ເຄັດລັບໃນການກະຕຸ້ນລະບົບເຜົາຜານໃນຮ່າງກາຍ

ໃນຮ່າງກາຍຂອງຄົນເຮົາຈະມີລະບົບເຜົາຜານພາຍໃນໂຕ ເຊິ່ງຮ່າງກາຍຂອງແຕ່ລະຄົນ ກໍຈະມີການເຜົາຜານໄຂມັນທີ່ແຕກຕ່າງກັນ. ສະນັ້ນ, ມື້ນີ້ເຮົາມີເຄັດລັບໃນການກະຕຸ້ນລະບົບເຜົາຜານໃຫ້ເຮັດວຽກໄດ້ດີ ແລະ ໄວຂຶ້ນມາຝາກ ນຳມາພ້ອມກັນເລີຍໆໆ.

ເສີມສ້າງກ້າມຊີ້ນ: ຖ້າຕ້ອງການເຜົາຜານແຄໂຣລີໃຫ້ໄວທີ່ສຸດກໍ່ຕ້ອງອອກກໍາລັງກາຍຢ່າງນ້ອຍອາດຈະຍ່າງ 30 ນາທີ ຫຼື 1 ຊົ່ວໂມງ ແລ່ນ ຫຼື ເຕັ້ນແອໂລບິດອາທິດລະ 3 ຄັ້ງ ບໍ່ວ່າຈະອອກກໍາລັງກາຍແບບໃດກໍ່ສາມາດທີ່ຈະຊ່ວຍໃຫ້ຫົວໃຈໄດ້ເຕັ້ນແຮງເຕັມທີ່ 210 ຄັ້ງຕໍ່ນາທີ. ຍິ່ງຮ່າງກາຍຂາດສານອາຫານກ້າມຊີ້ນກໍ່ຈະຊ້າໃນການເຜົາຜານ ແລະ ໜ້ອຍລົງທາງທີ່ດີກິນມື້ລະນ້ອຍໆໃນ 3-4 ຄາບຍັງດີກວ່າອົດອາຫານໄປເລີຍ.

ງົດນໍ້າຕານ: ເຫດຜົນງ່າຍໆກໍ່ຄືນໍ້າຕານທີ່ເຫຼືອໃຊ້ແລ້ວຮ່າງກາຍຈະປ່ຽນສະພາບເປັນໄຂມັນ ເພາະສະນັ້ນຄວນຫຼຸດນໍ້າຕານລົງຈະຊ່ວຍຫຼຸດໄຂມັນໄປໃນຕົວເຊັ່ນກັນ.

ກິນອາຫານເຊົ້າ: ເປັນຄວາມຈິງທີ່ຄົນເຮົາຈະຕ້ອງກິນອາຫານເຊົ້າທີ່ມີປະໂຫຍດ ເຊິ່ງຈະມີຫຸ່ນດີກວ່າຄົນທີ່ອົດເຂົ້າເຊົ້າ ແລະ ອາຫານເຊົ້າຍັງເຮັດໃຫ້ລະດັບເມຕານບໍລິຊຶມໃນມື້ນັ້ນເພິ່ມເປັນ 2 ເທົ່າ.

ອາຫານປະເພດເຜັດຮ້ອນ ຫຼື ລົດຊາດຈັດ: ກໍ່ສາມາດທີ່ຈະຊ່ວຍເລັ່ງການເຜົາຜານໃນຮ່າງກາຍຈາກພາຍໃນໃຫ້ໄວຂຶ້ນໄປອີກ.

ດື່ມຊາຂຽວ: ເຊິ່ງເປັນເຄື່ອງດຶ່ມທີ່ຊ່ວຍເລັ່ງເມຕານບໍລິຊຶມໄດ້ດີ ແລະ ປອດໄພກວ່າການດື່ມກາເຟແຖມຍັງມີຄຸນປະໂຫຍດອີກດ້ວຍ.

ດື່ມນໍ້າຫຼາຍໆ: ຈະຊ່ວຍຂັບສານພິດຫຼັງຈາກທີ່ຮ່າງກາຍໄດ້ມີການເຜົາຜານພະລັງງານ ນໍ້າເຢັນໆຍັງຊ່ວຍກະຕຸ້ນໃຫ້ເມຕານບໍລິຊຶມເຮັດວຽກໄດ້ດີຂຶ້ນ.

ຢ່າຄຽດ: ເພາະຄວາມຄຽດຈະເຮັດໃຫ້ເຮົາຕຸ້ຍຂຶ້ນແບບບໍ່ຮູ້ໂຕ ເພາະຮໍໂມນຄໍດີເຈນຈະໄປເຮັດໃຫ້ອັດຕາຂອງເມຕານຊ້າລົງ.

ການນອນຫຼັບໃຫ້ພຽງພໍ: ຄວາມລັບທີ່ຫາຈະຄົ້ນພົບກໍ່ຄືກ້າມຊີ້ນໃນຮ່າງກາຍເຮົາຈະເຮັດວຽກໃນການເຜົາຜານແຄໂຣລີໄດ້ດີທີ່ສຸດໃນຊົ່ວໂມງຫຼັງຈາກທີ່ເຮົານອນຫຼັບສະນິດເຕັມທີ່ນັ້ນເອງ.