ເກີດອຸທົກກະໄພ ຢູ່ຍີ່ປຸ່ນ ເສຍຊິວິດ 5 ຄົນ

ຕາມ​ຂ່າວ ​ຕ່າງປະ​ເທດ, ​ວັນ​ທີ 13 ກັນ​ຍາ 2015, ເຈົ້າ​ໜ້າ​ທ່ີ ຍີ່​ປຸ່ນ ລາຍ​ງານ​ວ່າ ​ເນື່ອງ​ຈາກ ​ເກີດ​ຝົນຕົກ​ໜັກ ​ຢ່າງ​ຕໍ່​ເນ່ືອງ ​ຫລາຍ​ວັນ ຢູ່​ທາງ​ພາກ ​ຕາ​ເວັນ​ອອກ ​ແລະ ພາກ​ເໜືອ ​ຂອງ​ຍີ່ປຸ່ນ ​ເຮັດ​ໃຫ້​ເກີດ ​ນ້ຳ​ຖ້ວມ, ​ລະດັບ​​ນ້ຳ ​ໃນ​ແມ່​ນ້ຳ ​ກິນຸກາ​ວາ (Kinugawa) ລົ້ນ​ອອກ ​ແລະ ​ໄຫລ​ເຂົ້າ​ສູ່​​ ເຂດ​ຕ່າງໆ  ​ເຮັດ​ໃຫ້​ມີ​ ຜູ້​ເສຍ​ຊິວິດ 5 ຄົນ, ບາດ​ເຈັບ 27 ຄົນ ​ແລະ ສູນຫາຍ ຢ່າງ​ໜ້ອຍ 16 ຄົນ, ​​ປະຊາຊົນ​ຍີ່​ປຸ່ນ ຫລາຍ​ພັນ​ຄົນ ບໍ່​ສາມາດ ​ເຂົ້າ​ໄປບ່ອນຢູ່ ອາ​​ໄສ​.

ທາງ​ກາ​ນຍີ່​ປຸ່ນ ​ໄດ້​ຈັດ​ໜ່ວຍ​ກູ້​ໄພ ​ແລະ ​ຍົນ​ເຮ​ລີ​ກົບ​ແຕ້ ​ລົງ​ໄປ​ຊ່ວຍ​ເຫລືອ ​ເຂດ​ດັ່ງກ່າວ. ​ໃນ​ນັ້ນ ​ເມືອງ ​ໂຈ​ໂຊ(Joso City) ​ໄດ້​ຮັບ​ຜົນ​ກະທົບ​ ຢ່າງ​ໜັກ. ປັດຈຸບັນ, ​ເຈົ້າໜ້າ​ທ່ີ ກູ້​ໄພ ຍີ່​ປຸ່ນ ພວມ​ພະຍາ​ຍາມ​ ຊອກຫາ​ຜູ້​ຫາຍ​ ສາບ​ສູນ ຊຶ່ງເປັນ ​ຄັ້ງ​ໃຫຍ່​ສຸດ ​ໃນ​ຮອບ 50​ ປິ.

…………………………………………………………………………………………………………………….