ຮູ້ໄວ້! ວິທີເຝິກເດັກນ້ອຍເອົາຕົວລອດ ເມື່ອຕິດຢູ່ໃນລົດ

ວິທີ 1 ສອນເປີດປະຕູລົດ

ສອນ ແລະ ຊີ້ໃຫ້ເດັກນ້ອຍຮູ້ວ່າຈຸດເປີດປະຕູລົດຢູ່ບໍລິເວນໃດທັງລົດເກັງ ແລະ ລົດຕູ້ເລີຍ​ເດີ້(ເພາະບ່ອນເປີດບໍ່ຄືກັນ) ແລະ ເປີດໃນລັກສະນະຈັ່ງໃດລອງເປີດໃຫ້ເຂົາເບິ່ງ ແລະ ໃຫ້ເຂົາລອງໃຊ້ມືເປີດດ້ວຍຕົນເອງເພື່ອສ້າງຄວາມຈົດ​ຈຳ.

ວິທີ 2 ສອນປົດລັອກປະຕູ

ກໍລະນີທີ່ລົດລັອກ ແລະ ເດັກນ້ອຍຕິດຢູ່ໃນລົດພຽງລໍາພັງ ຫຼື ຜູ້ປົກຄອງເອງລືມກະແຈໄວ້ພາຍໃນລົດຈົນເຮັດໃຫ້ບໍ່ສາມາດຊ່ວຍເດັກອອກມາໄດ້ ຖ້າເກີດເຫດນັ້ນຂຶ້ນແລ້ວພະຍາຍາມທີ່ຈະບອກໃຫ້ເດັກກົດປົດລັອກເຊື່ອວ່າບໍ່ສາມາດເຮັດໄດ້ແນ່ນອນເພາະເດັກບໍ່ເຄີຍຮູ້ວິທີກົດມາກ່ອນ ດັ່ງນັ້ນ, ຄວນ​ເຝິກໃຫ້ເດັກກົດປົດລັອກດ້ວຍຕົນເອງ.

ວິທີ 3 ເປີດ​ແວ່ນ

ນອກຈາກການເປີດປະຕູ ແລະ ປົດລັອກແລ້ວຍັງຕ້ອງສອນການເປີດ​ແວ່ນລົດເພື່ອໃຫ້ອາກາດຖ່າຍເທອີກດ້ວຍໂດຍ​ເຝິກໃຫ້ເຂົາເປີດ​ແວ່ນ (ກໍລະນີລົດຕູ້ ຫຼື ​ແວ່ນແບບມືໝຸນ) ໃຊ້ມືບີບ ແລະ ດັນ​ແວ່ນອາດຕ້ອງໃຊ້ແຮງພໍສົມຄວນເພື່ອເປີດກວ້າງ ແບບນີ້ຍັງຈັ່ງໃດກໍຢ່າລືມເຮັດໃຫ້ເຫັນເປັນຕົວຢ່າງເລື້ອຍໆ​ເດີ້.

ວິທີ 4 ບີບ​ແກລົດ

ຫາກເຮັດຕາມ 3 ວິທີທາງເທິງດ້ວຍຕົນເອງບໍ່ໄດ້ການຂໍຄວາມຊ່ວຍເຫຼືອຈາກຜູ້ໃຫຍ່ດ້ານນອກດ້ວຍການບີບແກໃຫ້ຮູ້ຈຶ່ງເປັນເລື່ອງທີ່ດີຫຼາຍ ​ເຝິກເດັກໃຫ້ຮູ້ຈັກຂ້າມໄປເບາະຄົນຂັບ ແລະ ກົດບີບແກບ່ອນພວງມະໄລ ເພື່ອສ້າງຄວາມສົນໃຈໃຫ້ຄົນທີ່ຢູ່ພາຍນອກລົດສັງເກດເຫັນງ່າຍຂຶ້ນ. 

ແຕ່ກໍຢາກຝາກຂໍ້ແນະນໍາຜູ້ປົກຄອງພະນັກງານຂັບລົດຮັບ-ສົ່ງນັກຮຽນ ແລະ ຄູອາຈານໃຫ້ເຕືອນຕົນເອງດັ່ງນີ້:

  1. ນັບຈໍານວນເດັກນ້ອຍກ່ອນຂຶ້ນ ແລະ ຫຼັງລົງຈາກລົດທຸກຄັ້ງ.
  2. ກ່ອນລັອກປະຕູລົດກວດເບິ່ງໃຫ້ທົ່ວລົດອີກ​ຮອບ​ໜຶ່ງ ຫຼຽວຫຼັງ​ໄປ​ເບິ່ງ​ອີກ​ເທື່ອ​ໜຶ່ງ.
  3. ຢ່າປະເດັກນ້ອຍໄວ້ພຽງລໍາພັງແມ້​ແຕ່ຊ່ວງເວລາສັ້ນໆ.