ເກີດໃໝ່...ບາໂລຊັດໂທດເປີດໂຕກັບນີສແລ້ວ

 

ມາຣິໂອ ບາໂລເຕລີ້ ຫົວຫອກໃໝ່ຂອງ ນີສ ຍິງປະຕູໄດ້ຫຼັງຈາກທີ່ປະເດີມສະໜາມພຽງແຕ່ 7 ນາທີທຳອິດເທົ່ານັ້ນໃນເກມທີ່ຕົ້ນສັງກັດພົບກັບ ມາກແຊ ໂດຍເປັນການຍິງລູກຈຸດໂທດ.

 

ມາຣິໂອ ບາໂລເຕລີ້ ກອງໜ້າໂຕໃໝ່ຂອງ ນີສ ສະໂມສອນດັງຂອງ ລີກແອັງ ຝຣັ່ງສາມາດຍິງປະຕູໃຫ້ທີມໄດ້ແລ້ວຫຼັງຈາກທີ່ລົງສະໜາມພຽງແຕ່ 7 ນາທີ່ເທົ່ານັ້ນ.

 

“ຊຸບເປີ້ມາຣິໂອ” ຖືກສົ່ງລົງເປັນຕົວຈິງໃນເກມທີ່ຕົ້ນສັງກັດເປີດບ້ານພົບກັບ ໂອລິມປິກ ມາກແຊ ເມື່ອວັນອາທິດທີ່ຜ່ານມາ ເຊິ່ງໃນນາທີທີ່ 7 ນີສ ມາໄດ້ລູກຈຸດໂທດ ແລະ ບາໂລເຕລີ້ ກໍສັງຫານເຂົ້າໄປແບບບໍ່ພາດ.

 

ຖືວ່າເປັນການອອກສະຕາດລະດູການທີ່ດີຂອງ ບາໂລ ຫຼັງຈາກທີ່ເຂົາຍິງໃນລີກໄດ້ພຽງລູກດຽວຕະຫຼອດທັງລະດູການ 2014-2015 ທີ່ຢູ່ກັບ ລີເວີພູ ແລະ ຍິງໄດ້ລູກດຽວໃນລີກອີກເຊັ່ນກັນກັບຕອນທີ່ຍ້າຍໄປຢູ່ກັບ ເອຊີ ມິລານ ດ້ວຍສັນນຍາຢືມໂຕໃນລະດູການ 2015-2016.

 

 

ບົດຄວາມໃຫມ່ໆ