ຮຽນຮູ້ວິທີການແລ່ນຢ່າງຖືກຕ້ອງ ດ້ວຍ 4 ເຄັດລັບງ່າຍໆ ດັ່ງຕໍ່ໄປນີ້

ໃນ​ຕອນ​ເລີ່ມ​ຕົ້ນ​ເຈົ້າ​ຄວນ​ຮຽນ​ຮູ້​ວິທີ​ການ​ແລ່ນ​ຢ່າງ​ຖືກ​ຕ້ອງ​ ບໍ່​ວ່າ​ຈະແລ່ນ​ເພື່ອ​ກຽມ​ຕົວ​ສຳລັບ​ການ​ເຂົ້າ​ຮ່ວມ​ກິດຈະກຳການແລ່ນຕ່າງໆ​ຫລື​ການ​ແລ່ນ​ແບບ​ເບົາ​ໆ​ ເພື່ອ​ສຸຂະ ພາບ​ທີ່​ດີ​ ແນວໃດ​ກໍ​ຕາມ​ເຈົ້າ​ຄວນ​ຄຳ​ນຶງ​ເຖິງ​ຄວາມ​ໄວ​ໃນ​ການ​ແລ່ນແລະ​ຄວາມ​ປອດ​ໄພ​ເປັນ​ຫຼັກ​ ດ້ວຍ​ກົດ​ພື້ນ​ຖານ​ງ່າຍໆ​ສຳລັບ​ການ​ແລ່ນ​ອອກ​ກຳ​ລັງ​ກາຍ​ນີ້ຈະ​ຊ່ວຍ​ໃນ​ການ​ປ້ອງ​ກັນ​ແລະ​ກຽມ​ຄວາມ​ພ້ອມ​ສຳລັບ​ການ​ແລ່ນ​ໃຫ້​ກັບ​ເຈົ້າ​ ເຈົ້າ​ຈະ​ບໍ່​ພຽງ​ແຕ່ມ່ວນ​ກັບ​ຊ່ວງ​ເວລາ​ດັ່ງ​ກ່າວ​ ແຕ່​ເຈົ້າ​ຍັງ​ໄດ້ຮັບ​ປະໂຫຍດ​ສູງ​ສຸດ​ຈາກ​ການ​ແລ່ນ​ອອກ​ກຳ​ລັງ​ກາຍ​ປະຈຳ​ວັນ​ຂອງ​ເຈົ້າ​ນຳ.​

 1. ຄຳ​ນຶງ​ເຖິງ​ຄວາມ​ປອດ​ໄພ​ເປັນ​ຫຼັກ​

ຄວາມ​ປອດ​ໄພ​ຂອງ​ເຈົ້າ​ຄວນ​ເປັນ​ສິ່ງ​ທີ່​ຄິດ​ເຖິງ​ເປັນ​ອັນ​ດັບ​ທຳອິດ​ ບໍ່​ວ່າ​ເຈົ້າ​ຈະ​ຝຶກ​ເທນ​ນິ່ງ​ກີລາ​ຫຍັງ​ກໍ​ຕາມ​ ໃນ​ຂະນະ​ທີ່​ເຈົ້າ​ກຳ​ລັງ​ແລ່ນ​ເຈົ້າ​ຕ້ອງ​ຮູ້​ຈັກ​ປ້ອງ​ກັນ​ຕົວ​ເອງ​ຈາກ​ລົດ​​, ຄົນ​ແປກ​ໜ້າ​ ແລະ ອື່ນໆ​ ຫາກ​ເຈົ້າ​ຕ້ອງ​ແລ່ນ​ໃນ​ເວລາ​ກາງ​ຄືນ​ ເຈົ້າ​ຄວນ​ແລ່ນ​ຂ້າງ​ຖະໜົນ​ໃຈ​ກາງ​ເມືອງ​ຫລື​ຍ້າຍ​ໄປ​ແລ່ນ​ເທິງ​ທາງ​ຟຸດບາດແລະ​ໃສ່​ເທບ​ສະ​ທ້ອນ​ແສງ​ເພື່ອ​ໃຫ້​ຜູ້​ອື່ນ​ສາມາດ​ສັງເກດ​ເຫັນ​ເຈົ້າ​ ຈື່​ໄວ້​ສະເໝີ​ວ່າ​ເມື່ອ​ເຈົ້າ​ຢູ່​ເທິງ​ທາງ​ຟຸດບາດ​ເຈົ້າ​ຕ້ອງ​ປະ ຕິບັດ​ຕາມ​ກົດ​ຈະລາຈອນ​ຢ່າງ​ເຄັ່ງຄັດ​ ເພື່ອ​ຄວາມ​ປອດໄ​ພ​ຂອງ​ຕົວ​ເຈົ້າ​ເອງ​ ກ່ອນ​ອອກ​ໄປ​ແລ່ນ​ເຈົ້າ​ຄວນ​ຈະ​ໂທ​ບອກ​ໃຜ​ບາງ​ຄົນ​ໃຫ້​ຮູ້​ທັງ​ຕອນ​​ໄປ​ແລະ​ຕອນ​ກັບ​ແລະ​ຄວນ​ທີ່​ຈະ​ຖື​ໂທລະ​ສັບ​ມື​ຖື​ຕິດ​ຕົວ​ໄວ້​ດ້ວຍ​ສະເໝີ​ໆ​. 


2. ແຕ່ງ​ກາຍ​ໃຫ້​ເໝາະ​ສົມ​  

ເຈົ້າ​ຄວນ​ທີ່​ຈະ​ແຕ່ງ​ກາຍ​ຕາມ​ສະພາບ​ອາ​ກາດ​ໃຫ້​ເໝາະ​ສົມ​ ລອງ​ຕີນ​ນັ້ນ​ມີ​ຢູ່​ນຳກັນ​ຫລວງ​ຫລາຍ​ຫຼາຍ​ປະ​ເພດ​ ແຕ່​ສຳລັບ​ການ​ແລ່ນ​ແລ້ວ​ນັ້ນ​ເຈົ້າ​ຄວນ​ທີ່​ຈະ​ເລືອກ​ລອງ​ຕີນ​ທີ່​ເໝາະ​ກັບ​ນັກ​ແລ່ນ​ ຊຶ່ງ​ຈະ​ກັນ​ການ​ກະ​ແທກ​ແລະ​ມີ​ຄວາມ​ຢືດ​ຢຸ່ນ​ໄດ້​ເປັນ​ຢ່າງ​ດີ.​

3. ຄວນ​ໃຫ້​ເວລາ​ກັບ​ຕົວ​ເອງ​

ເຈົ້າ​ຄວນ​ໃຫ້​ເວລາ​ກັບ​ຕົວ​ເຈົ້າ​ເອງ​ ເຈົ້າ​ບໍ່​ສາມາດ​ທີ່​ຈະ​ກາຍ​ເປັນ​ນັກ​ແລ່ນ​ໄດ້​ໃນ​ເວລາ​ຊົ່ວ​ຂ້າມ​ຄືນ​ ຫາກ​ເຈົ້າ​ຝືນ​ແລ່ນ​ເກີນ​ກຳ​ລັງ​ຕັ້ງ​ແຕ່​ໃ​ນ​ເທື່ອທຳອິດ​ ການ​ແລ່ນ​ຈະ​ກາຍ​ເປັນ​ຄວາມ​ເຈັບ​ປວດ​ແລະ​ປະສົບການ​ທີ່​ຊົ່ວຮ້າຍ​ສຳລັບ​ເຈົ້າ​ ຢາກ​ໃຫ້​ເຈົ້າ​ລອງ​ຟັງ​ສຽງ​ຂອງ​ຮ່າງກາຍ​ ຢຸດ​ແລ່ນ​ຫາກ​ເຈົ້າ​ຮູ້ສຶກ​ວ່າ​ເມື່ອຍ​, ມີ​ອາການ​ເຈັບ​​ຕີນ​, ຂາ​, ຫົວ​ເຂົ່າ​ແລະອື່ນໆ​ ເຈົ້າ​ຄວນ​ຈະ​ຄ່ອຍ​ໆ​ກໍ່ການ​ອອກ​ກຳ​ລັງ​ກາຍ​ເພີ່ມ​ຂຶ້ນ​ໄປ​ຢ່າງ​ຊ້າ​ໆ​ຊຶ່ງ​ຈະ​ເຮັດໃຫ້​ການແລ່ນ​ນັ້ນ​ດີ​ຕໍ່​ສຸຂະພາບ​ໃຫ້​ຜົນ​ລັບ​ໃນ​ທາງ​ບວກ​ແລະ​ເປັນ​ປະສົບ ການ​ທີ່​ຄຸ້ມ​ຄ່າ​ສຳລັບ​ເຈົ້າ.​  

4. ພະຍາຍາມ​ຫາຍ​ໃຈ​ເຂົ້າ​ໄວ້​

ເມື່ອ​ໃດກໍ​ຕາມ​ທີ່​ເຈົ້າ​ໃຊ້​ພະລັງ​ງານ​ຫລາຍ​ໃນ​ການ​ອອກ​ກຳ​ລັງ​ກາຍ​ ເປັນ​ເລື່ອງ​ປົກກະຕິ​ທີ່​ເຈົ້າ​ຈະ​ເຜີ​ກໍ່ການ​ກັ້ນ​ຫາຍ​ໃຈ​ເພື່ອ​ໃຫ້​ມີ​ແຮງ​ຫລາຍ​ຍີ່ງ​ຂຶ້ນ​ ການ​ຫາຍ​ໃຈ​ຢ່າງ​ຖືກ​ຕ້ອງ​ເມື່ອ​ກໍ່ການ​ອອກ​ກຳ​ລັງ​ກາຍ​ຈະ​ຊ່ວຍ​ເພີ່ມ​ຄວາມ​ອົດ​ທົນ​ແລະ​ຄວາມສະດວກ​ສະບາຍ​ໃຫ້​ກັບ​ເຈົ້າ​ ດັ່ງ​ນັ້ນ​ເຈົ້າ​ຄວນ​​ເນັ້ນ​ໄປ​ທີ່​ການ​ຫາຍ​ໃຈ​ເຂົ້າ​ເລິກ​ໆ​ແລະ​ຫາຍ​ໃຈ​ໃຫ້ເປັນ​ຈັງ​ຫວະ​.

=======================================================================================================================