ເກີດເຫດຄາດຕະກຳໂຫດໝົດຄອບຄົວ!! ຍ້ອນບັນຫາໜີ້ສິນ ລູກຊາຍສິ້ນຫວັງຢູ່ຄົນດຽວ

          ໃນຕອນບ່າຍຂອງວັນທີ 23 ມັງກອນ 2017 ທີ່​ຜ່ານ​ມາໄດ້ເກີດເຫດຍິງກັນເສຍຊີວິດຄາ​ທີ່ ຢູ່​ເຂດບ້ານສີສະອາດ ເມືອງປາກຊັນ ແຂວງບໍລິຄຳໄຊ. ​ເປັນ​ເຫດ​ເຮັດ​ໃຫ້ມີຜູ້ເສຍຊີວິດ ມີ 3 ຄົນ ຄື. ທ້າວ ຈັນທະວົງ, ນາງ ຫົງມະນີ ແລະ ນາງ ວັນ ອາ​ໃສ​ຢູ່ບ້ານ ໂພນສະຫວາດ ເມືອງບໍລິຄັນ ແຂວງບໍລິຄຳໄຊ. ຜູ້ກໍ່ເຫດແມ່ນ ທ້າວ ສີທົນ ຢູ່ບ້ານ ທ່າສີໄຄ ຜູ້ກ່ຽວເປັນກອງຫຼອນບ້ານ. ສາ​ເຫດ​ຂອງ​ການ​ກໍ່ເຫດຍິງກັນຄັ້ງນີ້ ແມ່ນຍ້ອນຄັດແຍ່ງກັນເລື່ອງໜີ້ສິນ.

   ຕໍ່ກັບເຫດການທີ່ເກີດຂຶ້ນທາງສະມາຊິກໃນຄອບຄົວໃຫ້ອອກມາກ່າວເຖິງຄວາມເສຍໃຈທີ່ຕົນເອງສູນເສຍຄົນທີ່ຮັກທັງໝົດໄປ ເພາະຜູ້ເສຍຊີວິດແມ່ນ ພໍ່, ແມ່ ແລະ ເອື້ອຍຂອງຕົນເອງ. ບໍ່ຮູ້ວ່າຈະຢູ່ແນວໃດ ເພາະບໍ່ມີທີ່ເພິ່ງພາອາໃສ ຄົນທີ່ກໍ່ເຫດກໍບໍ່ຄິດເຖິງຜົນກະທົບທີ່ຈະຕາມມາແດ່. ຄວນທີ່ຈະແກ້ໄຂທາງດ້ານກົດໝາຍດີກວ່າຈະມາຈົບລົງດ້ວຍວິທີແບບນີ້.         ຄວາມສູນເສຍຄັ້ງນີ້ ບໍ່ສາມາດທີ່ຈະເອົາກັບຄືນມາໄດ້ ເຮັດໃຫ້ພຽງແຕ່ໃຫ້ກຳລັງໃຈນ້ອງໄດ້ສູ້ຕໍ່ໄປໃນສັງຄົມ ເພາະຍັງມີຍາດພີ່ນ້ອງທີ່ຍັງຄອຍຊ່ວຍເຫຼືອຢູ່. ຂໍໃຫ້ດວງວິນຍານທັງ 3 ຄົນ ໄປສູ່ສຸຄະຕິດ້ວຍເທີ້ນ.

ຂໍ້ມູນ: ໂທລະໂຄ່ງ