ຮູ້​ຫຼືຍັງ​? ເປັນຫຍັງເປີດ​ແອ​ນ​ອນ​ໃນ​ລົດ​ຈຶ່ງອາດເຮັດໃຫ້​ຕາຍ​ໄດ້​!!


          ຫຼາຍ​ຄົນ​ເຄີຍ​ເຮັດ​ແບບ​ນີ້​ແມ່ນ​ບໍ່​ ການເປີດ​ແອ​ນ​ອນ​ໃນ​ລົດ​​ເພາະ​ມັນ​ເຢັນ​ສະບາຍ​ດີ​ ແຕ່​ຫຼາຍ​ໆ​ຄົນ​ອາດ​ເຄີຍ​ໄດ້ຍິນ​ຄືກັນ​ວ່າ​ຖ້າ​ເປີດ​ແອ​ນ​ອນ​ໃນ​ລົດ​ນັ້ນ​ອາດ​ກໍ່​ໃຫ້​ເກີດ​ອັນຕະລາຍ​ເຖິງ​ຊີວິດ​ໄດ້​! ແມ່ນ​ແລ້ວ​ ​ການ​ເປີດ​ແອ​ນ​ອນ​ໃນ​ລົດ​ອາດ​ເຮັດໃຫ້​ທ່ານຕາຍ​ໄດ້​ ເຮັດໃຫ້​ຕາຍ​ໄດ້ແນວໃດ​ນັ້ນ​​ ມື້​ນີ້​ເຮົາ​ມີ​ຄຳ​ຕອບ​ມາ​ຝາກ​

         ລົດ​ຍົນ​ປົກກະຕິ​ທີ່​ແລ່ນ​ຢູ່​ເທິງ​ຫົນທາງ​ເວລາ​ເປີດ​ແອ​​ເປັນຫຍັງ​ເຮົາ​ຮູ້ສຶກ​ດີ ​ແລະ ​ບໍ່​ເປັນ​ອັນຕະລາຍ​ ກໍ​ເພາະ​ວ່າ​ໃນ​ຂະນະ​ທີ່ລົດແລ່ນຢູ່ນັ້ນ​ ຄວັນ​ຂອງລົດຈາກ​ທໍ່​ອ​າຍເສຍ​ຈະ​ຖືກ​ປ່ອຍ​ຈາກ​ດ້ານ​ຫຼັງ​ ແລະ ​ແອ​​ກໍ​ຈະ​ດູດ​ອາ​ກາດ​ທີ່​ອາດ​ມີສານພິດ​ເຈືອປົນ​ເຂົ້າ​ມາ​ໃນ​ລົດແຕ່ບໍ່ຫຼາຍຄື​ການ​ຈອດ​ລົດ​ຖິ້ມ​ໄວ້​
        ໃນ​ສ່ວນ​ຂອງ​ການ​ເປີດ​ແອ​ນ​ອນ​ໃນ​ລົດ​ນັ້ນ ​ຈະ​ກໍ່​ໃຫ້​ເກີດ​ອັນຕະລາຍ​ຕໍ່​ຊີວິດ​ ກໍ່​ຄື​ໃນ​ຂະນະ​ທີ່​ເຮົາ​ຈອດ​ລົດ, ​​ເປີດ​ແອ​ ​ແລະ ເຮົາ​ຕ້ອງປິດແກ້ວ​ທັງ​ 4 ດ້ານ​ອີກ​ດ້ວຍ​ ໂດຍ​ປົກກະຕິ​ແອ​ນັ້ນ​ຈະ​ດູດ​ອາ​ກາດ​ຈາກ​ທາງ​ນອກ​ເຂົ້າ​ໃນ​ໂຕລົດ​ ເຊິ່ງ​ອາ​ກາດ​ທີ່​ດູດ​ເຂົ້າ​ມາ​ກໍ່​ຄື ຄວັນລົດຈາກທໍ່ອາຍ​ເສຍ​ຂອງ​ເຮົາ​ນັ້ນ​ເອງ​ ຄວັນລົດ​ນັ້ນ​ເຊິ່ງ​ເປັນ​ກ໊າ​ຊ​ພິດ ​ກໍ​ຄ່ອຍ​ໆ​ເຂົ້າ​ມາ​ໃນ​ລົດ ​ແລະ ​ເພາະວ່າ​ບໍ່​ມີ​ການ​ຖ່າຍ​ເທ​ອາ​ກາດ​ນີ້​ເອງ​ ຈຶ່ງ​ເປັນ​ເຫດ​ທີ່​ເຮັດໃຫ້​ເສຍຊີວິດ​!


ການ​ກະທຳ​ທີ່​ກໍ່​ໃຫ້​ເກີດ​ອັນຕະລາຍ​ເຖິງ​ຊີວິດ​ເມື່ອ​ເປີດ​ແອ​​ຖິ້ມ​ໄວ້​

1.ການ​ປິດ​ແກ້ວລົດ​ທັງ​ 4 ດ້ານ​: ເຮັດໃຫ້​ອາ​ກາດ​ບໍ່​ຖ່າຍ​ເທ​ ຈຶ່ງ​ອາດ​ເຮັດໃຫ້​ເສຍຊີວິດ​ໄດ້​!

2.ຈອດ​ລົດ​ນອນ​ໃນບ່ອນ ​ທີ່​ອາ​ກາດ​ບໍ່​ປອດ​ໂປ່ງ​: ເຊິ່ງ​ບໍລິເວນ​ທີ່ອາ​ກາດ​ບໍ່​ປອດ​ໂປ່ງຈະມີສານ​ພິດ​ຫລາຍ​ຢູ່​ແລ້ວ ​ແລ້ວ​ຍິ່ງ​ເຮົາ​ໄປ​ຈອດ​ນອນ​ບ່ອນ​ນັ້ນ​ ​ກໍ​ອາດ​ເຮັດໃຫ້​ເສຍຊີວິດ​ໄດ້​

3. ສະພາບ​ຂອງ​ລົດ: ອາດ​ເປັນ​ສ່ວນ​ຂອງ​ຂອບ​ຢາງ​ຂອງ​ປະ​ຕູ​ທີ່​ມັນ​ອາດຈະ​ເສື່ອມ​ ເຊິ່ງ​ຂອບ​ຢາງ​ປະ​ຕູ​ທີ່​ເສື່ອມ​ນັ້ນ​ສາມາດ​ເກີດ​ການ​ຊຶມ​ຂອງ​ຄວັນ​ພິດ​ໄດ້ ​ ແລະ​ ອີກ​ຢ່າງ​ໜຶ່ງຄື ​ລົດ​ຂອງທ່ານ​ນັ້ນ​ເກົ່າ ​ແລະ ​ຄວາມ​ສາມາດໃນ​ການ​ເຜົາ​ໄໝ້​ນັ້ນ​ບໍ່ສົມບູນ​ ຄວັນ​ພິດ​ທີ່​ເກີດ​ຈາກ​ການ​ເຜົາ​ໄໝ້​ບໍ່​ສົມບູນ​ນັ້ນ​ເປັນ​ຄວັນ​ພິດ​ທີ່​ອັນຕະລາຍ​ຫລາຍ​ ຖ້າ​ເຮົາ​ສູບດົມ​ເຂົ້າໄປ​ ​ກໍ​ອາດ​ເຮັດໃຫ້​ຕາຍ​ໄດ້​ເລີຍ​ເດີ!!

4. ສະພາບ​ຮ່າງກາຍ​: ສະພາບ​ຮ່າງກາຍ​ຂອງ​ໂຕ​ທ່ານ​ເອງ​ກໍ​ມີ​ຄວາມ​ສຳຄັນ​ຫລາຍ​ໆ​ ເພາະ​ຖ້າທ່ານ​ບໍ່​ສະບາຍ ​ຫລື ​ອ່ອນ​ເພຍ​ຢູ່​ແລ້ວ ​ແລ້ວ​ໄດ້ຮັບ​ຄວັນ​ພິດ​ເຂົ້າໄປ​ອີກ​ກໍ​ອາດຈະ​ເຮັດໃຫ້​ເຈົ້າ​ຕາຍ​ໄດ້​

ຖ້າ​ຈຳ​ເປັນ​ຕ້ອງ​ນອນ​ໃນ​ລົດ​ແທ້ໆ​ຄວນ​ເຮັດ​ແບບ​ນີ້:​
1. ຄວນ​ດັບ​ເຄື່ອງຈັກ​
2. ເອົາແກ້ວລົດ​ລົງ​ໜ້ອຍໜຶ່ງ ເພື່ອ​ໃຫ້​ອາ​ກາດ​​ຖ່າຍ​ເທໄດ້​
3. ຈອດ​ລົດ​ໃນ​ບ່ອນ ​ທີ່ປອດໄ​ພ​ບໍ່​ສ່ຽງ​ຕໍ່ອັນຕະລາຍ​