ຮູ້ແລ້ວອຶ້ງ! ເປັນຫຍັງຢີ່ປຸ່ນຈຶ່ງເກີດແຜ່ນດິນໄຫວ

ປະເທດຢີ່ປຸ່ນນັບວ່າເປັນປະເທດທີ່ມີເຫດການແຜ່ນດິນໄຫວເກີດຂຶ້ນຫລາຍທີ່ສຸດ ເນື່ອງຈາກຢີ່ປຸ່ນມີລັກສະນະເປັນເກາະດອນ ເກີດມາຈາກແຜ່ນເປືອກໂລກ4ແຜ່ນຄືແຜ່ນເປືອກໂລກປາຊີຟິກ, ແຜ່ນເປືອກໂລກຟິລິປິນ, ແຜ່ນເປືອກໂລກຍູເຣເຊຍແລະແຜ່ນເປືອກໂລກອາເມຣິກາເຫນືອມາຕຳກັນຈົນເກີດເປັນເກາະຂຶ້ນມາ. ໃນປັດຈຸບັນພູມສັນຖານຢີ່ປຸ່ນນນອນໃນບໍລິເວນທີ່ເອີ້ນວ່າ'ວົງໄຟປາຊີຟິກ(the ring of fire) ເຊິ່ງກວມເອົາປະເທດຢີ່ປຸ່ນ,ຫມູ່ເກາະຊາວາ,ຟິລິປິນ, ອາເມຣິກາໃຕ້ ...ຕາມຂໍ້ມູນພູມສາດກ່າວວ່າຢູ່ໃຕ້ພື້ນດິນ-ມະຫາສະຫມຸດແຖບນີ້ເລິກລົງໄປຫລາຍພັນແມັດແມ່ນມີພູເຂົາໄຟຫລາຍພັນລູກທີ່ພ້ອມຈະລະເບີດແລະເປັນບໍລິເວນທີ່ທະເລ-ມະຫາສະຫມຸດເລິກທີ່ສຸດ ເປັນສາເຫດສຳຄັນທີ່ເຮັດໃຫ້ບໍລິເວນດັ່ງກ່າວຖືກຄຸກຄາມດ້ວຍໄພທຳມະຊາດທີ່ຮຽກວ່າແຜ່ນດິນໄຫວ-ພູໄຟລະເບີດ. ເຫດການທາງທຳມະຊາດຍາກທີ່ຈະຄວບຄຸມໃຫ້ມັນເກີດຂຶ້ນແລະມະນຸດເຮົາເອງກໍຕ້ອງກຽມພ້ອມທີ່ຈະຮັບມື ແລະບໍ່ຊ້ຳຕື່ມທຳຮ້າຍທຳມະຊາດໃຫ້ຮຸນແຮງຍິ່ງຂຶ້ນ.