ນອນ​ ມື້​ນີ້​ເຮົາ​ມີ ​ວິທີ​ແກ້ນ​ອນ​ໂກນ ແບບ​ທຳມະຊາດ​ມາ​ແນະ​ນຳ​ ກ່ອນ​ອື່ນ​ຕ້ອງ​ບອກ​ກ່ອນ​ວ່າ​ການ​ແກ້ນ​ອນໂກນຍັງ​ບໍ່​ມີ​ວິທີ​ການ​ໃດ​ທີ່ຮັກສາ​ໄດ້​ ເຫັນ​ຜົນ​ແບບ​ 100% ແຕ່​ 3 ວິທີ​ທີ່​ຈະ​ນຳ​ມາ​ແນະ​ນຳ​ໃນ​ມື້​ນີ້​ມີຄົນ​ເຄີຍ​ນຳ​ໄປ​ທົດລອງ​ເຮັດ​ເບິ່ງ​ແລ້ວ​ປາກົດ​ວ່າ​ໃຫ້​ຜົນ​ຄ່ອນ​ຂ້າງ​ໜ້າພໍ​ໃຈ​ ອີກ​ຢ່າງ​ວິທີ​ນີ້​ສາ ມາດ​ເຮັດ​ໄດ້​ດ້ວຍ​ຕົວ​ເອງ​ ບໍ່​ມີ​ການ​ລົງ​ທຸນ​ຫຍັງ​ ດັ່ງ​ນັ້ນ​ ຄົງ​ບໍ່​ເສຍ​ຫາຍ​ຫາກ​ເຈົ້າ​ຈະ​ລອງ​ໄປ​ເຮັດ​ຕາມ​ເບິ່ງ​

ຊຶ່ງ​ການ​ປິ່ນປົວພະຍາດ​ນອນ​ໂກນນັ້ນ​ຈຳ​ເປັນ​ຕ້ອງ​ໃຊ້​ສະ​ຫມຸນ​ໄພໃ​ນຄົວເຂົ້າ​ຊ່ວຍ​ ບໍ່​ວ່າ​ຈະ​ເປັນ​

ຫອມ​ແດງ​

ຍິ່ງ​ແກ່​ຍິ່ງ​ດີ​ ກິ່ນ​ສຸນ​ຂອງ​ຫອມ​ຍັງຊ່ວຍ​ໃຫ້​ເກີດ​ຄວາມ​ຊຸ່ມ​ຊື້ນ​ໃນ​ລຳ​ຄໍ​ແລະ​ຊ່ວຍ​ໃຫ້​ລະບົບ​ຫາຍ​ໃຈ​ເຮັດວຽກ​ດີ​ຂຶ້ນ​ ນອກ​ຈາກ​ນັ້ນ​ຍັງມີ​ສັບພະຄຸນ​ແກ້​ຫວັດ​ ຄັດ​ດັງ​ຫຼຸດ​ໄຂ​ມັນ​ອຸດ​ຕັນ​ໃນ​ຫຼອດ​ເລືອດ​ ສາວ​ໆ​ໜຸ່ມ​ໆ​ທີ່​ໄປ​ທ່ຽວ​ຄ້າງ​ຄືນ​ ຈຳ​ເປັນ​ຕ້ອງ​ມີ​ຕິດ​ຕົວ​ຫລື​ຕິດລົດ​ໄປ​ດ້ວຍ​ເພື່ອ​ປິ່ນປົວພະຍາດ​ນອນ​ໂກນ

ພິກ​ຂີ້​ໜູ​

ສານ​ແຄບ​ໄຊ​ຊິນ​ໃນ​ພິກ​ຈະ​ຊ່ວຍ​ຫຼຸດ​ການຫົດ​ຈັງ​ຂອງ​ກ້າມເນື້ອ​ອ້ອມທໍ​ລົມ​ ເຮັດໃຫ້​ຫາຍ​ໃຈ​ໂລ່ງ​ແລະ​ເກີດ​ຄວາມ​ຊຸ່ມ​ຊື້ນ​ໃນ​ລຳ​ຄໍ​ ການ​ນອນໂກນກໍ​ບໍ່​ແມ່ນ​ບັນຫາ​ອີກ​ຕໍ່ໄປ​

ຂິງ​

ຍິ່ງ​ແກ່ຍິ່ງ​ດີ​ ສຳລັບ​ບາງ​ຄົນ​ບໍ່​ມັກ​ກິນ​ຂິງ​ສົດ​ ອາດ​ທຸບ​ໃຫ້​ແຕກ​ ນຳ​ໄປ​ຕົ້ມ​ເອົາ​ນ້ຳ​ດື່ມ​ ຈະ​ຊ່ວຍ​ໃຫ້​ລະບົບ​ທາງເດີນ​ຫາຍ​ໃຈ​ເຮັດວຽກ​ສະ​ດວກ​ຂຶ້ນ​ ພ້ອມ​ໃຫ້​ຄວາມ​ສົດ​ຊື່ນ​ດ້ວຍ​ ສຸດ​ທ້າຍ​

ໃບ​ແມງ​ລັກ​

ມີ​ລິດ​ໃນ​ການ​ແກ້​ຫວັດ​ແລະ​ພະຍາດ​ຫລອດລົມ​ອັກ​ເສບ​ ຈຶ່ງ​ຊ່ວຍ​ໃຫ້​ລະບົບ​ຫາຍ​ໃຈ​ເຮັດວຽກ​ດີ​ຂຶ້ນ​

ວິທີ​ປຸງ​

ຫອມ​ແດງ​ປອກ​ເປືອກ​ 4-5 ຫົວ​ລ້າງ​ນ້ຳ​ໃຫ້​ສະ​ອາດ​ ທຸບໜ້ອຍໜຶ່ງ
ພິກ​ຂີ້​ໜູ​ລ້າງ​ນ້ຳ​ສະ​ອາດ​ 5-7 ເມັດ​ ທຸບ​ພໍແຕກ
ຂິງ​ຍາວ​ຈັກ 10 ຊ.​ມ​ ທຸບ​ພໍ​ແຕກ​
ໃບ​ແມງ​ລັກ​ 1 ກຳ​ມື​
ທັງ​ໝົດ​ໃສ່​ໝໍ້​ ໃສ່​ນ້ຳ​ພໍປະະ​ມານ​ທ່ວມ​ຫຼັງ​ມື​ ຖ້າຈົນເດືອດ​ແລ້ວຍົກ​ລົງ​ ດື່ມ​ອຸ່ນ​ໆ​ ດື່ມ​ກ່ອນ​ນອນ​ທຸກ​ມື້​ ໂກນເບົາ​ລົງ​ເຖິງ​ຂັ້ນເຊົາໂກນ