ຮູ້ແລ້ວສາເຫດ ທີ່ໄຟໄໝ້ຕະຫຼາດຂາຍປີ້ງໄກ່ເຊໂນ ກໍ່ໃຫ້ເກີດຄວາມເສຍຫາຍເກືອບ 500 ລ້ານກີບ

ເວລາປະມານ 5:30 ຂອງວັນທີ 19 ກຸມພາ 2017 ນີ້ ໄດ້ເກີດເຫດໄຟໄໝ້ຕະຫລາດ ຮ້ານປີ້ງໄກ່(ເຊໂນ) ເມືອງອຸທຸມພອນ ແຂວງສະຫວັນນະເຂດ ລວມ 16 ຮ້ານ ຂອງຈຳນວນທັງໝົດ 30 ກວ່າຮ້ານ ໃນຕະຫລາດດັ່ງກ່າວ, ເຈົ້າໜ້າທີ່ປະເມີນຄວາມເສຍຫາຍ ລວມມູນຄ່າ 490 ລ້ານກວ່າ ກີບ.
ຈາກການເລ່ົາຂອງຜູ້ເຫັນເຫດການ ແລະ ການສັນລະສູດຂອງເຈົ້າໜ້າທີ່ ໃຫ້ຮູ້ໃນເບື້ອງ ຕົ້ນວ່າ: ເຫດໄຟໄໝ້ໃນຄັ້ງນີ້ ໄດ້ເລີ່ມຈາກຮ້ານແມ່ເຖົ້າຂັນທະລີ, ອາຍຸ 64 ປີ, ປະຊາຊົນ ບ້ານໄຊອຸ ດົມ, ເມືອງອຸທຸມພອນ ໂດຍການຈູດທູບ-ທຽນ ເພື່ອບູຊາໃນຫິ້ງພະບໍລິເວນຮ້ານປີ້ງໄກ່ ເຊິ່ງສ່ວນ ໃຫຍ່ແມ່ນເຮັດດ້ວຍໄມ້, ມຸງສັງກະສີ ແລະ ແອ້ມດ້ວຍຝາໄມ້ເຮ້ຍ, ບວກກັບອາກາດ ແຫ້ງແລ້ງ ເປັນເຫດໃຫ້ໄຟໄດ້ລາມແຜ່ຂະຫຍາຍອອກໄປໄດ້ຢ່າງໄວວາ. ໃນຈຳນວນຮ້ານທີ່ຖືກໄຟໄໝ້ ໄດ້ມີຮ້ານ ທີ່ເສຍຫາຍຫລາຍກວ່າໝູ່ແມ່ນຮ້ານນາງ ໂສພາ, ອາຍຸ 35 ປີ ປະຊາຊົນບ້ານໄຊອຸດົມ ເມືອງອຸທຸມ ພອນ ມູນຄ່າ 70 ລ້ານກວ່າກີບ.
ຂ່າວແຈ້ງຕື່ມວ່າ: ໃນອາທິດທີ່ຜ່ານມາ, ສະຖາບັນການເງິນຈຸລະພາກ ສາຍໃຍສຳພັນ ໄດ້ປະ ກອບສ່ວນເງິນສົດ ຈຳນວນ 5 ລ້ານກີບ ໃຫ້ແກ່ຫ້ອງການສຶກສາທິການ ແລະ ກິລາ ເມືອງໄກສອນພົມວິຫານ ເພື່ອນຳໃຊ້ເຂົ້າໃນການສອບເສັງນັກຮຽນເກັ່ງ ໃນລະດັບ ຊັ້ນປະຖົມ, ມັດທະຍົມຕົ້ນ ແລະມັດທະຍົມປາຍ ໃນຮອບຄັດເລືອກ ເຊິ່ງຈະໄດ້ຈັດຂຶ້ນໃນວັນທີ 21 ມັງກອນ. ການສອບເສັງຄັ້ງນີ້ ສຳລັບຊັ້ນປະຖົມມີ 3 ວິຊາ: ຄະນິດສາດ, ພາສາລາວ ແລະ ໂລກອ້ອມຕົວ. ສ່ວນຊັ້ນມັດທະຍົມ ມີ 2 ວິຊາຄື: ຄະນິດສາດ ແລະ ພາສາລາວ. ທັງນີ້ ເພື່ອແນໃສ່ຄັດເລືອກໃຫ້ໄດ້ນັກຮຽນເກັ່ງເຂົ້າສອບເສັງໃນລະດັບແຂວງ ແລະ ເປັນການພັດທະນາການສຶກສາ ໃຫ້ແກ່ເມືອງໄກ ສອນພົມວິຫານ ກໍຄືແຂວງສະຫວັນນະເຂດ.

ທີ່ມາ: ປະເທດລາວ Pathedlao​