ເກີດເຫດ ລະເບີດ ໃນພິທີ ງານດອງ ເສຍຊິວິດ ຫລາຍກວ່າ 130 ຄົນ

 ຕາມ​ຂ່າວ​ ຕ່າງປະ​ເທດ, ​ວັນ​ທີ 29 ກັນຍາ 2015,​ ເຈົ້າ​ໜ້າ​ທ່ີ​ ເຢ​ເມນ ​ໃຫ້​ຮູ້​ວ່າ ​ເກີດ​ເຫດ​ລະ​ເບີດ ​ໃນ​ພິທີ​ ງານ​ດອງ ຢູ່​ນະຄອນ ​ໂມ​ຄາ ຂອງ​​ເຢ​ແມນ ​ເຮັດ​ໃຫ້​ມີ ​ຜູ້​ເສຍ​ຊິວິດ ຫລາຍ​ກ່ວາ 130 ຄົນ ​ແລະ ບາດ​ເຈ​ັບ ຢ່າງ​ຫລວງ ຫລາຍ, ໃນ​ນັ້ນ ມີ​ແມ່ຍິງ ​ແລະ ​ເດັກນ້ອຍ. ນອກຈາກ​ນັ້ນ, ທ່ານ ບັນ​ກີ​ມູນ ​ເລ​ຂາ​ທີ​ການ​ໃຫຍ່​ ສະຫະ ​ປະຊາ​ຊາດ ຍັງ​ສ​ະ​ແດງ​ ຄວາມ​ເສຍ​ໃຈ ​ເຖິງ​ ບັນດາ ​ຄອບຄົວ ຜູ້​ປະສົບ​ ເຄາະ​ຮ້າຍ, ພ້ອມ​ກັນ​ນັ້ນ ຍັງ​ກ່າວ​ປະນາມ​ ເຖິງ​ເຫດການ​ ດັ່ງ ກ່າວ.