ເຄັດລັບໄລ່ແມງວັນບໍ່ໃຫ້ຕອມອາຫານຕາກແດດ

    ຫຼາຍ​ຄົນ​ທີ່​ເຮັດ​ອາ­ຫານ​ແຫ້ງ​ປະ­ເພດ​ຊີ້ນ​ສັດຕ່າງໆ​ທີ່​ຈຳ­ເປັນ​ຕ້ອງ​ນຳ​ອາ­ຫານ​ສົດ​ມາ​ຕາກແດດ​ມັກ​ຈະ​ພົບ​ກັບ​ບັນ­ຫາ​ແມ­ງວັນ​ມາ​ຕອມ​ອາຫານ ແລະ ອາດ​ໄຂ່​ໄວ້​ຈົນ​ເຮັດ​ໃຫ້​ອາ­ຫານ​ເສຍ​ຫາຍເກີດ​ໜອນ​ໄດ້ແຕ່​ມື້­ນີ້​ເຮົາ​ ຂໍ​ນຳ​ສະ­ເໜີ​ເຄັດ​ລັບ​ໃນການ​ໄລ່​ແມ­ງວັນ​ບໍ່​ໃຫ້​ມາ​ຕອມ​ອາ­ຫານ​ເຫຼົ່າ​ນີ້ ແລະ​ ບໍ່​ຕ້ອງ​ເຮັດ​ໃຫ້​ເປັນ​ກັງ­ວົນ​ໃນ​ເລື່ອງ​ຄວາມສະ­ອາດ​ຂອງ​ອາ­ຫານ​ຕາກ​ແຫ້ງ​ ອີກ​ຕໍ່​ໄປເພາະ​ວິທີ​ນີ້​ເປັນ​ວິ­ທີ​ງ່າຍໆ ແລະ ​ບໍ່​ເພິ່ງ​ສານ​ເຄ​ມີ​ໃດໆ.

    ງ່າຍໆ​ພຽງ​ແຕ່​ມີ​ໝາກ­ເຜັດ​ແຫ້ງ​ກໍ​ສາ­ມາດ​ໄລ່ແມ­ງວັນ​ໃຫ້​ຫ່າງ​ໄກ​ຈາກ​ ອາ­ຫານ​ທີ່​ຕາກ​ໄວ້​ໄດ້ແລ້ວ ວິ­ທີ​ການ​ກໍ​ຄື​ໃຫ້​ເອົາ​ໝາກ­ເຜັດ​ແຫ້ງ 5–6 ໜ່ວຍ​ມາ​ສຽບ​ໄມ້ ຫຼື ຕາມ​ຄວາມ​ຕ້ອງ­ການ​ນຳໄປ​ປັກ​ໃຫ້​ຮອບໆ​ບໍ­ລິ­ເວນ​ກະ­ດົ້ງ ຫຼື ອຸ­ປະ­ກອນ​ທີ່ໃຊ້​ຕາກ ຫຼື ນຳ​ມາ​ປະ​ໄວ້​ຮອບໆຈາກ​ນັ້ນ​ກໍ​ນຳ­ໄປຕາກ​ແຫ້ງ​ຕາມ​ປົກ­ກະ­ຕິເພາະ​ອາຍ​ຮ້ອນ​ ທີ່​ເກີດຈາກ​ໝາກ­ເຜັດ​ຈະ​ຊ່ວຍ​ໄລ່​ແມ­ງວັນ​ບໍ່​ໃຫ້​ມາ​ຕອມອາ­ຫານ​ທີ່​ເຮົາ​ ຕ້ອງ­ການ​ຕາກ​ແຫ້ງ​ໄດ້ພຽງ​ເທົ່າ​ນີ້​ເຮົາ​ກໍ​ຈະ​ໄດ້​ອາ­ຫານ​ຕາກ​ແຫ້ງ​ທີ່​ ສະ­ອາດ, ແຊບ ແລະ​ປອດ​ໄພ​ຈາກ​ໄຂ່​ແມ­ງວັນ​ອີກ​ດ້ວຍ.

ທີ່ມາ  http://www.sedthakid.la