ເຄັດລັບແຕ່ງຫນ້າສູດປະຢັດງົບ

 

ສະບາຍດີເພື່ອນໆ ມື້ນີຈະມາຂໍເລົ່າຕໍ່ຈາກສູດປະຢັດໃນການແຕ່ງໜ້າ. ເຊິ່ງເທື່ອນີ້ຈະມາບອກວິທີການບຳລຸງແບບຫາໄດ້ງ່າຍ ເຮັດໄດ້ດ້ວຍໂຕເອງ (ເຊິ່ງຂ້າພະເຈົ້າກໍ່ໄດ້ນຳໃຊ້ມາບາງອັນແລ້ວ). ສູດເຄັດລັບນີ້ຫາໄດ້ຈາກເຮືອນຄົວຂອງໂຕເອງ ແລະ ດັດແປງມາຈາກສິ່ງທີ່ເຮົາມີຢູ່ແລ້ວ. ເຮົາມາເບິ່ງກັນເລີຍ ວ່າມັນມີຫຍັງແນ່

ນ້ຳສົ້ມສາຍຊູ ຊ່ວຍຮັກສາສົມດຸມຂອງ PH (ຫຍໍ້ມາຈາກ Potential of Hydrogen ion ເປັນຄ່າທີ່ສະແດງຄວາມເປັນກົດ ຂອງສານເຄມີຈາກປະຕິກິລິຍາຂອງໄຮໂດຣເຈນ H+) ໃນຜິວໄດ້ໂດຍຕື່ມນ້ຳສົ້ມສາຍຊູໃສ່ນ້ຳອຸ່ນໜ້ອຍນຶ່ງແລ້ວນຳໄປລ້າງຫນ້າແລ້ວປ່ອຍໄວ້ໃຫ້ແຫ້ງ.

ບຳລຸງສີຜົມໃຫ້ຍັງຄົງສີງາມຢູ່ສະເຫມີ  ຫລັງຈາກສະຜົມ ແລະບຳລຸງແລ້ວປະສົມນ້ຳຫມາກນາວ 2-3 ບ່ວງກາເຟໃນນ້ຳທີ່ໃຊ້ລ້າງຜົມ ນ້ຳຫມາກນາວຊ່ວຍເຮັດໃຫ້ສີຜົມຍັງຄົງງາມສົດຢູ່.

ກາກກາເຟ ຫາກຢູ່ບ່ອນເຮັດວຽກຂອງທ່ານມີເຄື່ອງເຮັດກາເຟ ໃຫ້ເອົາກາກກາເຟທຸກມື້ ກັບມາບ້ານ ແລ້ວປະສົມກັບນ່ຳມັນຫມາກພ້າວ ຫຼື ໂຍເກິດເພື່ອໃຊ້ຂັດຜິວກາຍໃຫ້ນຸ້ມຂຶ້ນໄດ້.

Mask ນົມສົດ ເທຜົງເຈລາຕິນທີ່ບໍ່ໄດ້ແຕ່ງລົດ 1 ບ່ວງແກງລົງໃນຊາມແລ້ວຕາມດ້ວຍນົມສົດ 2-3 ບ່ວງແກງ ຄົນໃຫ້ເຂົ້າກັນແລ້ວອຸ່ນໃນໄມໂຄຣເວບ (Microwave) ປະມານ 15 ວິນາທີ ໃຊ້ແປ້ງແຕ່ງຫນ້າ ທາສ່ວນປະສົມໃຫ້ທົ່ວໃບຫນ້າໂດຍເວັ້ນບໍລິເວນດວງຕາ Mask ຖິ້ມໄວ້ ປະໃຫ້ວຸ້ນຈັບໂຕ ຫລັງຈາກນັ້ນແລ້ວກໍ່ສາມາດລອກອອກໄດ້ເລີຍ.

ສະປາເລັບ ສ່ວນປະສົມມີພຽງຜົງເຈລາຕິນ (ຜົງທີ່ເອົາມາເຮັດວຸ້ນ) 1 – 2 ຊອງ ກັບນ້ຳ 1 ຖ້ວຍ ໂດຍປະສົມຜົງເຈລາຕິນກັບນ້ຳແລ້ວຕົ້ມໃຫ້ຟົົດ ຄົນໃຫ້ມັນລະລາຍ ຫຼັງຈາກນັ້ນປ່ອຍໄວ້ໃຫ້ມັນອຸ່ນແລ້ວກໍ່ເທໃສ່ຊາມແລ້ວກໍ່ຈຸ່ມປາຍນິ້ວຂອງທ່ານລົງໄປ, ປ່ອຍໄວ້ປະມານ 2 ນາທີ ຫາກຍັງມີສ່ວນປະສົມເຫຼືອຢູ່ ກໍເກັບໃສ່ກ່ອງແລ້ວນຳໄປແຊ່ໃນຕູ້ເຢັນ ຈະສາມາດເກັບໄວ້ໃຊ້ໄດ້ອີກປະມານ 2 ເດືອນ. ເມື່ອຈະນຳໄປໃຊ້ກໍນຳ ໄປລະລາຍໃນໄມໂຄເວັບ ແລ້ວກໍ່ເຮັດຕາມວິທີ່ເກົ່າ.

ເຮັດຢາທາເລັບຈາກອາຍຊາໂດທີ່ເຫລືອໃຊ້  ເຊື່ອບໍ່ວ່າຢາທາເລັບນັ້ນທ່ານເຮັດເອງກໍໄດ້ຢ່າງງ່າຍໆ ພຽງແຕ່ນຳອາຍຊາໂດເກົ່າໆທີ່ທ່ານມີເຫຼືອຢູ່ມາບົດໃຫ້ເປັນຜົງໃຫ້ຫມຸ່ນລະອຽດ ແລ້ວເທລົງໃສ່ຂວດຢາທາເລັບແບບໃສທີ່ໃຊ້ສຳລັບເຄືອບເລັບ ແລ້ວປະສົມໃຫ້ເຂົ້າກັນ ເຊິ່ງເປັນການນຳເອົາອາຍຊາໂດເຫລືອໃຊ້ມາແປຮູບໃຫ້ເກີດປະໂຫຍດ.

===================================================