ເຄັດລັບລະລາຍນ້ຳແຂງໃນອາຫານ

 

ອາ­ຫານ​ຈຳ­ພວກ​ຊີ້ນ​ສັດແຊ່​ແຂງ, ໝາກ​ໄມ້​ແຊ່​ແຂງ ຫຼື ອາ­ຫານ​ສຳ­ເລັດ​ຮູບ​ແຊ່​ແຂງ​ຕ່າງໆ​ມັກ​ຈະ​ຜ່ານ​ຂະ​ບວນ​ການ​ຂົນ­ສົ່ງ ທີ່​ເກັບ​ຄວາມ​ເຢັນ​ຢ່າງ​ດີ ເພື່ອ​ປ້ອງກັນ​ການ​ຈະ­ເລີນ​ເຕີບ​ໂຕ​ຂອງ​ເຊື້ອ ພະ­ຍາດ ດັ່ງ­ນັ້ນ​ເມື່ອ​ນຳ​ມາ​ລະ ລາຍ​ນ້ຳ​ແຂງ​ອອກ​ກໍ​ອາດ​ຈະ​ເຮັດ​ໃຫ້​ເຊື້ອ​ພະ­ຍາດ​ເຕີບ​ໂຕ​ທີ່​ຜິວ​ນອກ​ຂອງ​ອາ­ຫານ​ໄດ້ ດັ່ງ­ນັ້ນ​ຈິ່ງ​ຕ້ອງ​ເລືອກ​ວິ­ທີ​ລະ­ລາຍ​ນ້ຳ​ແຂງ​ທີ່​ປອດ​ໄພ​ດັ່ງ­ນີ້:

- ນຳ​ເອົາ​ອາ­ຫານ​ທີ່​ແຊ່​ແຂງ​ນັ້ນ​ມາ​ລະ­ລາຍ​ໃນ​ຕູ້­ເຢັນ​ຊ່ອງ​ທຳ​ມະ​ດາ​ຈົນ​ກວ່າ​ນ້ຳ​ແຂງ​ຈະ​ລະ­ລາຍ​ຄວນ ປະ​ໄວ້​ຊັ້ນ​ລຸ່ມ​ສຸດ ແລະ​ວາງ​ໃນ​ພາ­ຊະ­ນະ​ເພື່ອ​ບໍ່​ໃຫ້​ນ້ຳ​ທີ່​ລະ­ລາຍ​ເຮ່ຍ​ໃສ່​ອາ­ຫານ​ອື່ນໆ​ໃນ​ຕູ້­ເຢັນ​ວິ­ທີ​ນີ້​ເປັນ​ວິ­ທີ​ທີ່ປອດ​ໄພ​ທີ່​ສຸດ​ແຕ່​ກໍ​ໃຊ້​ເວ­ລາ​ດົນ​ທີ່​ສຸດ.

- ລະ­ລາຍ​ດ້ວຍ​ນ້ຳ​ເຢັນ​ໄຫຼ​ຜ່ານ​ເປີດ​ນ້ຳ​ເຢັນ​ປະ­ມານ 20 ອົງ­ສາ​ເຊ​ໃຫ້​ໄຫຼ​ຜ່ານ​ອາ­ຫານ​ໄປ​ເລື້ອຍໆ​ຈົນ​ກວ່າ​ນ້ຳ​ແຂງ​ຈະ​ລະ­ລາຍ​ເປັນ​ວິ­ທີ​ທີ່​ປອດ​ໄພ​ຮອງ​ລົງ​ມາ​ແຕ່​ຈະ​ເປືອງ​ນ້ຳ​ຫຼາຍ.

- ລະ­ລາຍ​ລະ­ຫວ່າງ​ການ​ປຸງ​ສຸກ ຫຼື ໃຊ້​ໄມ​ໂຄ​ເວັບ​ພຽງ​ນຳ​ອາ­ຫານ​ໄປ​ຜ່ານ​ຄວາມ​ຮ້ອນ ຫຼື ນຳ​ເຂົ້າ​ໄປ​ອຸ່ນ​ໃນ​ໄມ​ໂຄ​ເວັບ​ຈົນ​ກວ່າ​ຈະ​ລະ­ລາຍ​ໃຊ້​ເວ­ລາ​ບໍ່​ດົນ​ແຕ່​ເປັນ​ວິ­ທີ​ທີ່​ປອດ​ໄພ​ໜ້ອຍ​ທີ່​ສຸດ ແລະ​ອາດ​ເຮັດ​ໃຫ້​ຜິວ​ນອກ​ຂອງ​ອາ­ຫານ​ສຸກ​ໄປ​ດ້ວຍ.