ເກົາຫຼີເໜືອຍິງທົດສອບຂີປະນາວຸດຕໍ່ຕ້ານເຮືອຮົບ

ກອງທັບເກົາຫຼີໃຕ້ລະບຸວ່າ ເກົາຫຼີເໜືອໄດ້ຍິງຂີປະນາວຸດຕໍ່ຕ້ານເຮືອຮົບພິໄສໃກ້ຈາກພາກພື້ນດິຈາກເມືອງວອນຊານ ແລະ ໄຜຕົກລົງທະເລຫ່າງອອກໄປປະມານ 200 ກິໂລແມັດ ເຊີ່ງຢູ່ທາງຕາເວັນອອກຂອງຄາບສະໝຸດເກົາຫຼີ

ເຖີງວ່າການທົດລອງຂີປະນາວຸດຂອງເກົາຫຼີເໜືອຫຼາຍເທື່ອໃນປີນີ້ຈະບໍ່ປະສົບຄວາມສຳເລັດແຕ່ກໍ່ຖືວ່າລະເມິດຕໍ່ມາດຕະການຂອງຄະນະຄວາມໝັ່ນຄົງແຫ່ງສະຫະປະຊາຊາດ ແລະ ເຮັດໃຫ້ນານາຊາດເກິດຄວາມຕື່ນຕົກໃຈ ເຊີ່ງຜູ້ຊ່ຽວຊານຢ້ານວ່າການທົດລອງຫຼາຍເທື່ອອາດໝາຍເຖີງຄວາມຄືບໜ້າ ຂອງໂຄງການພັດທະນາຂີປະນາວຸດເພື່ອຕິດຕັ້ງຫົວຮົບນິວເຄຍ

ແນວໃດກໍ່ຕາມ ສຳນັກຂ່າວສານຕ່າງປະເທດຂອງເກົາຫຼີໃຕ້ລາຍງານວ່າ ການທົດລອງຂີປະນາວຸດເທື່ອລ່າສຸດນີ້ເປັນຂີປະນາວຸດລອຍ ຈື່ງບໍ່ຖືວ່າລະເມິດມະຕິຂອງຄະນະຄວາມໝັ່ນຄົງແຫ່ງສະຫະປະຊາຊາດ ເຊີ່ງຫ້າມທົດລອງຂີປະນາວຸດແບບນຳຮ່ອງ

ດ້ານກອງທັບເກົາຫຼີໃຕ້ຖະແຫຼງວ່າ ການທົດລອງຂີປະນາວຸດເທື່ອລ່າສຸດນີ້ ສະແດງໃຫ້ເຫັນວ່າ ເກົາຫຼີເໜືອ ພຽງແຕ່ຢາກໂອ້ອວດສັກກະຍະພາບ ທີ່ສາມາດເລັງເປົ້າໄປທີ່ເຮືອຮົບຂະໜາດໃຫຍ່ໄດ້ ຫຼັງຈາກທີ່ເກົາຫຼີໃຕ້ ໄດ້ຮ່ວມຊ້ອມຮົບກັບກອງເຮືອບັນທຸກເຄື່ອງບິນຂອງສະຫະລັດ ເມື່ອບໍ່ດົນມານີ້

ຂີປະນາວຸດລອຍຕໍ່ຕ້ານເຮືອຮົບປົກກະຕິແລ້ວຈະລອຍໄປເໜືອຜິວນ້ຳ ໂດຍໃນປີ 2012 ເກົາຫຼີເໜືອເຄີຍນຳຂີປະນາວຸດທີ່ຊື່ສະຕິງ ອອກມາສະແດງລະຫວ່າງຂະບວນສວນສະໜາມ ແລະ ຜູ້ຊ່ຽວຊານເຊື່ອວ່າ ທີ່ຜ່ານມາເກົາຫຼີເໜືອຍັງທົດລອງຂີປະນາວຸດແບບນຳຮ່ອງຕໍ່ຕ້ານເຮືອຮົບບໍ່ສຳເລັດ

ສ່ວນການທົດລອງກ່ອນໜ້ານີ້ ຄືເມື່ອ ວັນທີ່ 29 ພຶດສະພາ ເກົາຫຼີເໜືອຍິງຂີປະນາວຸດນຳຮ່ອງສະກັດ ຈາກບໍລິເວນດຽວກັນໄປຕົກຫ່າງອອກໄປປະມານ 450 ກິໂລແມັດ

ເມື່ອວັນສຸກ ທີ່ຜ່ານມາ ຄະນະຄວາມໝັ່ນຄົງແຫ່ງສະຫະປະຊາຊາດ ໄດ້ມີມະຕິເປັນເອກະສັນ ຜ່ານມາກຕະການເກົາຫຼີເໜືອເທື່ອໃໝ່ ແບບເຈາະຈົງສະເພາະບຸກຄົນ ແລະ ອົງກອນ ໃນຂະນະທີ່ສະຫະລັດ ໄດ້ຮ່ວມຊ້ອມຮົບກັບທັ້ງກອງທັບເຮືອປ້ອງກັນຕົນເອງຂອງຢີ່ປຸ່ນ ແລະ ກອງທັບເກົາຫຼີໃຕ້ ລວມເຖີງຕິດຕັ້ງລະບົບຕໍ່ຕ້ານຂີປະນາວຸດ THAAD ໃນເກົາຫຼີໃຕ້ພ້ອມ