ເກີດຫຍັງຂຶ້ນ!!ເອົາເລກຣີສົ່ງຕົວແທນເຈລະຈາເພື່ອຄຸມທັບປືນໃຫຍ່

 

ສື່ຜູ້ດີເຜີຍ ມັສຊິມິເລຍໂນ ເອົາເລກຣີ ນາຍໃຫຍ່ ຢູເວັນຕຸດ ສັ່ງຕົວແທນເດີເລື່ອງເຈລະຈາກັບ ອາເຊນອນ ເພື່ອຫວັງເຂົ້າໄປຄຸມບັງຫຽນແທນ ອາແຊນ ເວນເກີ ກຸນຊືເລືອດນຳ້ຫອມໃນລະດູການໜ້າ ຫຼັງຈາກທີ່ນາຍໃຫຍ່ອີຕາລີອອກອາການນ້ອຍໃຈຕົ້ນສັງກັດບໍ່ເຫັນຄຸນຄ່າ.

 

ເດິ ຊັນ ສື່ຊັ້ນນຳອັງກິດລາຍງານວ່າຕົວແທນຂອງ ມັສຊິມິເລຍໂນ ເອົາເລກຣີ ຜູ້ຈັດການທີມ ຢູເວັນຕຸດ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ເປີດການເຈລະຈາກັບ ອາເຊນອນ ສະໂມສອນຍັກໃຫຍ່ຂອງ ພຣີເມຍລີກ ເພື່ອເຂົ້າຮັບຕຳແໜ່ງນາຍໃຫຍ່ແທນ ອາແຊນ ເວນເກີ ກຸນຊືຄົນປັດຈຸບັນ.

 

ເທຣນເນີຄົນອີຕາລີອາຍຸ 49 ປີຕົກເປັນຂ່າວວ່າກຽມແຍກທາງກັບ “ມ້າລາຍ” ຫຼັງມີລາຍງານຂ່າວວ່າເຂົາຜິດຖຽງກັບນັກເຕະຫຼາຍຄົນ ຈານລຸຍຈິ ບຸບຟອນ, ເລໂອນາໂດ ໂບນຸດຊີ ແລະ ຈໍໂຈ ຄິເອວລິນີ ຫຼັງເກມທີ່ປລາໄຊໃຫ້ກັບ ເອຊີ ມິລານ ພາດແຊມ ຊູເປີ ໂຄປາ ອີຕາເລຍ ເມື່ອຊ່ວງປາຍເດືອນທັນວາທີ່ຜ່ານມາ.

 

ນອກຈາກນີ້ ເອົາເລກຣີ ຍັງຫາກໍດ່າຜູ້ຈັດສິນທີ 4 ແບບຫຍາບຄາຍສຸດໆໃນເກມລີກທີ່ເສຍໃຫ້ກັບ ຟິອໍເຣັນຕິນາ 1-2 ເມື່ອວັນອາທິດທີ່ຜ່ານມາ ເຖິງວ່າເຂົາຈະບໍ່ໄດ້ຖືກລົງໂທດຈາກການກະທຳດັ່ງກ່າວແຕ່ສິ່ງເຫຼົ່ານີ້ເຮັດໃຫ້ຜູ້ບໍລິຫານ ມ້າລາຍ ສັບສົນວ່າເກີດວ່າຫຍັງຂຶ້ນກັບກຸນຊືຂອງພວກເຂົາ.

 

ຈາກການລາຍງານຂອງ ເດິ ຊັນ ເອົາເລກຣີ ເຊິ່ງນຳ ຢູເວັນຕຸດ ເປັນແຊມລີກ 2 ສະໄໝ (2014-2015, 2015-2016) ຮູ້ສຶກວ່າສະໂມສອນເບິ່ງບໍ່ເຫັນຄຸນຄ່າຂອງເຂົາ ແລະ ໄດ້ຂໍໃຫ້ຕົວແທນຈັດການເດີນເລື່ອງເພື່ອເຈລະຈາຍ້າຍໄປຄຸມທັບ “ປືນໃຫຍ່” ອາເຊນອນ ໃນລະດູການໜ້າ.

 

ບົດຄວາມໃຫມ່ໆ