ເຄັດລັບ! ວິທີແກ້​ກິ່ນ​​ຕີນ​ເໝັນແບບທໍາມະຊາດ ​ເຫື່ອອອກຫຼາຍຈາກການໃສ່ເກີບແກ້ໄດ້ບໍ່ຍາກ!

 

ບັນຫາຕີນ​ເໝັນເປັນເລື່ອງທີ່ຕ້ອງເບິ່ງແຍງກັນຢ່າງຈິງຈັງແລ້ວ ເພາະຝືນປ່ອຍເອົາໄວ້ບໍ່ຈັດການແລ້ວລະ​ແມ່ນເສຍບຸກຄະລິກແນ່ນອນ ແຖມສົ່ງກິ່ນໃຫ້ຄົນຮອບຂ້າງແຕກຕື່ນອີກດ້ວຍເວລາທີ່ເຮົາຢູ່ຫ້ອງການ ຫຼື ຕອນ​ເດິນ​ທາງ​ຂຶ້ນ​ລົດ​ໂດຍສານ.

  • ?

ສ່ວນໃຫຍ່ຄົນທີ່ມີບັນຫາຕີນເໝັນນັ້ນຈະເກີດຈາກເຫື່ອທີ່ອອກບໍລິເວນຕີນຂອງເຮົາໂດຍສະ​ເພາະຊ່ວງອາກາດຮ້ອນເຫື່ອກໍຈະອອກຫຼາຍເຊັ່ນກັນ ແລະ ຫາກຕ້ອງ​ໃສ່ເກີບທີ່ມິດຊິດຕະຫຼອດວັນເຊັ່ນ ເກີບກິລາ ເກີບຫຸ້ມສົ້ນ ຫຼື ເກີບ​ໄປວຽກຕ່າງໆແລ້ວ ຍິ່ງບໍ່ໄດ້ລະບາຍກໍຍິ່ງ​ເໝັນອັບ​ແຮງ​ເລີຍ.​

  •  

ຍິ່ງຫາກຕ້ອງສວມ​ໃສ່ເກີບທີ່ປົກປິດມິດຊິດເປັນປະຈໍາໝົດ​ມື້ແລ້ວ ເມື່ອກັບມາຮອດ​ເຮືອນລ້າງຕີນໃຫ້ສະອາດ ແຊ່ຕີນໃນນ້ຳອຸ່ນຈັກປະມານ 15-20 ນາທີແລ້ວ ໃຊ້ແປງປະສົມ​ສະບູຂັດເອົາສິ່ງສົກກະປົກອອກລ້າງນ້ຳອອກໃຫ້ສະອາດ ແລະ ທີ່ສໍາຄັນຢ່າລືມເຊັດໃຫ້ແຫ້ງທຸກຊອກທຸກມຸມນຳ​ເດີ້ບໍ່​ແນວນັ້ນທີ່ເຮັດມາກໍຈະເສຍລ້າ.

  •  

ສ່ວນໜຶ່ງຂອງກິ່ນມາຈາກຖົງຕີນນິ​ແຫຼະ ລອງປ່ຽນມາໃຊ້ຖົງຕີນທີ່ບໍ່ແມ່ນຜ້າຝ້າຍ 100% ເພາະຈະເຮັດໃຫ້ລະບາຍອາກາດໄດ້ດີຂຶ້ນ ບໍ່ອັບຊື້ນ ແລະ ຢ່າລືມເບິ່ງແຍງຄວາມສະອາດຂອງຖົງຕີນ ບາ​ຂາ​ນຳ​ເດີ້ ບໍ່ຄວນໃສ່ຊ້ຳ ຖ້າໃສ່ໝົດມື້ພຽງ​ແຕ່​ມື້ດຽວກໍຄວນຊັກໄດ້ແລ້ວ​ເດີ້!

  •  

ໃນລະຫວ່າງວັນປົດເກີບແດ່ເພື່ອຫຼຸດການອັບຊື້ນ ແຕ່ຕ້ອງແນ່ໃຈນຳ​ເດີ້ວ່າຈະບໍ່ສົ່ງກິ່ນລົບກວນຄົນຮອບຂ້າງ ເອົາແບບວ່າໄປປົດໃນທີ່ສ່ວນຕົວກໍແລ້ວກັນເນີ້!

  •  

ຖ້າຕີນມີບາດກໍອາດເປັນສາເຫດຂອງກິ່ນໄດ້ ເພາະສະນັ້ນ ເມື່ອພົບວ່າມີບາດ​ແຜຢູ່ຕີນຕ້ອງຮີບຮັກສາໃຫ້​ເຊົາໂດຍດ່ວນເລີຍ.

ຂະໜາດຂອງຖົງຕີນ ແລະ ເກີບ

ຫາກຖົງຕີນ ແລະ ເກີບນັ້ນຄັບ ຫຼື ພໍດີຈົນເກີນໄປຈະເຮັດໃຫ້ຕີນບໍ່ໄດ້ຮັບການລະບາຍເທົ່າທີ່ຄວນກິ່ນບໍ່​ເພິງປະສົງກໍຈະຕາມມາໄດ້ ສະຫຼັບ ຫຼື ປ່ຽນເກີບແດ່. ກໍເຂົ້າໃຈວ່າເຮົາຕ້ອງມີເກີບຄູ່ທີ່​ມັກແຕ່ຖ້າຕ້ອງໃສ່ທຸກມື້ ບໍ່ໄດ້ພັກກິ່ນເລີຍກໍບໍ່ໄຫວ ຍິ່ງເວລາຝົນຕົກເຮົາຕ້ອງຫຍຽບນ້ຳທີ່ຂັງ ຫຼື ອອກກໍາລັງກາຍແລ້ວເຫື່ອອອກຈົນເກີບຊຸ່ມ ສະນັ້ນຫາຄູ່ສໍາຮອງມາອີກຈັກ 1-2 ຄູ່ເພື່ອສະລັບກັນໃສ່ແດ່.

ໂຮຍແປ້ງ ຫຼື ຜົງດັບກິ່ນ

ໃຊ້ແຜ່ນສະໝຸນໄພສະເປດັບກິ່ນ ຫຼື ແປ້ງທາ​ໂຕມາເທໃສ່ເກີບກໍຊ່ວຍລົດກິ່ນອັບ ແລະ ລະງັບແບັກທີເລຍໄດ້ ສິ່ງເຫຼົ່ານີ້ຫາຊື້ໄດ້ງ່າຍມີຂາຍຕາມຮ້ານທົ່ວໄປເລີຍ.

  •  

ຖ້າເປັນເກີບຜ້າໃບຄວນນໍາໄປຊັກແດ່ຢ່າງໜ້ອຍອາທິດລະ​ເທື່ອ ຫາກເປັນເກີບໜັງ ຫຼື ຄັດຊູໃສ່ເຮັດວຽກໃຫ້ນໍາອອກໄປຕາກແດດຈະຊ່ວຍລົດກິ່ນອັບ ແລະ ຄວາມຊື້ນໄດ້.

 

  •  

ເລືອກຕູ້ເກີບທີ່ລະບາຍອາກາດ ແລະ ບໍ່ມີຊ່ອງໃຫ້ສັດ​ໂຕນ້ອຍໆ ເຂົ້າໄປເຮັດຮັງອາໄສຢູ່ເມື່ອກັບ​ຮອດ​ເຮືອນແລ້ວໃຫ້ນໍາເກີບໃສ່ຕູ້ທຸກຄັ້ງ ບໍ່ຄວນວາງໄວ້ທາງນອກເພື່ອປ້ອງກັນບໍ່ໃຫ້ສັດມາ​ເຮັດກິ່ນສາບໄວ້ໃນເກີບເຮົາໄດ້ ບາງ​ໂຕກິ່ນແຮງຫຼາຍ ແລະ ຫາສະໝຸນໄພໄປວາງໃນຕູ້ເພື່ອຊ່ວຍດັບກິ່ນ.

  •  

ໃຊ້ສານສົ້ມ 1 ກ້ອນມາຂັດຖູໃຫ້ທົ່ວບໍລິເວນຕີນທັງງ່າມຕີນຝ່າຕີນສົ້ນຕີນຫຼັງຕີນໂດຍສານສົ້ມເປັນຢາລະງັບກິ່ນບໍ່ພຶງປະສົງໄດ້ເປັນຢ່າງດີ.

 

  •  

ໃຫ້ນໍານໍ້າສົ້ມສາຍຊູປະມານ 1-2 ບ່ວງປະສົມລົງໃນນໍ້າອຸ່ນຈາກນັ້ນນໍາຕີນໄປແຊ່ໄວ້​ຈັກ​ໜ້ອຍໜຶ່ງເມື່ອຮູ້ສຶກວ່າຕີນສະອາດຂຶ້ນແລ້ວ ຈາກນັ້ນໃຫ້ເຮັດການຂັດຖູທົ່ວຕີນຢ່າງເບົາໆ ໂດຍເນັ້ນໄປທີ່ບໍລິເວນຝາຕີນຜິວໜັງສ່ວນເກີນທີ່ເປັນຈຸດສະສົມແບັກທີເລຍຈະຄ່ອຍໆຫຼຸດລອກອອກໄປ

  •  

ໃຊ້ນໍ້າໝາກນາວ 1 ຖ້ວຍປະສົມກັບນ້ຳອຸ່ນ ຈາກນັ້ນນໍາຕີນໄປແຊ່ປະມານ 15-20 ນາທີແລ້ວລະລ້າງຕີນໃຫ້ສະອາດ ແລະ ຊັບຕີນໃຫ້ແຫ້ງເຮັດເປັນປະຈໍາທຸກມື້ ກິ່ນຈາກຕີນຈະຄ່ອຍໆຈາງຫາຍໄປ ນີ້ເປັນເພາະໃນໝາກນາວນັ້ນຈະມີກົດຊິດຣິກຢູ່ ກົດນີ້ຈະມີຄຸນສົມບັດໃນການຂ້າເຊື້ອແບັກທີເລຍຢູ່ຕີນໄດ້ ຊ່ວຍໃຫ້ກິ່ນຕີນບໍ່ພຶງປະສົງຄ່ອຍໆຫາຍໄປນອກຈາກນີ້ໝາກນາວຍັງມີສ່ວນຊ່ວຍໃຫ້ຮູຂຸມຂົນຢູ່ຕີນກະຊັບຂຶ້ນປັບສົມດຸນການ​ໄຫຼຂອງເຫື່ອບໍລິເວນຕີນໄດ້ເປັນຢ່າງດີ.

  •  

ນອກຈາກໝາກນາວແລ້ວເບກກິ້ງໂຊດາກໍມີຄຸນສົມບັດໃນການກໍາຈັດເຊື້ອແບັກທີເລຍໄດ້ເປັນຢ່າງດີ ບໍ່ແພ້ກັນພຽງນໍາເບກກິ້ງໂຊດາ 2 ບ່ວງປະສົມກັບນ້ຳອຸ່ນ 10 ຖ້ວຍ ຄົນຈົນກວ່າເບກກິ້ງໂຊດາຈະລະລາຍໝົດ ຈາກນັ້ນນໍາຕີນລົງໄປແຊ່ປະມານ 15-20 ນາທີ ຂັດຕີນຢ່າງເບົາໆ ກິ່ນຕີນກໍຈະຈາງຫາຍໄປ.