ຮູ​ຂຸມ​ຂົນ​ກວ້າງ​!! ມີ​ວິທີ​ແກ້​ ພຽງ​ 4 ວິທີ​ນີ້​ ກະ​ຊັບ​ຂຶ້ນ​ແນ່ນອນ​!!

 

ການ​ມີ​ໃບ​ໜ້າທີ່​ຂາວ​ໃສ​ ລຽບ​ນຽນ ​ແລະ ​ທີ່​ສຳຄັນ​ຮູ​ຂຸມ​ຂົນ​ຕ້ອງ​ເຫັນ​ບໍ່​ແຈ້ງ​ ສິ່ງ​ນີ້​ຖື​ເປັນ​ສິ່ງ​ທີ່​ໃຜ​ຫຼາຍ​ໆ​ຄົນ​ກໍ​ຕ້ອງ​ການ​ແມ່ນບໍ່ ​ໂດຍ​ສະເພາະ​ສາວ​ໆ ​ໜຸ່ມໆ ​ທີ່​ຮັກ​ຄວາມ​ສວຍ ຄວາມ​ງາມ​ ແລະ​ ນອກ​ຈາກ​ຈະ​ສ້າງ​ບຸກຄະລິກ​ໃຫ້​​ດີ​ແລ້ວ​ຍັງ​ສ້າງ​ຄວາມໝັ້ນ​ໃຈ​ໄດ້​ອີກ​ດ້ວຍ​  ມື້​ນີ້​ເຮົາ​ມີ​ເຄັດ​(ບໍ່​)ລັບ​ໃນ​ການ​ກະ​ຊັບ​ຮູ​ຂຸມ​ຂົນ​ທີ່​ສາມາດ​ເຮັດ​ໄດ້​ເອງ​ງ່າຍໆ​

ວິທີ​ການເຮັດ​

1. ນ້ຳ​ແຂງ​ 
ນຳ​ເອົາຜ້າ​ສະ​ອາດ​ຫໍ່​ນ້ຳ​ແຂງ​ມາແປະ​ແລ້ວ​ຖູ​ເບົາ​ໆ​ ບໍລິເວນ​ທີ່​ຮູ​ຂຸມ​ຂົນ​ກວ້າງ​ ປະ​ມານ​ 15 ນາ​ທີ​ ວິທີ​ນີ້​ກໍ​ຈະ​ເຮັດໃຫ້​ຮູ​ຂຸມ​ຂົນ​ເທິງ​ໃບ​ໜ້າ​​ນ້ອຍ​ລົງ​

2. ໄອ​ນ້ຳ​ 
ຕົ້ມ​ນ້ຳ​ໃຫ້​ເດືອດ​ເທ​ໃສ່​ຊາມ​ທີ່ທົນ​ຄວາມ​ຮ້ອນ​ໄດ້​ ແລ້ວ​ຢອດ​ນ້ຳ​ມັນ​ທີທຣີ​ອອຍ​ 2-3 ຢອດ​ ກົ້ມ​ໜ້າ​ລົງໃສ່​ຊາມ​ເພື່ອໃຫ້ຖືກ​ກັບ​ໄອ​ນ້ຳ​ປະ​ມານ​ 10 ນາ​ທີ​ ແລ້ວ​ລ້າງ​ອອກ​ດ້ວຍ​ນ້ຳ​ເຢັນ​ເພື່ອ​ປິດ​ຮູ​ຂຸມ​ຂົນ​ນັ້ນ​ເອງ​

3.ເບກ​ກິ້ງ​ໂຊ​ດາ​ 
ໃຊ້​ເບກ​ກິ້ງ​ໂຊ​ດາ​ 1 ບ່ວງ​ ປະສົມ​ນ້ຳ​ 1/2 ບ່ວງກາເຟ​ ຄົນ​ໃຫ້ເປັນ​ເນື້ອຄຣີມ​ແລ້ວ​ພອກ​ບໍລິເວນ​ທີ່​ມີ​ຮູ​ຂຸມ​ຂົນ​ກວ້າງ​ ຖິ້ມ​ໄວ້​ປຣະ​ມານ​ 5 ນາ​ທີ​ ຈາກ​ນັ້ນ​ລ້າງ​ອອກ​ດ້ວຍ​ນ້ຳ​ອຸ່ນ​ 

4.ໄຂ່​ຂາວ​ 
ປະສົມ​ໄຂ່​ຂາວ​ 1 ໜ່ວຍ​ກັບ​ນ້ຳ​ສົ້ມ​ ຫລື​ ນ້ຳ​ໝາກ​ນາວ​ 1 ບ່ວງ ພອກ​ຖິ້ມ​ໄວ້​ປະ​ມານ​ 10 ນາ​ທີ​ ແລ້ວ​ລ້າງ​ອອກ​ດ້ວຍ​ນ້ຳ​ອຸ່ນ​ ວິທີ​ນີ້​ນອກ​ຈາກ​ຈະ​ຊ່ວຍ​ລຸດ​ຮູ​ຂຸມ​ຂົນ​ກວ້າງ​ແລ້ວ​ຍັງ​ຊ່ວຍ​ເລື່ອງ​ຜິວ​ໜ້າ​ໃສ​ໄດ້​ອີກ​ດ້ວຍ​​ ເພາະ​ໃນ​ນ້ຳ​ສົ້ມ ​ຫລື ​ນ້ຳ​ໝາກ​ນາວ​ມີ​ວິ​ຕາ​ມິນ​ຊີ​

ເປັນ​ແນວໃດ​ 4 ເຄັດ​(ບໍ່​)ລັບ​ ງ່າຍໆ​ທີ່ທ່ານ​ກໍ​ສາມາດ​ເຮັດ​ໄດ້​ເອງ​ ບໍ່​ຕ້ອງ​ອອກ​ໄປ​ເຮັດ​ທີ່​ຮ້ານ​ໃຫ້​ເສຍ​ເງີນ​ພຽງແຕ່ເທົ່າ​ນີ້​ກໍ​ງາມ​ໄດ້