ເກດມະນີ ວົງປະເສີດ ຜູ້ຄວ້າຕຳແໜ່ງນາງສາວນະຄອນຫຼວງວຽງຈັນ 2019

ພາຍຫຼັງການຄັດເລືອກເອົາສາວງາມຈາກ 40 ກວ່າຄົນໃຫ້ເຫຼືອ 20 ຄົນເມື່ອຕົ້ນເດືອນກຸມພາ 2019, ຫຼັງຈາກນັ້ນມານາງສາວຜູ້ຜ່ານເຂົ້າຮອບ 20 ຄົນໄດ້ຮຽນຮູ້ຫຼາຍຢ່າງ ກ່ອນກ້າວສູ່ພິທີເປີດໂຕຢ່າງເປັນທາງການ ເມື່ອວັນທີ 16 ມີນາ 2019 ຜ່ານມາ ເຊິ່ງການເກັບໂຕ ເພື່ອຮຽນຮູ້ບຸກຄະລິກກະພາບຕ່າງໆນັບແຕ່ມື້ເປີດໂຕມາຮອດວັນທີ 5 ເມສາເປັນອັນວ່າສິ້ນສຸດການກະກຽມ.

 

ຫຼ້າສຸດໃນຄໍ່າຄືນຂອງວັນທີ 6 ເມາສາ 2019 ນີ້ ທີ່ໂຮງແຮມແລນມາກ ແມ່ຂອງ ຣີເວີໄຊ, ນະຄອນຫຼວງວຽງຈັນ ກໍ່ໄດ້ມີການປະກາດຜົນ ນາງສາວນະຄອນຫຼວງວຽງຈັນປີ 2019 ເຊິ່ງນາງສາວທຸກຄົນແມ່ນມີຄວາມງາມດ້ານຮູບຮ່າງໜ້າຕາ ແລະຄວາມສາມາດທີ່ແຕກຕ່າງກັນ ແຕ່ຜ່ານຈາກຮອບ 20 ຄົນເຫຼືອ 7 ຄົນສຸດທ້າຍມາຕອບຄຳຖາມ ປະກົດວ່າ   ໝາຍເລກ MVT15  ນາງ ເກດມະນີ ວົງປະເສີດ (ປຸ້ຍ) ອາຍຸ 22 ປີ ເປັນຜູ້ຊະນະເລີດໄດ້ຄອງຕໍາແໜ່ງນາງສາວນະຄອນຫຼວງ ປະຈຳປີ 2019.

 

ສ່ວນຮອງອັນດັບ 1 ຕົກເປັນຂອງ ໝາຍເລກ MVT08  ນາງ ຄໍາຫຼ້າ ຈັນທະລັງສີ (ນ້ອຍ) ອາຍຸ 20 ປີ.

 

ຮອງອັນດັບ 2 ໄດ້ແກ່ໝາຍເລກ MVT01  ນາງ ນິກສະຢາ ໄຊສົມພູ (ເອລິກ) ອາຍຸ 18 ປີ,

 

ສ່ວນຮອງອັນດັບ 3 ມີ  4 ລາງວັນ ອັນດັບໜຶ່ງໄດ້ແກ່: ໝາຍເລກ MVT06 ນາງ ສົ້ມທອງ ວົງສະໝອນ (ນໍ້າສົ້ມ) ອາຍຸ 20 ປີ;

 

ຮອງອັນດັບສາມ ຄົນທີສອງໄດ້ແກ່ ໝາຍເລກ MVT04 ນາງ ນໍ້າຝົນ ພູມານິວົງ (ນໍ້າຝົນ) ອາຍຸ 20 ປີ;

 

ຮອງອັນດັບສາມ ຄົນທີສາມໄດ້ແກ່ ໝາຍເລກ MVT17 ນາງ ສິງທອງ ເລົ່າບຸນແພງທະໝັ້ນ (ສອງ) ອາຍຸ 18 ປີ

 

ແລະ ຮອງອັນດັບສາມຄົນທີ່ສີ່ໄດ້ແກ່ ໝາຍເລກ MVT14 ເມລາລີ ພັນທະວົງ (ເມ) ອາຍຸ 19 ປີ.

ສຳລັບຄຳຂວັນຂອງການປະກວດໃນປີນີ້ ແມ່ນສົ່ງເສີມວັດທະນະທຳ ນຳຄຸນຄ່າສູ່ແມ່ຍິງລາວ ແລະ ຜູ້ທີ່ຊະນະເລີດທີ່ໄດ້ຄອບຄອງຕໍາແໜ່ງເປັນນາງສາວນະຄອນຫຼວງວຽງຈັນປະຈຳປີ 2019 ຈະໄດ້ປະກວດໃນເວທີ Miss Chinese International ຢູ່ຮົງກົງ ປະເທດຈີນ ສ່ວນຮອງອັນດັບໜຶ່ງ ຈະໄດ້ໄປປະກວດຕໍ່ເວທີ Miss Asia pacitic ຢູ່ປະເທດສິງກະໂປ ໃນໄວໆນີ້.