ຮູ້ແລ້ວຕ້ອງລອງ!! 5 ເຄື່ອງດື່ມເພື່ອສຸຂະພາບ

 ຮູ້ແລ້ວຕ້ອງລອງ!! 5 ເຄື່ອງດື່ມເພື່ອສຸຂະພາບ ແທນກະແຟໄດ້ດີບໍ່ແພ້ກັນ
ກ່າວເຖີງກາແຟ ຈະພົບວ່າກາແຟນັ້ນມີສານຕ້ານອະນຸມູນອິດສະລະຫລາຍ ແລະ ກາແຟອີນ ໃນກາແຟກໍ່ມີປະໂຫຍດຕໍ່ຮ່າງກາຍຢູ່ນຳ ແຕ່ຫາກວ່າເຮົາກິນກາແຟໃນປະລິມານສູງ ຕິດຕໍ່ເນື່ອງທຸກໆມື້ແລ້ວນັ້ນ ແນວໂນ້ມຂອງການເກີດກະດູກອອນ ເນື່ອງຈາກກາແຟອີນເປັນໂຕເລັ່ງການຂັບແຄຊ້ຽມອອກຈາກຮ່າງກາຍຜ່ານເປັນປັດສະວະຫລາຍກວ່າປົກກະຕິ ນອກຈາກນີ້ໃນຄົນທີ່ແພ້ກາແຟອີນກໍ່ຈະມີອາການມຶນງົງ ຫົວໃຈເຕັ້ນແຮງຄືຈະເປັນລົມ ບາງຄັ້ງອາດນອນບໍ່ຫລັບ ດັງນັ້ນທາງທີ່ດີ ເຮົາຄວນລົດການດື່ມກາແຟ ແລະ ປ່ຽນມາກິນ 5 ເຄື່ອງດື່ມທີ່ສາມາດເສີມຮ່າງກາຍໃຫ້ສົດຊື່ນໄດ້ດີບໍ່ແພ້ກາແຟດັງທີ່ເຮົານຳມາຝາກກັນໃນມື້ນີ້ດີກວ່າ 
1.ໂກໂກ້ເຢັນ-ຮ້ອນ.


ເຄື່ອງດື່ມປະເພດນີ້ເຫມາະສຳລັບຄົນທີ່ກຳລັງຈະເຊົາກິນກາແຟ ເພາະຄວາມໃກ້ຄຽງຂອງລົດຊາດທີ່ຄຸ້ນເຄີຍ ປະໂຫຍດທີ່ຈັດເຕັມຂອງສານຕ້ານອະນຸມູນອິດສະລະທີ່ມີໃນໂກໂກ້ກໍ່ຈະຊ່ວຍໃຫ້ຮ່າງກາຍສົດຊື່ນຂຶ້ນໄດ້ຫລາຍນັ້ນເອງ

2.ນຳ້ຜັກ,ຫມາກໄມ້.


ການດື່ມນຳ້ສະກັດຜັກຫມາກໄມ້ຈະຊ່ວຍໃຫ້ຮ່າງກາຍໄດ້ຮັບສານອາຫານ ແລະ ວິຕາມິນສົດໆ ເປັນຢ່າງດີ ເທົ່ານີ້ຄວາມສົດຊື່ນທີ່ທ່ານຕ້ອງການກໍ່ຢູ່ບໍ່ໄກແລ້ວ.

3.ນຳ້ເຢັນ.


ໃຜຈະຮູ້ວ່ານຳ້ເຢັນນິແຫລະ ມັນດີອີຫລີ ເພາະຮ່າງກາຍເຮົາປະກອບດ້ວຍນຳ້ໃນປະລິມານສູງແລະອັດຕາການສູນເສຍນຳ້ອອກຈາກຮ່າງກາຍກໍ່ເກີດຂຶ້ນໄດ້ຕະຫລອດເວລາ ດັ່ງນັ້ນ ຈຶ່ງຄວນເຕີມນຳ້ໃຫ້ຮ່າງກາຍເປັນປະຈຳ ອາດດ້ວຍການຈິບນຳ້ເຢັນໆຕະຫລອດ ຮັບຮອງວ່າຮ່າງກາຍເຮົາກໍ່ຈະຊຸ່ມຊື່ນແລະສົດໃສຈາກພາຍໃນສູ່ພາຍນອກເລີຍ

4.ນຳ້ທັນຕະພືດ


ຈຳພວກນຳ້ເຕົ້າຮູ້ທີ່ຂາຍຕາມສະຖານທີ່ຕ່າງໆ ຫຼືເຂົ້ານົມຖົ່ວເລືອງກໍ່ຈະຊ່ວຍໃຫ້ຮ່າງກາຍໄດ້ຮັບສານອາຫານທີ່ຈຳເປັນຕໍ່ຮ່າງກາຍຢ່າງເຕັມທີ່ໂດຍສະເພາະສາວໆເດີ້..

5.ນຳ້ຊາ


ໃນປັດຈຸບັນມີນຳ້ຊາໃຫ້ເລືອກດື່ມໄດ້ຕາມຄວາມມັກທັງຊາຂຽວ ຊາຂາວ ຊາອູ່ຫລົງ ແລະ ຊາດຳ ເປັນຕົ້ນ ຊາເຫຼົ່ານີ້ຕ່າງກໍ່ມີສານຕ້ານອະນຸມູນອິດສະລະຂອງແຕ່ລະປະເພດທີ່ແຕກຕ່າງກັນຮ່າງກາຍເຮົາຈະສົດຊື່ນແລະແຂງແຮງຂຶ້ນຢ່າງບໍ່ຫນ້າເຊື່ອ.