ເກຣັກ ສະເໜີ ຜ່ານຮ່າງກົດໝາຍ ການປະຕິຮູບ ຊຸດທີ 2 ຕໍ່ສະພາ

ຕາມ​ຂ່າວ​ຕ່າງປະ​ເທດ​, ວັນ​ທີ 22 ກໍລະກົດ, ​ເຈົ້າ​ໜ້າ​ທ່ີ​ເກຣັກໃຫ້​ຮູ້​ວ່າ ລັດຖະບານ ​ເກຣັກ​ ໄດ້​ສະ​ເໜີ​ຮ່າງ​ກົດໝາຍ​ ວ່າ​ດ້ວຍ​ມາດ​ຕະການ​ປະຕິ​ຮູບ​ ຊຸດ​ທີ 2 ຕໍ່​ສະພາ​ແຫ່ງ​ຊາດເພື່ອ​ລົງມະຕິ  ​ແລະ ຈະ​ຕ້ອງ​ຜ່ານ​ຄວາມ​ເຫັນ​ດີ​ຈາກ​ສະພາ ​ເພື່ອ​ໃຫ້​ໄດ້​ຄວາມ​ຊ່ວຍ​ເຫລືອ​ຈາກ​ເຈົ້າໜີ້.

            ການ​ລົງມະຕິ​ ມາດ​ຕະການ​ ຊຸດ​ທີ2 ປະກອບ​ດ້ວຍ​ ຂໍ້​ບັງຄັບຂອງ​ສະຫະພາບ​ເອີຣົບກ່ຽວ​ກັບ​ການ​ຮັບປະກັນ​ເງິນ​ຝາກ​ບໍ່​ເກີນ 100.000 ​ເອີ​ໂຣ, ການ​ປະຕິ​ຮູບ​ຄະດີ​ແພງ​ເພື່ອ​ເລັ່ງຂະ​ບວນການທາງ​ກົດໝາຍ ​ແລະ ຫລຸດຜ່ອນ​ຄ່າ​ໃຊ້​ຈ່າຍ​ຕ່າງໆ. ​ເມື່ອ​ບໍ່​ດົນ​ມາ​ນີ້, ລັດຖະບານ ​ເກຣັກ​ ໄດ້​ຕົກລົງ​ວ່າຈະ​ດຳ​ເນີນ​ມາດ​ຕະການ​ປະຕິ​ຮູບຄັ້ງ​ໃຫຍ່ເພື່ອ​ແລກປ່ຽນກັບຄວາມ​ຊ່ວຍ​ເຫລື​ອສາກົນ​​ໃນໄລຍະ 3 ປີ ​ໂດຍ​ມີ ມູນ​ຄ່າ 86.000 ​ເອີ​ໂຣ ​ເພື່ອ​ບໍ່​ໃຫ້​ອອກ​ຈາກ ​ກຸ່ມ​ປະ​ເທດ​ທີ່​ນຳໃຊ້​ສະກຸນ​ເງິນ​ເອີ​ໂຣ

...................................................................................................................................................................................................

ທີ່ມາ: www.kpl.gov.la