ເຄັດລັບຫຸງເຂົ້າແນວໃດບໍ່ໃຫ້ບູດ ແຖມເຂົ້າຍັງຫອມນຸ່ມ ກິນແຊບ!

ແມ່​ບ້ານ​ຄົນ​ໃດ​ທີ່​ມີ​ເລື່ອງ​ກັງ​ວົນ​ໃຈ​ຫລື​ກຸ້ມ​ໃຈ​ໃນ​ເລື່ອງ​ຂອງ​ຫຸງ​ເຂົ້າ​ບໍ່​ເທົ່າໃດ​ເຂົ້າ​ກໍ່​ບູດ​ແລ້ວ​ ຊຶ່ງ​ຫຼາຍ​ຄົນ​ນັ້ນ​ຄິດວ່າ​ການ​ທີ່​ເຮົາ​ເຄີຍ​ຖິ້ມ​ເຂົ້າ​ໃຫ້​ບູດ​ຄາ​ໝໍ້​ເທື່ອ​ໜຶ່ງ​ແລ້ວ​ ເທື່ອ​ຕໍ່ໄປ​ເຂົ້າ​ທີ່​ເຈົ້າ​ນັ້ນ​ຫຸງ​ອີກ​ກໍ່​ຢູ່​ໄດ້​ບໍ່​ດົນ​ແລ້ວ​ຈະ​ບູດ​ອີກ.
ຊຶ່ງ​ຄວາມ​ຄິດ​ນີ້​ເປັນ​ຄວາມ​ຈີງແລະ​ເຫດ​ທີ່​ເປັນ​ແບບ​ນັ້ນ​ເພາະ​ມີ​ເຊື້ອ​ປໍ້​ຂອງ​ຈຸລິນຊີ​ທີ່​ເຮັດໃຫ້​ອາຫານ​ບູດ​ເສຍ​ ຕົກ​ຄ້າງ​ຢູ່ໃນ​ໝໍ້​ຫຸງ​ເຂົ້າ​ ເຖິງວ່າ​ເຮົາ​ນຳ​ໝໍ້​ມາ​ລ້າງ​ດ້ວຍ​ນ້ຳ​ຢາ​ດ້ວຍສູດ​ຂ້າ​ເຊື້ອ​ຈຸລິນຊີ​ເປັນ​ຢ່າງ​ດີ​ແລ້ວ​ກໍ່​ຕາມ​ ເຊື້ອ​ຈຸລິນຊີ​ເຫຼົ່າ​ນີ້​ກໍ່​ຖືກ​ກຳຈັດ​ອອກ​ໄປ​ບໍ່​ໝົດ​ ແລະ​ມື້​ນີ້​ຜູ້​ຂຽນ​ມີ​ເຄັດ​ລັບ​ຫຸງ​ເຂົ້າ​ແນວໃດບໍ່​ໃຫ້​ບູດ​ ມາ​ຝາກ​ກັນ.
ວິທີ​ທີ່​ 1 ໃສ່​ນ້ຳ​ສົ້ມ​ສາຍ​ຊູ​ລົງ​ໄປ​ 1 ບ່ວງຊາ​ ແລ້ວ​ກົດ​ຫຸງ​ຕາມ​ປົກກະຕິ​ ທີ່​ທົດລອງ​ກໍ່​ຫຸງ​ເຂົ້າ​ 2 ຖ້ວຍ​ ລົດ​ຊາດ​ກໍ່ບໍ່​ມີ​ຫຍັງ​ແປກ​ໄປ​ບໍ່​ມີລົດ​ສົ້ມ​ ເຂົ້າ​ຈະ​ຢູ່ໃນ​ອຸນຫະພູມ​ຫ້ອງ​ໄດ້​ 4-5 ມື້​ ໂດຍ​ທີ່​ບໍ່​ມີກິ່ນ​ ບໍ່​ຊຸ່ມບໍ່​ບູດ.​
ວິທີ​ທີ່​ 2 ນຳ​ໝໍ້​ທີ່​ບູດ​ໃສ່​ເກືອ​ທີ່​ຢູ່ໃນ​ຄົວ ນຳ​ມາ​ໃສ່​ໃນ​ໝໍ້​ປະສົມ​ນ້ຳ​ແລ້ວ​ປະໄວ້​ປະ​ມານ​ 1-2 ຊົ່ວໂມງ ​ສຳເລັດ​ແລ້ວ​ ແລ້ວ​ລ້າງ​ໝໍ້​ໃຫ້​ສະ​ອາດ​ ນຳ​ໄປ​ຫຸງ​ຄືເກົ່າ​ ເທື່ອ​ຕໍ່ໄປຈະ​ລ້າງ​ໝໍ້​ໃສ່​ເກືອ​ປະສົມ​ກັບ​ນ້ຳ​ລ້າງ​ຕາມ​ປົກກະຕິ​ ປະ​ມານ​ 2-3 ເທື່ອ​ ໝໍ້​ທີ່​ບູດ​ກໍ່​ຈະ​ຫາຍ​ບູດ​.
ວິທີ​ທີ່​ 3 ໃຫ້​ທຳຄວາມ​ສະ​ອາດ​ໝໍ້​ຫຸງ​ເຂົ້າ​ດ້ວຍ​ນ້ຳ​ຢາ​ລ້າງ​ຖ້ວຍແລະ​ນ້ຳ​ສະ​ອາດ​ຕາມ​ວິທີ​ປົກ​ກະຕິກ​ກ່ອນ​ 1 ເທື່ອ​ ຈາກ​ນັ້ນ​ຕື່ມ​ນ້ຳ​ລົງ​ໃນ​ໝໍ້​ຫຸງ​ເຂົ້າ​ປະ​ມານ​ 2 ຖ້ວຍ​ຕວງ​ ແລະ​ກົດ​ປຸ່ມ​ Cook ເປັນ​ໄລຍະ​ເວລາ​ດົນ​ 15 ນາ​ທີ​ (ສຳລັບ​ໝໍ້​ຫຸງ​ເຂົ້າ​ຂະໜາດ​ຄົວ​ເຮືອນ​) ຈະ​ສາ​ມານ​ຊ່ວຍ​ທຳລາຍ​ເຊື້ອ​ຈຸ ລິນຊີ​ທີ່ຕົ​ກ​ຄ້າງ​ຢູ່​ໄດ້​ແລະ​ຊ່ວຍ​ແກ້​ບັນຫາ​ເຂົ້າ​ບູດ​ເສຍ​ງ່າຍ​ກວ່າປົກກະ​ຕິ.​

ພຽງແຕ່​ແມ່​ບ້ານ​ນັ້ນ​ລອງ​ເຮັດ​ຕາມ​ວິທີ​ຫຸງ​ເຂົ້າ​ແນວໃດ​ບໍ່​ໃຫ້​ບູດ​ທີ່​ຜູ້​ຂຽນ​ນຳ​ມາ​ຝາກ​ຈັກ​ 1 ວິທີ​ ເທົ່າ​ນີ້​ບັນຫາ​ເຂົ້າ​ບູດ​ນັ້ນ​ກໍ່ຈະ​ໝົດ​ໄປ.​

========================================================================================================