ເກີດອຸບັດເຫດຍົນ An-12 ຕົກທີ່ ປະເທດຊູດານໃຕ້

ມີຜູ້ເສຍຊີວິດ ປະມານ 40 ຄົນ ຈາກອຸບັດຕິເຫດຍົນຂົນສົ່ງສິນຄ້າຕົກທີປະເທດຊູດານໃຕ້
ເກີດອຸບັດເຫດຍົນຂົນສົ່ງສິນຄ້າ ໃນຂະນະທີ່ກຳລັບບິນຂຶ້ນຈາກສະຫນາມບິນສາກົນຈູບາຂອງຊູດານໃຕ້ ໂດຍຈຸດທີ່ເກີດເຫດຫ່າງຈາກເດິ່ນຍົນພຽງ 800 ແມັດເທົ່ານັ້ນ ແລະພົບສົບຜູ້ທີ່ໄດ້ຮັບເຄາະຮ້າຍຄັ້ງນີ້ແລ້ວ ປະມານ 40 ສົບ 
ໃນຂະນະນີ້ຍັງບໍ່ສາມາດມີຂໍ້ມູນຈະແຈ້ງ ໃນຈຳນວນຜູ້ທີ່ໄດ້ເສຍຊີວິດນັ້ນ ເປັນຜູ້ໂດຍສານທີ່ຢູ່ໃນຍົນຫລືປະຊາຊົນຢູ່ໃນພື້ນທີ່ ທີ່ເກີດອຸບັດເຫດໃນຄັ້ງນີ້ ແຕ່ຂ່າວຍັງບອກວ່າມີຜູ້ທີ່ລອດຊີວິດ 2 ຄົນ ເປັນພະນັກງານໃນຍົນແລະເດັກນ້ອຍອີກຫນຶ່ງຄົນ ຜູ້ສື່ຂ່າວລາຍງານວ່າ ຕາມປົກກະຕິ ຊູດານໃຕ້ ໃຊ້ຍົນຂົນສົ່ງສິນຄ້າເປັນຍົນໂດຍສານອີກດ້ວຍ