ເກມຮັບກາກ!!ມູເລັງດຶງຟານຄາຍອັດຫຼັງບ້ານ

 

ຊັນເດ ພີໂພ ສື່ຂອງອັງກິດ ລະບຸວ່າ ໂຊເຊ ມູຣິນໂຢ ນາຍໃຫຍ່ຂອງ ແມນ ຢູໄນເຕັດ ຄິດທີ່ຈະດຶງ ເວີຈິວ ຟານຄານ ກອງຫຼັງຂອງ ເຊົາແຮມຕັນ ມາຮ່ວມທັບ ໂດຍອາດຈະຕ້ອງຈ່າຍເງິນ 30 ລ້ານປອນ.

 

ໂຊເຊ ມູຣິນໂຢ ຜູ້ຈັດການທີມ ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ຢາກດຶງໂຕ ເວີຈິວ ຟານຄາຍ ກອງຫຼັງຂອງ ເຊົາແຮມຕັນ ມາຮ່ວມທີມ ຕາມການລາຍງານຂອງ ຊັນເດ ພີໂພ ສື່ຊື່ດັງຂອງເມືອງຜູ້ດີ.

 

ຟານຄາຍ ເຮັດຜົນງານໄດ້ໜ້າປະທັບໃຈນັບຕັ້ງຍ້າຍຈາກ ກລາສໂກ ເຊວຕິກ ມາຢູ່ກັບ ເຊົາແຮມຕັນ ເມື່ອຊ່ວງເດືອນກັນຍາປີກ່ອນ ໂດຍຟອມອັນລະເບີດຂອງເຂົາເຮັດໃຫ້ເຂົາໄດ້ຕໍ່ສັນຍາກັບທີມເຖິງ 6 ປີເມື່ອຊ່ວງເດືອນພຶດສະພາທີ່ຜ່ານມາ.

 

ທັງນີ້ ມູຣິນໂຢ ເຊື່ອວ່າເກມຮັບຂອງທີມມີສະພາບທີ່ຕົກຕຳ່ ແລະ ຕ້ອງການເສີມທັບໃນຈຸດນີ້ເຊິ່ງເຂົາເອງ ແລະ ທີມສະຕາບໂຄດກໍເຊື່ອວ່າ ຟານຄານ ເປັນຄົນທີ່ຈະເຂົ້າມາແກ້ບັນຫາໃນຈຸດນີ້ໄດ້ພ້ອມເບິ່ງວ່ານັກເຕະອາຍຸ 25 ປີຈະມາເປັນຜູ້ນຳໃນແຜງຫຼັງໃຫ້ທີມໄດ້ ໂດຍຄາດວ່າຄ່າຫົວຂອງນັກເຕະອາດຈະຢູ່ທີ່ 30 ລ້ານປອນ.